San Lucas 11:34 - Li Santil hu

³⁴ Li xnakꞌ e̱ru chanchan jun li lámpara. Xban nak na-iloc li xnakꞌ e̱ru cuanquex saꞌ cutan. Cui ta ma̱cꞌaꞌ li xnakꞌ e̱ru cuanquex raj saꞌ kꞌojyi̱n.

Q'eqchi Bible

³⁴ Li xsaqenk li tz'ejwalej a'an li xsa' laawu. Wi saqenk ru xsa' laawu, chixjunil laajunxaqalil saqenaq ajwi' ru; ab'an wi ink'a' chaab'il xsa' laawu, chixjunil laajunxaqalil taawanq sa' aak'ab'.

San Lucas 11:34 ပူးပေါင်းရင်းမြစ်များ

Hechos 26:18

Chanchan nak ta̱teo̱nk li xnakꞌ ruheb nak ta̱chꞌolob lix ya̱lal chiruheb. Chanchan nak teꞌe̱lk saꞌ li kꞌojyi̱n ut teꞌoc saꞌ cutan nak teꞌxtau ru lix ya̱lal. Teꞌe̱lk rubel xcuanquil laj tza ut teꞌoc rubel xcuanquil li Dios. Riqꞌuin inpa̱banquil la̱in, ta̱cuyekꞌ ta̱sachekꞌ lix ma̱queb, ut ta̱cua̱nk xnaꞌajeb saꞌ xya̱nkeb li sicꞌbileb ru xban li Dios,” chan cue li Ka̱cuaꞌ.

Salmos 119:18

At Ka̱cuaꞌ, china̱tenkꞌa taxak chixtaubal ru la̱ cua̱tin re nak tinqꞌue retal nak kꞌaxal lokꞌ li cꞌaꞌru xaye.

Colosenses 3:22

Ex aj cꞌanjel, junelic chexpa̱ba̱nk chiruheb le̱ patrón. Chanru nak nequexcꞌanjelac nak yo̱ che̱rilbal le̱ patrón, joꞌcan ajcuiꞌ texcꞌanjelak nak incꞌaꞌ yo̱ che̱rilbal. Mexcꞌanjelac re xnimobresinquil e̱rib. Chexcꞌanjelak ban chi anchal le̱ chꞌo̱l xban nak la̱ex nequera li Ka̱cuaꞌ Dios.

2 Corintios 11:3

Abanan yo̱quin chi cꞌoxlac che̱rix xban nak ninnau chanru nak quibalakꞌi̱c lix Eva xban li cꞌantiꞌ. Ma̱re anchal texbalakꞌi̱k la̱ex ut ma̱re incꞌaꞌ chic te̱pa̱b li Cristo chi anchal e̱chꞌo̱l ut ma̱re incꞌaꞌ chic te̱lokꞌoni.

2 Corintios 4:4

Incꞌaꞌ nequeꞌxtau ru xban nak laj tza naramoc re lix ya̱lal chiruheb li incꞌaꞌ nequeꞌpa̱ban. Naxba̱nu aꞌan re nak incꞌaꞌ teꞌxtau ru lix ya̱lal li colba-ib li nacꞌutuc chiku lix lokꞌal li Cristo, ut lix lokꞌal li Dios.

Jeremías 5:21

Abihomak la̱ex li ma̱cꞌaꞌ e̱naꞌleb, la̱ex li cau e̱chꞌo̱l. La̱ex li cuan xnakꞌ e̱ru ut incꞌaꞌ nequex-iloc, la̱ex li cuan e̱xic ut incꞌaꞌ nequex-abin.

Efesios 1:17

Nintijoc chiru li nimajcual Dios, lix yucuaꞌ li Ka̱cuaꞌ Jesucristo, ut nintzꞌa̱ma chiru nak tixqꞌue e̱naꞌleb re nak te̱tau ru chi tzꞌakal lix naꞌleb li Dios ut re nak te̱tau ru lix ya̱lal chi us.

San Marcos 4:12

Usta yo̱queb chi iloc, abanan incꞌaꞌ teꞌxqꞌue retal. Usta yo̱queb chi abi̱nc, abanan incꞌaꞌ teꞌxtau xya̱lal. Ta̱uxma̱nk chi joꞌcan re nak incꞌaꞌ teꞌxyotꞌ xchꞌo̱leb ut incꞌaꞌ teꞌxjal xcꞌaꞌuxeb ut incꞌaꞌ ta̱cuyekꞌ xma̱queb.—

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

San Marcos 8:18

Incꞌaꞌ nequetau xya̱lal. Cuan xnakꞌ e̱ru ut incꞌaꞌ nequex-iloc. Cuan e̱xic ut incꞌaꞌ nequex-abin.

Isaías 44:18

Eb li nequeꞌyi̱ban re li dios aꞌan incꞌaꞌ nequeꞌxtau xya̱lal xban nak chanchaneb li mutzꞌ. Incꞌaꞌ nequeꞌraj xtaubal xya̱lal xban nak ma̱cꞌaꞌeb xnaꞌleb.

Hechos 13:11

Anakcuan li Ka̱cuaꞌ ta̱rakok a̱tin saꞌ a̱be̱n. Tatmutzꞌokꞌ ut najt incꞌaꞌ ta̱ilok xnakꞌ a̱cuu, chan laj Pablo. Ut saꞌ junpa̱t quimoy ut quikꞌojyi̱noꞌ saꞌ xnakꞌ ru. Quixyal xsicꞌbal ani ta̱chꞌilo̱nk re.

Isaías 29:10

Li Ka̱cuaꞌ xsach le̱ naꞌleb. Chanchan yo̱quex chi cua̱rc. Eb li profeta, aꞌaneb raj li nequeꞌqꞌuehoc xnaꞌlebeb li tenamit. Abanan li Dios quixsach lix naꞌlebeb. Chanchan nak quixtzꞌap li ruheb riqꞌuin tꞌicr.

Isaías 6:10

Ut quixye cuiꞌchic cue li Ka̱cuaꞌ: —A̱lobresi lix chꞌo̱leb li tenamit aꞌin re nak incꞌaꞌ teꞌxtau xya̱lal. Incꞌaꞌ saken cheꞌabi̱nk ut incꞌaꞌ saken cheꞌilok re nak incꞌaꞌ cheꞌilok riqꞌuin li ruheb ut incꞌaꞌ saken cheꞌabi̱nk riqꞌuin lix xiqꞌueb, chi moco lix chꞌo̱leb chixtau xya̱lal, chi moco teꞌsukꞌi̱k cuiqꞌuin re tebinqꞌuirtesi, chan.

Salmos 81:12

Joꞌcan nak quincanabeb xba̱nunquil li cꞌaꞌru queꞌraj eb aꞌan. Xban nak cauheb xchꞌo̱l, queꞌxba̱nu li cꞌaꞌru queꞌraj xjuneseb.

Efesios 6:5

Ex aj cꞌanjel, chex-abi̱nk chiruheb le̱ patrón arin saꞌ ruchichꞌochꞌ. Chexcꞌanjelak chiruheb chi anchal e̱chꞌo̱l ut saꞌ xya̱lal joꞌ nak nequexcꞌanjelac chiru li Cristo.

Hechos 2:46

Rajlal cutan queꞌxchꞌutub ribeb saꞌ li templo chi lokꞌoni̱nc. Ut saꞌ eb li rochoch queꞌcuaꞌac saꞌ comonil chi sa saꞌ xchꞌo̱leb ut chi junaj xchꞌo̱leb.

San Marcos 7:22

Ut saꞌ xcꞌaꞌux ajcuiꞌ nachal li elkꞌac, lix rahinquil ru cꞌaꞌru re ras ri̱tzꞌin, li ma̱usilal, li balakꞌi̱nc, li xba̱nunquil li xuta̱nalil naꞌleb, li cakali̱nc, li majecua̱nc, li kꞌetkꞌetil, ut lix majelil naꞌleb.

Isaías 42:19

¿Aniheb li chanchaneb mutzꞌ? Aꞌaneb lin tenamit. Ut, ¿aniheb li chanchaneb tzꞌap xic? Aꞌaneb li sicꞌbileb ru inban li quebintakla chixchꞌolobanquil lix ya̱lal.

Proverbios 28:22

Li ani naxra li biomal naraj ru xtaubal lix biomal. Ut incꞌaꞌ naxqꞌue retal nak nebaꞌil yo̱ chi cha̱lc saꞌ xbe̱n.

Génesis 19:11

Eb li cuib chi cui̱nk lix takl li Dios queꞌqꞌuehoc reheb chi mutzꞌi̱rc eb li cui̱nk li teꞌraj oc saꞌ cab. Queꞌmutzꞌir li ti̱x joꞌ eb ajcuiꞌ li toj sa̱jeb. Ut eb li cui̱nk aꞌan queꞌlub chixsicꞌbal li puerta ut incꞌaꞌ queꞌxtau.

Proverbios 21:4

Li kꞌetkꞌetil ut li nimobresi̱nc ib, aꞌan ma̱c. Joꞌcan ajcuiꞌ lix cꞌaꞌuxeb li incꞌaꞌ useb xnaꞌleb.

Isaías 5:20

Raylal ta̱cha̱lk saꞌ e̱be̱n la̱ex li nequexyehoc us re li incꞌaꞌ us, ut li us, incꞌaꞌ us nequeye re. Li cutan nequeqꞌue chokꞌ kꞌojyi̱n, ut li kꞌojyi̱n nequeqꞌue chokꞌ cutan. Li quiꞌ nequeye cꞌa re, ut li cꞌa, aꞌan quiꞌ nequeye re.

San Lucas 11:35

Cui incꞌaꞌ us li kanaꞌleb, cuanco saꞌ kꞌojyi̱n. Chanchano jun li mutzꞌ li incꞌaꞌ na-iloc. Cheba̱nu cue̱nt re nak junelic cua̱nkex saꞌ cutan saken.