San Lucas 11:31 - Li Santil hu

³¹ Li ixk li quicuan chokꞌ reina saꞌ li tenamit li cuan saꞌ li sur, ta̱cuacli̱k chak saꞌ xkꞌehil nak ta̱rakekꞌ a̱tin saꞌ e̱be̱n ut tixye nak cuan e̱ma̱c xban nak incꞌaꞌ xerabi li cua̱tin. Aꞌan quichal chak toj saꞌ xmaril li ruchichꞌochꞌ chirabinquil li cꞌaꞌru quixye laj Salomón xban nak cuan xnaꞌleb. Ut la̱in kꞌaxal cuiꞌchic innaꞌleb chiru laj Salomón ut cuanquin arin saꞌ e̱ya̱nk. Abanan incꞌaꞌ nequepa̱b li cua̱tin.

Q'eqchi Bible

³¹ “Li xna' li tenamit li wank sa' rokeb'l iq' taawakliiq chaq sa' xkutankil li raqb'a aatin rochb'eeneb' li tenamit a'in ut tixteneb' tojb'amaak sa' xb'eeneb', xb'aan naq a'an kichalk chaq toj sa' xmaril li ruuchich'och' re rab'inkil li xnimal xk'a'uxl laj Salomón; ut arin wank li naxq'ax ru laj Salomón.

San Lucas 11:31 ပူးပေါင်းရင်းမြစ်များ

2 Crónicas 9:1

Li reina li cuan aran Sabá quirabi resil nak kꞌaxal cuan xnaꞌleb laj Salomón. Joꞌcan nak co̱ aran Jerusalén chi patzꞌoc riqꞌuin re rilbal ma tixsume ta na li patzꞌoc li kꞌaxal chꞌaꞌaj xsumenquil. Co̱ Jerusalén riqꞌuin laj Salomón rochbeneb nabaleb aj cꞌanjel chiru. Ut nabaleb li camellos li yo̱queb chi i̱ka̱nc re li cꞌaꞌru quixcꞌam. Nabal li sununquil ban quixcꞌam ut nabal li oro. Ut quixcꞌam ajcuiꞌ nabal li terto̱quil pec. Nak quicuulac riqꞌuin laj Salomón quixye re li joꞌ qꞌuial li cuan saꞌ xchꞌo̱l nak tixye.

Romanos 2:27

Usta incꞌaꞌ xcꞌul li circuncisión cui naxba̱nu tzꞌakal li tzꞌi̱banbil saꞌ li chakꞌrab, li cui̱nk aꞌan naxcꞌut a̱xuta̱n ut ta̱rakekꞌ a̱tin saꞌ a̱be̱n xban nak nacakꞌet li chakꞌrab. Ma̱cꞌaꞌ na-oc cuiꞌ a̱cue nak xacꞌul li circuncisión, chi moco nak nacanau li tzꞌi̱banbil saꞌ li chakꞌrab cui incꞌaꞌ nacaba̱nu li cꞌaꞌru naxye.

San Lucas 3:22

Li Santil Musikꞌej chanchan jun li paloma nak yo̱ chak chi cubec saꞌ xbe̱n li Jesús ut qui-abi̱c xya̱b xcux li Dios toj saꞌ choxa nak quixye: —La̱at li cualal raro̱cat inban. Nasahoꞌ inchꞌo̱l a̱cuiqꞌuin, chan.

San Mateo 12:42

Li ixk li quicuan chokꞌ reina saꞌ li tenamit li cuan saꞌ li sur ta̱cuacli̱k chak saꞌ xkꞌehil nak ta̱rakekꞌ a̱tin saꞌ e̱be̱n ut tixye nak cuan e̱ma̱c xban nak incꞌaꞌ nequexpa̱ban. Aꞌan quichal chak toj saꞌ xmaril li ruchichꞌochꞌ chirabinquil lix naꞌleb laj Salomón. Ut la̱in kꞌaxal cuiꞌchic cuan innaꞌleb chiru laj Salomón ut cuanquin arin saꞌ e̱ya̱nk. Abanan incꞌaꞌ nequepa̱b li cua̱tin.

Jeremías 3:11

Li Ka̱cuaꞌ quixye cue: —Usta kꞌaxal yibru queꞌxba̱nu eb laj Israel nak quineꞌxtzꞌekta̱na, abanan kꞌaxal cuiꞌchic numtajenak li ma̱c queꞌxba̱nu laj Judá.

Hebreos 11:7

Xban lix pa̱ba̱l laj Noé, li Dios quixye re cꞌaꞌru talajcꞌulma̱nk. Ut laj Noé quixpa̱b li quixye li Dios usta toj ma̱jiꞌ nacꞌulman. Quixyi̱b li nimla jucub cab re xcolbal rib aꞌan, joꞌ eb ajcuiꞌ li ralal xcꞌajol. Ut lix pa̱ba̱l laj Noé quixcꞌutbesi nak li cuanqueb saꞌ ruchichꞌochꞌ incꞌaꞌ queꞌpa̱ban. Joꞌcan nak queꞌcam. Xban nak quipa̱ban, li Dios quixye nak ti̱c xchꞌo̱l laj Noé.

San Lucas 9:35

Queꞌrabi nak li Dios quia̱tinac saꞌ li chok ut quixye: —Aꞌin li cualal li sicꞌbil ru inban. Cherabi li cꞌaꞌru tixye, chan.

Isaías 54:17

Ma̱ jun li chꞌi̱chꞌ li quiyi̱ba̱c re e̱pletinquil tixcuy. La̱ex te̱cꞌut nak aj ticꞌtiꞌeb li nequeꞌkꞌaban e̱re. Aꞌan aꞌin li ma̱tan li tinqꞌue e̱re la̱ex li nequexcꞌanjelac chicuu nak texinqꞌue chi numta̱c saꞌ xbe̱neb li xicꞌ nequeꞌiloc e̱re, chan li Ka̱cuaꞌ.