San Lucas 11:29 - Li Santil hu

²⁹ Nak yo̱queb chi chꞌutla̱c li qꞌuila tenamit riqꞌuin, li Jesús quixye reheb: —Li cristian li cuanqueb saꞌ eb li cutan aꞌin incꞌaꞌ useb xnaꞌleb. Teꞌraj ta̱cꞌutbesi̱k junak milagro chiruheb. Abanan ma̱ jun milagro ta̱cꞌutbesi̱k chiruheb. Caꞌaj cuiꞌ li milagro li qui-ux re laj Jonás, li quicꞌutbesi̱c chiruheb junxil.

Q'eqchi Bible

²⁹ Naq ke'ch'utlaak li k'iila tenamit, li Jesus kixtikib' xyeeb'al: “Eb' li poyanam a'in a'an jun tenamit ink'a' useb' xch'ool. Naxsik' jun li eetalil, ab'an maajun eetalil taak'ehe'q reheb', ka'ajwi' li reetalil laj Jonás.

San Lucas 11:29 ပူးပေါင်းရင်းမြစ်များ

San Lucas 11:16

Ut cuanqueb ajcuiꞌ li queꞌxtzꞌa̱ma chiru li Jesús nak tixba̱nu junak li milagro yal re xyalbal rix.

1 Corintios 1:22

Aꞌin to̱ntil naꞌleb chiruheb laj judío xban nak teꞌraj nak ta̱cꞌutekꞌ junak milagro chiruheb. To̱ntil naꞌleb chiruheb li ma̱cuaꞌeb aj judío xban nak caꞌaj cuiꞌ xnaꞌleb li ruchichꞌochꞌ nequeꞌxqꞌue xcuanquil.

San Lucas 12:1

Nak yo̱queb chi chꞌutla̱c li qꞌuila mil chi tenamit, yo̱queb chixtiquisinquil ribeb. Li Jesús qui-oc chi a̱tinac riqꞌuineb lix tzolom xbe̱n cua ut quixye: —Me̱ba̱nu joꞌ nequeꞌxba̱nu laj fariseo. Aꞌaneb aj caꞌ pacꞌal u.

San Juan 8:44

La̱ex ralal xcꞌajol laj tza. Aꞌan li nataklan saꞌ e̱be̱n. La̱ex nequeba̱nu li cꞌaꞌru naraj aꞌan xban nak cuanquex rubel xcuanquil. Aꞌan aj camsinel chalen saꞌ xticlajic. Incꞌaꞌ nacuulac chiru li ya̱l xban nak aꞌan aj ticꞌtiꞌ. Ac re nak naticꞌtiꞌic. Aꞌan li xyucuaꞌil li ticꞌtiꞌ.

San Juan 6:30

Ut queꞌxye cuiꞌchic re: —Tento ta̱cꞌut chiku junak li milagro re nak takapa̱b nak taklanbilat xban li Dios. ¿Cꞌaꞌru li retalil ta̱cꞌut chiku?

San Juan 2:18

Ut eb laj judío queꞌxye re li Jesús: —¿Cꞌaꞌru retalil ta̱cꞌut chiku re nak takanau nak cuan a̱cuanquil chirisinquileb saꞌ li templo? chanqueb re.

San Lucas 11:50

Ut anakcuan la̱ex chic textojok rix lix camiqueb chixjunileb li profeta chalen chak saꞌ xticlajic li ruchichꞌochꞌ.

San Lucas 9:41

Quichakꞌoc li Jesús ut quixye reheb: —La̱ex tenamit li cuanquex anakcuan, chi ti̱c incꞌaꞌ nequexpa̱ban ut incꞌaꞌ us e̱naꞌleb. ¿Joꞌ najtil chic tincua̱nk e̱riqꞌuin re nak texpa̱ba̱nk? ¿Joꞌ najtil chic texincuy nak nequecꞌoxla? Cꞌam chak li al arin cuiqꞌuin, chan li Jesús.

San Marcos 8:38

Li ani ta̱xuta̱na̱k chiruheb li tenamit aj ma̱c inban la̱in malaj ut xban li cua̱tin, la̱in li Alalbej tinxuta̱na̱k ajcuiꞌ xbaneb nak tincha̱lk chak riqꞌuin xnimal xlokꞌal lin Yucuaꞌ cuochbeneb li santil ángel.—

San Mateo 3:7

Nak quiril nabaleb xcomoneb laj fariseo ut xcomoneb laj saduceo yo̱queb chi cuulac yal re nak teꞌcubsi̱k xhaꞌeb, quixye reheb: —La̱ex chanchanex li ral li cꞌambolay. ¿Ani xyehoc e̱re la̱ex nak ta̱ru̱k te̱col e̱rib chiru lix joskꞌil li Dios li ta̱cha̱lk saꞌ e̱be̱n?

Ezequiel 24:24

Li Ka̱cuaꞌ Dios quixye: —Li cꞌaꞌru quixcꞌul laj Ezequiel, aꞌan retalil li cꞌaꞌru te̱cꞌul la̱ex. Nak acak xecꞌul li cꞌaꞌak re ru aꞌin, la̱ex te̱qꞌue retal nak la̱in li Ka̱cuaꞌ li nimajcual Dios.—

Jonás 1:1

Joꞌcaꞌin quixye li Ka̱cuaꞌ re laj Jonás li ralal laj Amitai: