San Lucas 11:26 - Li Santil hu

²⁶ Ut li ma̱us aj musikꞌej naxsicꞌ cuukub chic chi ma̱us aj musikꞌej kꞌaxal cuiꞌchic numtajenak xma̱usilaleb chiru aꞌan. Nequeꞌoc chi cua̱nc riqꞌuin li cui̱nk. Ut lix naꞌleb li cui̱nk aꞌan numtajenak chic xyibal ru chiru nak quicuan junxil.—

Q'eqchi Bible

²⁶ Toja' naq taaxik ut tixk'am chaq wuqub' chik chi musiq'ej, q'axal chik maa'useb' chiru a'an. Te'ok ut te'kanaaq aran; ut q'axal chik yib'ru taakanaaq wi' li winq a'an chiru naq xwank chaq xb'enwa”.

San Lucas 11:26 ပူးပေါင်းရင်းမြစ်များ

San Juan 5:14

Mokon chic li Jesús quixtau cuiꞌchic li cui̱nk saꞌ li templo ut quixye re: —Chaqꞌuehak retal nak xatqꞌuira. Canab xba̱nunquil li incꞌaꞌ us ma̱re anchal ta̱cha̱lk junak chic nimla raylal saꞌ a̱be̱n, chan li Jesús re.

San Mateo 12:45

Ut li ma̱us aj musikꞌej naxsicꞌ cuukub chic chi ma̱us aj musikꞌej kꞌaxal cuiꞌchic numtajenak xma̱usilaleb chiru aꞌan. Nequeꞌoc chi cua̱nc riqꞌuin li cui̱nk. Ut lix naꞌleb li cui̱nk aꞌan numtajenakak chic xyibal ru chiru nak xcuan chak junxil. Ut joꞌcan ajcuiꞌ te̱cꞌul la̱ex li numtajenak le̱ ma̱usilal.

1 Juan 5:16

Cui la̱o takil junak li kaherma̱n chi ma̱cobc ut naru xcuybal lix ma̱c, chotijok chirix re nak ta̱cuyekꞌ xma̱c xban li Dios ut ta̱cua̱nk riqꞌuin li Dios toj chirix lix camic. Abanan cuan li ma̱c incꞌaꞌ naxcuy li Dios. Ma̱cꞌaꞌ rajbal li tijoc chirix li ani yo̱ chi ba̱nu̱nc re li ma̱c li ma̱cꞌaꞌ xcuybal.

Sofonías 1:6

Eb li queꞌxcanab inlokꞌoninquil tinsacheb ru joꞌqueb ajcuiꞌ li ma̱ jun cua niquineꞌxlokꞌoni chi moco niquineꞌxcꞌoxla, chan li Dios.

San Mateo 23:15

Ra cha̱lel saꞌ e̱be̱n la̱ex aj tzꞌi̱b ut la̱ex aj fariseo, ex aj caꞌ pacꞌal u. Nequesuti li ruchichꞌochꞌ joꞌ ajcuiꞌ li palau re xsicꞌbal ani ta̱pa̱ba̱nk re le̱ tijleb. Ut nak ac xeꞌxkꞌaxtesi rib saꞌ e̱ya̱nk, kꞌaxal cuiꞌchic yibru xnaꞌlebeb che̱ru la̱ex ut e̱ma̱c la̱ex nak teꞌxic saꞌ xbalba.

San Lucas 11:25

Ut nak nacuulac riqꞌuin naxtau li cui̱nk chanchan jun li cab ma̱cꞌaꞌ chic cuan chi saꞌ. Mesunbil ut ac cauresinbil roybeninquil li ani ta̱oc chi saꞌ.

San Lucas 11:27

Ut nak yo̱ chixyebal eb li a̱tin aꞌin li Jesús, jun li ixk quia̱tinac chak chi cau saꞌ xya̱nkeb li qꞌuila tenamit, ut quixye: —Us xak re li ixk li x-alan a̱cue ut xtuꞌresin a̱cue, chan.