San Lucas 10:7 - Li Santil hu

⁷ Nak tex-oc saꞌ junak cab, aran texcana̱k. Incꞌaꞌ yo̱kex chixbeninquil e̱rib. Ut chetzacahak li cꞌaꞌru ta̱qꞌuehekꞌ e̱re xban nak laj cꞌanjel tento tixcꞌul lix tojbal.

Q'eqchi Bible

⁷ Chexkanaaq sa' li kab'l a'an, chetzeka ut cheruk' li k'aru wank reheb', xb'aan naq laj k'anjel xk'ulub' naq taak'ehe'q xtojb'al. Meeb'eeni eerib' chire kab'lal.

San Lucas 10:7 ပူးပေါင်းရင်းမြစ်များ

2 Timoteo 2:6

Laj cꞌalom li nacꞌanjelac chi cau tento nak aꞌan li xbe̱n li ta̱tzꞌak ru li racui̱mk.

Gálatas 6:6

Li ani yo̱ chixtzolbal li ra̱tin li Dios, tento ajcuiꞌ nak tixtenkꞌa li ani yo̱ chi tzoloc re.

San Lucas 9:4

Nak texcꞌulekꞌ saꞌ junak cab, aran texcana̱k. Toj ta̱cuulak xkꞌehil nak texxic, tex-e̱lk saꞌ li naꞌajej aꞌan.

San Marcos 6:10

Ut quixye ajcuiꞌ reheb: —Nak texcuulak saꞌ junak tenamit, saꞌ li cab tex-oc cuiꞌ chi hila̱nc, aran texcana̱k ut incꞌaꞌ yal yo̱kex chixjalbal e̱naꞌaj. Nak ac xic e̱re saꞌ jalan chic tenamit, tojoꞌnak te̱jal le̱ naꞌaj.

1 Timoteo 5:13

Ut joꞌ cuiꞌ anchal nequeꞌxtzol ribeb chi subuc cutan nak nequeꞌxic saꞌ li junju̱nk chi cab. Ut ma̱cuaꞌ caꞌaj cuiꞌ subuc cutan nequeꞌxba̱nu. Nequeꞌxtzol aj ban cuiꞌ li moloc a̱tin ut li qꞌuehoc etal ut nequeꞌxye li moco yehecꞌ ta naraj.

Hechos 16:34

Quixcꞌameb laj Pablo ut laj Silas saꞌ rochoch ut quixqꞌueheb xtzacae̱mk. Cꞌajoꞌ nak quisahoꞌ saꞌ xchꞌo̱l nak quixpa̱b li Dios rochbeneb li cuanqueb saꞌ rochoch.

Hechos 16:15

Quixcꞌul li cubi haꞌ rochbeneb chixjunileb li cuanqueb saꞌ rochoch, ut quixye ke: —Cui nequepa̱b nak la̱in xinpa̱b li Ka̱cuaꞌ chi anchal inchꞌo̱l, naru nequexcana chi hila̱nc saꞌ li cuochoch, chan ke. Ut quirelaji ku chi cana̱c.

Deuteronomio 12:12

Ut nak cua̱nkex saꞌ li naꞌajej aꞌan ta̱sahokꞌ saꞌ e̱chꞌo̱l la̱ex chiru li Ka̱cuaꞌ le̱ Dios. Ta̱sahokꞌ saꞌ e̱chꞌo̱l la̱ex e̱rochben le̱ ralal e̱cꞌajol, ut eb le̱ mo̱s cui̱nk ut eb le̱ mo̱s ixk ut e̱rochben ajcuiꞌ eb laj levita li cuanqueb saꞌ e̱ya̱nk. Eb aꞌan incꞌaꞌ queꞌxcꞌul lix naꞌajeb.

Hechos 16:40

Nak queꞌel saꞌ tzꞌalam laj Pablo ut laj Silas, coxeꞌocak saꞌ rochoch lix Lidia. Nak ac xeꞌril ruheb laj pa̱banel, queꞌxqꞌue xcacuilal xchꞌo̱leb ut queꞌco̱eb.

San Lucas 10:6

Cui cha̱bileb li cuanqueb saꞌ li cab aꞌan, ta̱cua̱nk li tuktu̱quil usilal riqꞌuineb joꞌ xeye la̱ex. Cui ut incꞌaꞌ cha̱bileb, incꞌaꞌ ajcuiꞌ ta̱cua̱nk li tuktu̱quil usilal riqꞌuineb. Caꞌaj cuiꞌ e̱riqꞌuin ban la̱ex ta̱cana̱k.

Números 18:31

La̱ex joꞌ eb ajcuiꞌ li cuanqueb saꞌ le̱ rochoch naru te̱tzaca yalak bar li na-elaꞌan xban nak aꞌan xtojbal li cꞌanjel li nequeba̱nu saꞌ li tabernáculo.

Deuteronomio 18:8

Juntakꞌe̱t xqꞌuial li cꞌaꞌru teꞌxcꞌul riqꞌuin li nequeꞌxcꞌul li jun chꞌol chic laj levita, usta cuan cꞌaꞌru xeꞌre̱chani riqꞌuin lix yucuaꞌeb.