San Lucas 10:4 - Li Santil hu

⁴ Incꞌaꞌ te̱cꞌam xnaꞌaj li cꞌaꞌak re ru ta̱cꞌanjelak e̱re saꞌ be, chi moco e̱tumin, chi moco xjalbal e̱xa̱b. Ut ma̱ ani aj iqꞌuin texxakli̱k chi serakꞌic saꞌ be.

Q'eqchi Bible

⁴ Meek'am eexalb'ek, chi moko eechampa, chi moko eexaab'; ut maa'ani teek'e xsahil xch'ool sa' b'e.

San Lucas 10:4 ပူးပေါင်းရင်းမြစ်များ

San Lucas 22:35

Ut quixye cuiꞌchic reheb lix tzolom: —Nak quexintakla chi ma̱cꞌaꞌ e̱bo̱ls, chi ma̱cꞌaꞌ xnaꞌaj e̱tumin, chi ma̱cꞌaꞌ e̱xa̱b, ¿ma cuan ta biꞌ cꞌaꞌru xpaltoꞌ e̱re? Ut eb aꞌan queꞌxye: —Ma̱cꞌaꞌ quipaltoꞌ ke.

2 Reyes 4:29

Laj Eliseo quixye re laj Giezi: —Yi̱b a̱cuib ut tatxic saꞌ rochoch li ixk. Cꞌam lin xukꞌ. Cui ani ta̱a̱tina̱nk a̱cue, ma̱sume. Ti̱c ban tatxic. Ut ta̱qꞌue lin xukꞌ saꞌ xnakꞌ ru li chꞌina al, chan.

Proverbios 4:25

Junelic cheba̱nuhak li ti̱quilal ut cheqꞌuehak retal cꞌaꞌru li us.

2 Reyes 4:24

Li ixk quixtakla xyi̱banquil rix li bu̱r ut quitakeꞌ chirix. Quixye re li mo̱s: —La̱at tatcꞌamok be chi junpa̱t ut ma̱ bar tatxakli̱k toj tinye a̱cue la̱in, chan.

1 Samuel 21:8

Laj David quixye re laj Ahimelec: —¿Ma cuan arin jun chꞌi̱chꞌ malaj la̱ns? Li rey xinixtakla chi junpa̱t. Joꞌcan nak incꞌaꞌ xqꞌue rib chicuu xcꞌambal chak inla̱ns, chi moco eb lin chꞌi̱chꞌ re pletic, chan.

Génesis 24:56

Ut aꞌan quixye cuiꞌchic reheb: —Cheba̱nu usilal. Moe̱bay chic xban nak li Dios ac xcꞌut chiku li cꞌaꞌru naraj. Choe̱canab chi xic riqꞌuin lin patrón, chan.

Génesis 24:33

Ut quixqꞌue ajcuiꞌ lix tibel xcuaheb li cui̱nk. Lix mo̱s laj Abraham quixye re laj Labán: —Chacuy inma̱c. Toj ma̱jiꞌ nacuaj cuaꞌac. Xbe̱n cua tinye e̱re cꞌaꞌru lin taklanquil, chan. Ut laj Labán quixye re, —Ye ke cꞌaꞌru la̱ taklanquil xatchal chixba̱nunquil, chan re.

San Marcos 6:7

Tojoꞌnak quixbokeb lix tzolom cablaju ut quixtaklaheb chi caꞌcabil ut quixqꞌueheb xcuanquil chirisinquil li ma̱us aj musikꞌej.