San Lucas 10:30 - Li Santil hu

³⁰ Li Jesús quichakꞌoc ut quixye re: —Cuan jun li cui̱nk aj judío qui-el Jerusalén ut yo̱ chi xic Jericó. Quicꞌuleꞌ xbaneb laj e̱lkꞌ. Queꞌxmakꞌ chiru chixjunil li cꞌaꞌru cuan re. Queꞌxtacuasi chi us ut co̱eb. Ca̱mc re li cui̱nk queꞌxcanab.

Q'eqchi Bible

³⁰ Kichaq'ok li Jesus ut kixye: —Jun li winq ki'elk chaq Jerusalén. Yo chi kub'eek Jerikó naq kit'ane'k sa' ruq'eb' laj elq': ke'xmaq' jo'ch'inal jo'nimal wank re, ke'xteni chi che' ut kamk re ke'xkanab'.

San Lucas 10:30 ပူးပေါင်းရင်းမြစ်များ

Salmos 88:4

Naru nequeꞌxye nak ac xincam xban nak ma̱cꞌaꞌ chic inmetzꞌe̱u.

San Lucas 18:31

Tojoꞌnak li Jesús quixcꞌameb xjuneseb lix tzolom cablaju ut quixye reheb: —Anakcuan toxic Jerusalén re nak ta̱tzꞌaklok ru chixjunil li tzꞌi̱banbil xbaneb li profeta chicuix la̱in li Cꞌajolbej.

San Lucas 19:28

Nak ac xye li jaljo̱quil ru a̱tin aꞌin, li Jesús qui-oc cuiꞌchic chi xic Jerusalén.

Ezequiel 30:24

La̱in tinqꞌue xcuanquil lix reyeb laj Babilonia. Chanchan nak tinqꞌue lix chꞌi̱chꞌ saꞌ rukꞌ. Ut la̱in tinsach xcuanquil lix reyeb laj Egipto. Ta̱yotꞌekꞌ xchꞌo̱l chiruheb li xicꞌ nequeꞌiloc re toj retal ta̱ca̱mk lix reyeb laj Egipto.

Jeremías 51:52

Abanan cuulac re xkꞌehil nak la̱in tinsach ruheb chixjunileb lix dioseb laj Babilonia. Ut yalak bar saꞌ li naꞌajej eb li tenamit ayaynakeb xban lix tochꞌolaleb.

Lamentaciones 2:12

Nequeꞌxye reheb lix naꞌ: —Ma̱cꞌaꞌ chic kacua kucꞌa, chanqueb. Ut nequeꞌtꞌaneꞌ saꞌ eb li be xban xtzꞌocajiqueb. Ut nequeꞌcam saꞌ rukꞌeb lix naꞌ xban nak ma̱cꞌaꞌ chic xtzacae̱mkeb.

San Lucas 10:31

Ut saꞌ li be aꞌan quinumeꞌ jun laj tij. Quiril li cui̱nk tꞌantꞌo aran, aban ti̱c quinumeꞌ.