San Lucas 10:29 - Li Santil hu

²⁹ Aꞌan quiraj raj xti̱cobresinquil xchꞌo̱l xjunes rib. Quixye re li Jesús: —¿Ani tzꞌakal li cuas cui̱tzꞌin? chan.

Q'eqchi Bible

²⁹ Laj nahol Chaq'rab' kiraj xch'olob'ankil xyaalal li xpatz'om, jo'kan naq kixye re li Jesus: —Ani li was wiitz'in?

San Lucas 10:29 ပူးပေါင်းရင်းမြစ်များ

San Lucas 16:15

Ut li Jesús quixye reheb: —La̱ex nequeti̱cobresi e̱chꞌo̱l e̱junes chiruheb li tenamit. Abanan li Dios naxnau chanru le̱ naꞌleb. Li cꞌaꞌru kꞌaxal lokꞌ chiruheb li cui̱nk saꞌ ruchichꞌochꞌ, aꞌan tzꞌekta̱nanbil xban li Dios.

Gálatas 3:11

Ac chꞌolchꞌo nak ma̱ ani ta̱ti̱cobresi̱k xchꞌo̱l chiru li Dios yal riqꞌuin xba̱nunquil li naxye saꞌ li najter chakꞌrab xban nak tzꞌi̱banbil saꞌ li Santil Hu nak ani naxpa̱b li Dios, ta̱ti̱cobresi̱k xchꞌo̱l chiru li Dios ut ta̱cua̱nk xyuꞌam chi junelic. (Hab. 2:4)

Romanos 4:2

Cui ta riqꞌuin xyehom xba̱nuhom quiti̱cobresi̱c xchꞌo̱l laj Abraham, cuan raj cꞌaꞌru quixnimobresi cuiꞌ rib. Abanan ma̱cuaꞌ raj chiru li Dios.

Levítico 19:34

Te̱ba̱nu reheb joꞌ nequeba̱nu reheb le̱ rech tenamitil. Cheraheb joꞌ nak nequera e̱rib la̱ex. Chijulticokꞌ e̱re nak la̱ex jalan le̱ tenamit nak quexcuan chak Egipto. La̱in li Ka̱cuaꞌ le̱ Dios xinyehoc re aꞌin.

Romanos 10:3

Ut incꞌaꞌ nequeꞌxnau chanru nak nati̱coꞌ li kachꞌo̱l chiru li Dios. Queꞌxyal xti̱cobresinquil xchꞌo̱leb chiru li Dios yal xjuneseb rib. Ut incꞌaꞌ queꞌraj xba̱nunquil li yebil xban li Dios.

San Lucas 10:36

¿Cꞌaꞌru nacacꞌoxla la̱at? ¿Bar cuan reheb li oxib li queꞌnumeꞌ li tzꞌakal ras ri̱tzꞌin li quitꞌaneꞌ saꞌ rukꞌeb laj e̱lkꞌ? chan.

Santiago 2:24

La̱ex nequeqꞌue retal nak ma̱cuaꞌ caꞌaj cuiꞌ riqꞌuin xpa̱banquil li Dios nak ti̱c li kachꞌo̱l chiru li Dios. Riqꞌuin aj ban cuiꞌ xba̱nunquil li us.

Li xHu LAJ JOB 32:2

Aran cuan jun li cui̱nk aj Eliú xcꞌabaꞌ. Aꞌan ralal laj Baraquel, Buz xtenamit. Aꞌan xcomoneb li ralal xcꞌajol laj Ram. Li cui̱nk aꞌan cꞌajoꞌ nak quijoskꞌoꞌ saꞌ xbe̱n laj Job xban nak laj Job quixye nak ma̱cꞌaꞌ xma̱c ut yo̱ chixqꞌuebal saꞌ xbe̱n li Dios li raylal li yo̱ chixcꞌulbal.

San Marcos 8:34

Tojoꞌnak quixbokeb li qꞌuila tenamit rochbeneb lix tzolom ut quixye reheb: —Li ani ta̱raj inpa̱banquil, tento nak tixtzꞌekta̱na li cꞌaꞌru naxrahi ru lix chꞌo̱l. Tixcuy xnumsinquil li raylal li tixcꞌul usta ta̱camsi̱k saꞌ incꞌabaꞌ. Ut chinixta̱kehak.