San Lucas 10:28 - Li Santil hu

²⁸ Ut li Jesús quixye re: —Ya̱l li xaye. Ba̱nu aꞌin ut ta̱cua̱nk a̱yuꞌam chi junelic, chan.

Q'eqchi Bible

²⁸ Kixye li Jesus re: —Xasume chi chaab'il. B'aanu a'an ut taawanq aayu'am.

San Lucas 10:28 ပူးပေါင်းရင်းမြစ်များ

Ezequiel 20:11

La̱in quinqꞌue lin chakꞌrab reheb ut quincꞌut chiruheb chanru teꞌxba̱nu xban nak li ani naxba̱nu li cꞌaꞌru ninye, cua̱nk xyuꞌam.

Levítico 18:5

Cui te̱ba̱nu li cꞌaꞌru naxye lin chakꞌrab li xinqꞌue e̱re, ut cui te̱ba̱nu chixjunil li cꞌaꞌru xexintakla cuiꞌ, ta̱cua̱nk le̱ yuꞌam. La̱in li Ka̱cuaꞌ le̱ Dios.

San Mateo 19:17

Ut li Jesús quixye re: —¿Cꞌaꞌut nak nacaye cha̱bil cue cui incꞌaꞌ nacanau anihin? Jun ajcuiꞌ li cha̱bil cuan ut aꞌan li Dios. Cui ta̱cuaj nak ta̱cua̱nk la̱ yuꞌam chi junelic ba̱nu li cꞌaꞌru naxye li chakꞌrab.—

Nehemías 9:29

La̱at caye reheb nak teꞌxba̱nu joꞌ naxye li chakꞌrab. Abanan eb aꞌan queꞌxkꞌetkꞌeti rib ut incꞌaꞌ queꞌraj xba̱nunquil. Incꞌaꞌ queꞌxba̱nu joꞌ caye reheb. Queꞌxtzꞌekta̱na ban li chakꞌrab. Ut li chakꞌrab li caqꞌue reheb, aꞌan raj quiqꞌuehoc xyuꞌameb. Queꞌxcacuubresi ban lix chꞌo̱leb ut incꞌaꞌ queꞌraj rabinquil li cꞌaꞌru caye reheb.

Gálatas 3:12

Li chakꞌrab incꞌaꞌ naxye nak topa̱ba̱nk. Caꞌaj cuiꞌ naxye nak tento xba̱nunquil li naxye re nak ta̱cua̱nk li kayuꞌam. Joꞌcaꞌin tzꞌi̱banbil saꞌ li chakꞌrab: Li ani naxba̱nu chixjunil li naxye li chakꞌrab, li jun aꞌan ta̱cua̱nk xyuꞌam. (Lev. 18:5)

Romanos 10:4

Nak quicꞌulun li Cristo saꞌ ruchichꞌochꞌ, quirakeꞌ xcꞌanjel li chakꞌrab li quiqꞌueheꞌ re laj Moisés xban li Dios. Ut chixjunileb li teꞌpa̱ba̱nk re li Cristo teꞌti̱cokꞌ xchꞌo̱leb chiru li Dios.

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

San Lucas 7:43

Quichakꞌoc laj Simón ut quixye re li Jesús: —La̱in nincꞌoxla nak li ani nabal xcꞌas, aꞌan li kꞌaxal ta̱rahok re, chan. Ut li Jesús quixye cuiꞌchic re: —Ya̱l nak joꞌcan, chan.

San Marcos 12:34

Li Jesús quixqꞌue retal nak li cui̱nk quixnau xsumenquil ut quixye re: —Yal caꞌchꞌin aj chic ma̱ nacakꞌaxtesi a̱cuib rubel xcuanquil li Dios, chan. Ut ma̱ jun chic queꞌraj patzꞌoc xban nak qui-oc xcꞌaꞌuxeb.

Ezequiel 20:21

Abanan eb li ralal xcꞌajoleb queꞌxkꞌetkꞌeti ajcuiꞌ ribeb chicuu. Queꞌxkꞌet lin chakꞌrab ut incꞌaꞌ queꞌxba̱nu li cꞌaꞌru quinye, usta cua̱nk xyuꞌam li ani naxba̱nu lin chakꞌrab. Queꞌxmux ru li hiloba̱l cutan. Joꞌcan nak la̱in quinye nak tincuisi lin joskꞌil saꞌ xbe̱neb nak cuanqueb saꞌ li chaki chꞌochꞌ.

Ezequiel 20:13

Abanan eb laj Israel queꞌxkꞌetkꞌeti ribeb chicuu saꞌ li chaki chꞌochꞌ. Incꞌaꞌ queꞌxba̱nu li cꞌaꞌru quinye reheb. Queꞌxtzꞌekta̱na lin chakꞌrab usta queꞌxnau nak riqꞌuin xba̱nunquil li cꞌaꞌru ninye cua̱nk xyuꞌameb. Ut queꞌxmux ru li hiloba̱l cutan. Joꞌcan nak la̱in quinye nak tincuisi lin joskꞌil saꞌ xbe̱neb ut tinsach ruheb saꞌ li chaki chꞌochꞌ.

Deuteronomio 6:24

Li Ka̱cuaꞌ quixye ke nak takaba̱nu chixjunil li chakꞌrab aꞌin ut takaxucua ru li Ka̱cuaꞌ li kaDios re nak ta̱najtokꞌ rok li kayuꞌam ut us toe̱lk riqꞌuin li cꞌaꞌru takaba̱nu joꞌ nak cuanco anakcuan.

Proverbios 19:16

Li ani naxba̱nu li naxye saꞌ lix chakꞌrab li Dios, aꞌan naxcol rix lix yuꞌam. Ut li ani naxtzꞌekta̱na lix chakꞌrab li Dios, aꞌan ta̱ca̱mk.

Romanos 7:10

Li chakꞌrab xqꞌue raj inyuꞌam, abanan nak quicuabi chanchan incamsinquil quixba̱nu.