San Lucas 10:16 - Li Santil hu

¹⁶ Li ani ta̱abi̱nk re le̱ ra̱tin la̱ex, ta̱rabi ajcuiꞌ li cua̱tin la̱in. Ut li ani ta̱tzꞌekta̱na̱nk e̱re la̱ex, tinixtzꞌekta̱na ajcuiꞌ la̱in. Ut li ani natzꞌekta̱nan cue la̱in, naxtzꞌekta̱na ajcuiꞌ li quitaklan chak cue, chan li Jesús.

Q'eqchi Bible

¹⁶ “Ani taa'ab'inq eere, laa'in tinrab'i; ut ani taatz'eqtaananq eere, laa'in tinxtz'eqtaana; ut li taatz'eqtaananq we, tixtz'eqtaana ajwi' li kitaqlank chaq we”.

San Lucas 10:16 ပူးပေါင်းရင်းမြစ်များ

San Juan 13:20

Relic chi ya̱l tinye e̱re nak ani ta̱cꞌuluk re li ani tintakla, tinixcꞌul ajcuiꞌ la̱in. Ut li ani ta̱cꞌuluk cue la̱in, tixcꞌul ajcuiꞌ li quitaklan chak cue, chan li Jesús reheb.

San Mateo 10:40

Li ani ta̱cꞌuluk e̱re la̱ex, tinixcꞌul ajcuiꞌ la̱in. Ut li ani ta̱cꞌuluk cue, tixcꞌul ajcuiꞌ li xtaklan chak cue.

1 Ts 4:8

Joꞌcan nak li ani natzꞌekta̱nan re li tijleb aꞌin, ma̱cuaꞌ cui̱nk li naxtzꞌekta̱na. Aꞌ ban li Dios li naqꞌuehoc ke li Santil Musikꞌej, aꞌan li naxtzꞌekta̱na.

San Juan 12:48

Tento nak ta̱rakekꞌ a̱tin saꞌ xbe̱neb li nequeꞌtzꞌekta̱nan cue, li incꞌaꞌ nequeꞌpa̱ban re li cꞌaꞌru ninye. Li a̱tin li xinye, aꞌan ajcuiꞌ li ta̱qꞌuehok reheb chixtojbal rix lix ma̱queb saꞌ rosoꞌjiqueb li cutan.

San Juan 12:44

Quixye li Jesús chi cau xya̱b xcux: —Li ani napa̱ban cue la̱in, moco caꞌaj cuiꞌ ta la̱in niquinixpa̱b. Naxpa̱b aj ban cuiꞌ li quitaklan chak cue.

San Marcos 9:37

—Li ani naxqꞌue xlokꞌal li toj kꞌun xchꞌo̱l joꞌ li chꞌina al aꞌin saꞌ incꞌabaꞌ la̱in, naxqꞌue ajcuiꞌ inlokꞌal la̱in. Ut ma̱cuaꞌ caꞌaj cuiꞌ la̱in naxqꞌue inlokꞌal. Naxqꞌue aj ban cuiꞌ xlokꞌal li Dios li quitaklan chak cue.—

San Mateo 18:5

Ut li ani ta̱cꞌuluk re junak chꞌina al joꞌ aꞌin saꞌ incꞌabaꞌ chanchan ajcuiꞌ nak la̱in xinixcꞌul.

Malaquías 1:6

Joꞌcaꞌin quixye li nimajcual Dios reheb laj tij: —Junak alalbej naxqꞌue xlokꞌal lix yucuaꞌ. Ut junak aj cꞌanjel naxqꞌue xlokꞌal lix patrón. Cui la̱in le̱ Yucuaꞌ, ¿cꞌaꞌut nak incꞌaꞌ nequeqꞌue inlokꞌal? Ut cui la̱in le̱ patrón, ¿cꞌaꞌut nak incꞌaꞌ niquine̱qꞌue saꞌ xnakꞌ e̱ru? La̱ex niquine̱tzꞌekta̱na. Ut nequeye, “¿Cꞌaꞌru xatkatzꞌekta̱na cuiꞌ?” chanquex.

Hechos 5:4

¿Cꞌaꞌut nak tat-oc xmukbal xtzꞌak la̱ chꞌochꞌ? ¿Ma ma̱cuaꞌ ta biꞌ a̱cue? Cui xacꞌayi la̱ chꞌochꞌ, ¿ma incꞌaꞌ ta biꞌ raj xru xcana chokꞌ a̱cue lix tzꞌak? Ma̱cuaꞌ chiku la̱o yo̱cat chi ticꞌtiꞌic. Chiru ban li Dios, chan.

San Lucas 9:48

Ut quixye reheb: —Li ani ta̱cꞌuluk re junak chꞌina al joꞌ aꞌin saꞌ incꞌabaꞌ la̱in, tinixcꞌul ajcuiꞌ la̱in; ut li ani ta̱cꞌuluk cue la̱in, tixcꞌul ajcuiꞌ li ani xtaklan chak cue. Joꞌcan nak li ani cubenak xcuanquil saꞌ e̱ya̱nk anakcuan, aꞌanak chic li nimak xcuanquil.—

Números 16:11

La̱at ut eb la̱ cuochben xechꞌutub e̱rib chixcuechꞌbal rix laj Aarón. ¿Cꞌaꞌut nak nequecuechꞌi rix laj Aarón? ¿Ma ma̱cuaꞌ ta biꞌ li Dios li yo̱quex chixcuechꞌinquil rix?—

Números 14:11

Ut li Ka̱cuaꞌ quixye re laj Moisés: —¿Joꞌ najtil chic tincuy nak yo̱keb chincuechꞌinquil li tenamit aꞌin? Ut, ¿joꞌ najtil chic yo̱keb chintzꞌekta̱nanquil ut incꞌaꞌ tineꞌxpa̱b, usta nabal li sachba chꞌo̱lej xincꞌut chiruheb?

Éxodo 16:7

Cuulaj ekꞌela te̱ril xnimal xlokꞌal li Ka̱cuaꞌ Dios. Aꞌan xrabi nak yo̱quex chixchꞌiꞌchꞌiꞌinquil. ¿Aniho la̱o nak yo̱quex chikacuechꞌinquil?—

Números 14:2

Ut queꞌxcuechꞌi rix laj Moisés ut laj Aarón ut chixjunileb yo̱queb chixyebal: —Kꞌaxal us raj nak saꞌ li tenamit Egipto ta xocam chak malaj ut us raj toca̱mk arin saꞌ li chaki chꞌochꞌ.

Éxodo 16:8

Laj Moisés quixye ajcuiꞌ reheb: —Rajlal ecuu li Ka̱cuaꞌ Dios tixqꞌue chak le̱ tib re te̱tzaca ut rajlal ekꞌela tixqꞌue chak le̱ cua li joꞌ qꞌuial te̱raj. Li Ka̱cuaꞌ Dios xrabi nak yo̱quex chi cuechꞌi̱nc. ¿Aniho la̱o nak yo̱quex chikacuechꞌinquil? Moco la̱o ta yo̱quex chikacuechꞌinquil. Li Ka̱cuaꞌ Dios ban li yo̱quex chixcuechꞌinquil.—

Gálatas 4:14

La̱in ninnau nak chꞌaꞌaj raj chokꞌ e̱re cuilbal saꞌ lin yajel. Abanan incꞌaꞌ xine̱tzꞌekta̱na ut incꞌaꞌ xicꞌ quine̱ril. Xine̱ril ban joꞌ junak x-ángel li Dios ut xine̱cꞌul joꞌ nak xecꞌul raj li Jesucristo.