San Lucas 10:15 - Li Santil hu

¹⁵ Ut la̱ex li cuanquex saꞌ li tenamit Capernaum, cꞌajoꞌ nak nequenimobresi e̱rib. ¿Ma nequecꞌoxla nak ta̱taksi̱k e̱cuanquil toj saꞌ choxa? Ta̱cubsi̱k ban e̱cuanquil nak textakla̱k saꞌ xnaꞌajeb li camenak.

Q'eqchi Bible

¹⁵ Ut laa'at, Kafarnaúm, ma toj sa' choxa tab'i' tatwaklesiiq? Tatsob'e'q b'an toj sa' xb'alb'a!

San Lucas 10:15 ပူးပေါင်းရင်းမြစ်များ

San Mateo 4:13

Qui-el Nazaret ut co̱ Capernaum. Ut aran quicana. Li tenamit aꞌan cuan chire li palau saꞌ xchꞌochꞌeb laj Zabulón ut eb aj Neftalí.

2 Pedro 2:4

Li Dios incꞌaꞌ quixcuy xma̱queb li ángel li queꞌma̱cob chiru. Quixcuteb ban saꞌ xbalba saꞌ chamal jul kꞌojyi̱n xsaꞌ. Bacꞌbo̱queb chi cadena quixcanabeb toj ta̱cuulak xkꞌehil li rakba a̱tin. Joꞌcan ajcuiꞌ tixba̱nu reheb laj balakꞌ. Incꞌaꞌ tixcuy xma̱queb.

San Lucas 13:28

Nak te̱ril laj Abraham, laj Isaac, laj Jacob ut chixjunileb li profeta cua̱nkeb saꞌ lix nimajcual cuanquilal li Dios, ut la̱ex incꞌaꞌ tex-ocsi̱k, toj aran texya̱bak ut te̱cꞌuxuxi li ruch e̱re xban xrahil e̱chꞌo̱l.

San Mateo 11:23

Ut la̱ex aj Capernaum, cꞌajoꞌ nak nequenimobresi e̱rib. ¿Ma nequecꞌoxla nak ta̱taksi̱k le̱ cuanquil toj saꞌ choxa? Ta̱cubsi̱k ban le̱ cuanquil toj saꞌ xnaꞌajeb li camenak. Cui ta riqꞌuineb laj Sodoma quilaj-uxman eb li milagro li x-uxman e̱riqꞌuin la̱ex, toj cuanqueb raj saꞌ li cutan anakcuan.

San Mateo 10:28

Mexxucuac chiruheb laj camsinel xban nak li a̱mej incꞌaꞌ naru teꞌxcamsi. Aꞌ li te̱xucua ru, aꞌan li Ka̱cuaꞌ li cuan xcuanquil chixcamsinquil li tibelej ut chixtaklanquil li a̱mej saꞌ xbalba.

Abdías 1:4

Usta nequeyi̱b le̱ naꞌaj toj takecꞌ joꞌ nak naxyi̱b xsoc li cꞌuch, abanan toj aran texintau chak. Ut usta te̱yi̱b le̱ naꞌaj toj saꞌ xya̱nkeb li chahim, abanan toj aran texincubsi chak, chan li Ka̱cuaꞌ.

Ezequiel 32:27

Incꞌaꞌ queꞌmukeꞌ joꞌ nak queꞌmukeꞌ li cauheb rib li queꞌcam junxil, li incꞌaꞌ queꞌxpa̱b li Dios. Eb aꞌan queꞌco̱eb saꞌ xnaꞌajeb li camenak chi cuanqueb xchꞌi̱chꞌ re pletic rubel xjolom ut lix chꞌi̱chꞌ re xcolbal re xchꞌo̱l quiqꞌueheb saꞌ xbe̱neb. Lix ma̱queb junelic cua̱nk saꞌ xbe̱neb xban nak aꞌaneb queꞌqꞌuehoc xxiuheb li ni̱nkeb xcuanquil nak toj yoꞌyo̱queb.

Ezequiel 32:20

Eb laj Egipto teꞌcamsi̱k saꞌ li ple̱t. Ac cauresinbileb li chꞌi̱chꞌ re xcamsinquileb. Teꞌxic saꞌ xnaꞌaj li camenak li qꞌuila tenamit li teꞌcamsi̱k.

Ezequiel 32:18

—At ralal cui̱nk, chirahokꞌ a̱chꞌo̱l xban xqꞌuialeb laj Egipto. Taklaheb saꞌ xnaꞌajeb li camenak rochbeneb li ixk li cuanqueb saꞌ eb li xni̱nkal ru tenamit.

Ezequiel 31:18

¿Ani aj iqꞌuin ta̱ru̱k ta̱juntakꞌe̱ta̱k la̱ lokꞌal ut la̱ cuanquilal, at faraón? Chanchanat li cheꞌ li cuan saꞌ li naꞌajej Edén. Abanan ta̱sachekꞌ a̱cuu joꞌ nak queꞌtꞌaneꞌ eb li cheꞌ li queꞌcuan Edén ut tatxic rubel chꞌochꞌ. Tatcua̱nk a̱cuochbeneb li incꞌaꞌ nequeꞌxpa̱b li Dios saꞌ xya̱nkeb li queꞌcamsi̱c saꞌ li ple̱t. Joꞌcan ta̱cꞌul la̱at, at faraón lix reyeb laj Egipto, a̱cuochbeneb chixjunileb li tenamit, chan li Ka̱cuaꞌ li nimajcual Dios.

Ezequiel 26:20

La̱in texintakla chi cua̱nc saꞌ xchamal li ruchichꞌochꞌ bar cuanqueb cuiꞌ li queꞌcam najter. Texincanab chi cua̱nc saꞌ xya̱nkeb li queꞌsacheꞌ ruheb najter. Incꞌaꞌ chic teꞌcua̱nk cristian saꞌ le̱ tenamit, chi moco ta̱yi̱ba̱k chic.

Jeremías 51:53

Usta teꞌxyi̱b lix naꞌajeb chi najt xteram ut ta̱cuulak toj saꞌ choxa, abanan la̱in tintaklaheb laj sachonel chixsachbal, chan li Ka̱cuaꞌ.

Isaías 5:14

Lix naꞌajeb li camenak ac cauresinbil ut yo̱ chiroybeninquil li ani ta̱ca̱mk. Chanchan teto li re nak yo̱ chiroybeninquil chixjunileb li teꞌca̱mk. Ut eb li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil telajeꞌxic saꞌ li naꞌajej aꞌan.

Deuteronomio 1:28

¿Bar ta̱ru̱k toxic anakcuan? Xchꞌinan li kachꞌo̱l xban nak eb li kacomon xeꞌxye ke nak eb li cristian aran ni̱nkeb rok chiku la̱o ut cauheb rib. Ut ni̱nkeb li tenamit ut ni̱nkeb ajcuiꞌ xteram li tzꞌac li sutsu̱queb cuiꞌ. Ut xeꞌrileb ajcuiꞌ chak ruheb li ralal xcꞌajol li nimla cui̱nk aj Anac xcꞌabaꞌ.”

Génesis 11:4

Queꞌxye: —Kayi̱bak junak katenamit ut jun li nimla ochoch najt xteram torre xcꞌabaꞌ. Ta̱cuulak toj saꞌ choxa li xnajtil xteram. Chi joꞌcaꞌin teꞌxqꞌue retal saꞌ chixjunil li ruchichꞌochꞌ nak la̱o cuan kanaꞌleb. Ut incꞌaꞌ takajeqꞌui kib yalak bar saꞌ ruchichꞌochꞌ, chanqueb.

San Lucas 16:23

Nak ac cuan saꞌ xbalba, yo̱ chixcꞌulbal li raylal aran. Qui-iloc takecꞌ ut quiril laj Abraham ut laj Lázaro cuan chixcꞌatk.