San Lucas 10:11 - Li Santil hu

¹¹ “Lix poksil le̱ tenamit li xletz chi kok takachikꞌchikꞌi chokꞌ retalil nak ta̱cha̱lk raylal saꞌ e̱be̱n. Julticak e̱re nak lix nimajcual cuanquilal li Dios xcꞌulun e̱riqꞌuin, abanan incꞌaꞌ xecꞌul”, chaꞌkex reheb.

Q'eqchi Bible

¹¹ «Li xpojtz'il leetenamit li xletz rib' chi qoq taaqachiq' cho'q eere. Ab'anan, chenawaq naq li xnimajwal awab'ejihom li Yos ak nach' wank».

San Lucas 10:11 ပူးပေါင်းရင်းမြစ်များ

Hechos 13:51

Laj Pablo ut laj Bernabé queꞌxchikꞌchikꞌi li poks chi rokeb nak queꞌel saꞌ li tenamit re xcꞌutbal nak incꞌaꞌ us queꞌxba̱nu reheb. Ut chirix aꞌan queꞌco̱eb Iconio.

San Lucas 10:9

Te̱qꞌuirtesiheb li yaj li cuanqueb saꞌ li tenamit aꞌan ut te̱ye ajcuiꞌ reheb nak yo̱ chak chi nachꞌoc lix nimajcual cuanquilal li Dios.

Hebreos 1:3

Li Ralal li Dios, aꞌan nacutanobresin re lix lokꞌal li Acuabej Dios. Ut aꞌan ajcuiꞌ nacꞌutuc chiku chanru lix naꞌleb. Li Ralal li Dios, aꞌan nacu̱tun re li ruchichꞌochꞌ riqꞌuin lix cuanquilal li ra̱tin xban nak aꞌan yal re saꞌ xbe̱n li ruchichꞌochꞌ. Ut nak ac xmayeja rib re risinquil li kama̱c, li Ralal li Dios co̱ saꞌ choxa ut quicꞌojla saꞌ xnim ukꞌ li Dios Acuabej, li kꞌaxal nim xcuanquil.

Hechos 13:46

Laj Pablo ut laj Bernabé queꞌxye chi cauheb xchꞌo̱l: —Relic chi ya̱l nak xbe̱n cua raj e̱re la̱ex aj judío xkaye resil li ra̱tin li Dios. Abanan la̱ex xetzꞌekta̱na ut xecꞌoxla nak moco e̱cꞌulub ta li junelic yuꞌam. Joꞌcan nak anakcuan takaye resil reheb li ma̱cuaꞌeb aj judío.

Hechos 13:40

Joꞌcan nak cheqꞌuehak retal chi us re nak incꞌaꞌ ta̱cha̱lk saꞌ e̱be̱n li raylal li queꞌxye chak li profetas junxil.

Hechos 13:26

Ex kas ki̱tzꞌin, la̱ex ralal xcꞌajol laj Abraham, ut la̱ex li ma̱cuaꞌex aj judío li nequexucua ru li Dios, taklanbil chak chokꞌ e̱re laj Colonel.

San Marcos 6:11

Cui texcuulak saꞌ junak naꞌajej bar cuiꞌ incꞌaꞌ texcꞌulekꞌ chi moco teꞌraj rabinquil le̱ ra̱tin, nak tex-e̱lk riqꞌuineb te̱chikꞌ li poks che̱rok joꞌ retalil li raylal teꞌxcꞌul. Relic chi ya̱l ninye e̱re nak kꞌaxal cuiꞌchic li raylal teꞌxcꞌul chiruheb laj Sodoma ut laj Gomorra saꞌ xkꞌehil li rakba a̱tin, chan.

San Mateo 10:14

Ut yalak ani incꞌaꞌ ta̱cꞌuluk e̱re chi moco ta̱rabi le̱ ra̱tin, nak tex-e̱lk saꞌ li cab aꞌan, malaj ut saꞌ li tenamit, te̱chikꞌchikꞌi li poks cuan che̱rok chokꞌ retalil nak incꞌaꞌ chic texcꞌoxlak chirix li naꞌajej aꞌan.

Romanos 10:21

Ut chirixeb laj judío li Dios quixye: Junelic yo̱quin chixbokbaleb laj Israel re nak teꞌcha̱lk cuiqꞌuin. Abanan eb aꞌan incꞌaꞌ nequeꞌabin chicuu. Nequeꞌxkꞌet ban li cua̱tin. (Isa. 65:2)

Romanos 10:8

Joꞌcaꞌin naxye li Santil Hu: Ac nequenau lix ya̱lal ut nequeserakꞌi resilal li quixye li Dios ut cuan ajcuiꞌ saꞌ le̱ chꞌo̱l. Lix ya̱lal aꞌan nak tento takapa̱b li Cristo ut aꞌan li pa̱ba̱l li nakachꞌolob xya̱lal che̱ru.

Ezequiel 2:5

Ma̱re chan nak teꞌrabi. Cui ut incꞌaꞌ, ma̱cꞌaꞌ xjalenquil, xban nak aꞌaneb jun tenamit kꞌaxal kꞌetkꞌeteb. Abanan teꞌxnau nak quicuan jun profeta saꞌ xya̱nkeb re xchꞌolobanquil lix ya̱lal chiruheb.

San Mateo 3:2

—Chiyotꞌekꞌ e̱chꞌo̱l ut chejal e̱cꞌaꞌux xban nak yo̱ chak chi cha̱lc li ta̱qꞌuehekꞌ saꞌ xcuanquil xban li Dios. Ut aꞌan chic ta̱cua̱nk xcuanquil saꞌ xbe̱neb li ralal xcꞌajol.—

San Mateo 10:7

Ut nak yo̱kex chi xic, yo̱kex chixchꞌolobanquil lix ya̱lal ut chixyebal, “cuulac re xkꞌehil nak ta̱qꞌuehekꞌ saꞌ xcuanquil xban li Dios li ta̱cua̱nk xcuanquil saꞌ xbe̱neb li ralal xcꞌajol,” chaꞌkex.

San Lucas 9:5

Cui texcuulak saꞌ junak naꞌajej bar cuiꞌ incꞌaꞌ texcꞌulekꞌ, tex-e̱lk riqꞌuineb ut te̱chikꞌ li poks che̱rok joꞌ retalil li raylal teꞌxcꞌul xban nak incꞌaꞌ queꞌraj rabinquil li ra̱tin li Dios, chan li Jesús.

San Lucas 10:10

Abanan cui texcuulak saꞌ junak tenamit ut incꞌaꞌ texcꞌulekꞌ saꞌ xya̱lal, tex-e̱lk saꞌ be ut tex-oc xyebal,