San Lucas 1:80 - Li Santil hu

⁸⁰ Ut li cꞌulaꞌal yo̱ chi qꞌui̱c ut yo̱ chi cacuu̱c saꞌ xpa̱ba̱l. Ut quicuan saꞌ li chaki chꞌochꞌ bar incꞌaꞌ qꞌuiheb li tenamit toj quicuulac xkꞌehil nak quixtiquib xchꞌolobanquil lix ya̱lal chiruheb laj Israel.

Q'eqchi Bible

⁸⁰ Li k'uula'al yo chi k'iik ut chi kawuuk xch'ool; ut kiwank chaq sa' chaqich'och' toj kiwulak xq'ehil naq kixk'ut rib' chiruheb' laj Israel.

San Lucas 1:80 ပူးပေါင်းရင်းမြစ်များ

San Lucas 2:40

Ut li cꞌulaꞌal yo̱ chi qꞌui̱c ut yo̱ chi cacuu̱c xchꞌo̱l. Ut yo̱ chixtaubal xnaꞌleb. Ut li rusilal li Ka̱cuaꞌ cuan riqꞌuin.

San Lucas 2:52

Li Jesús yo̱ chi qꞌui̱c ut yo̱ ajcuiꞌ chixtaubal xnaꞌleb. Quiraheꞌ xban li Dios ut quiraheꞌ ajcuiꞌ xbaneb li tenamit.

San Mateo 3:1

Mokon chic quicuulac laj Juan laj Cubsihom Haꞌ saꞌ li chaki chꞌochꞌ cuan Judea. Yo̱ chixchꞌolobanquil xya̱lal chirix lix nimajcual cuanquilal li Dios. Quixye chi joꞌcaꞌin:

San Juan 1:31

La̱in incꞌaꞌ ninnau nak aꞌan li Cristo. Abanan yo̱quin chi cubsi̱nc haꞌ re nak li Dios tixcꞌutbesi chiku la̱o aj Israel ani tzꞌakal li Cristo, chan.

San Lucas 1:15

La̱ cualal li ta̱yoꞌla̱k ta̱qꞌuehekꞌ xcuanquil xban li Dios. Aꞌan incꞌaꞌ ta̱ucꞌak vino chi moco li haꞌ li nacaltesin. Ut ac cua̱nk chak li Santil Musikꞌej riqꞌuin nak toj ma̱jiꞌak nayoꞌla.

San Mateo 11:7

Ut nak queꞌel eb aꞌan, qui-oc chi a̱tinac li Jesús riqꞌuineb li tenamit chirix laj Juan ut quixye chi joꞌcaꞌin: —¿Cꞌaꞌru coxe̱ril chak saꞌ li chaki chꞌochꞌ? ¿Ma junak cui̱nk nacuiban xchꞌo̱l chanchan li caxlan aj yo̱ recꞌasinquil xban ikꞌ coxe̱ril chak?

1 Samuel 2:21

Li Dios quirosobtesi lix Ana. Queꞌcuan oxib chic lix yum ut cuib lix coꞌ. Ut laj Samuel yo̱ chi qꞌui̱c ut yo̱ chi cꞌanjelac chiru li Dios.

Hechos 18:28

Ut quira̱tinaheb laj judío chi cau xchꞌo̱l chiruheb chixjunileb li tenamit. Ut quixchꞌolob xya̱lal chiruheb chi tzꞌakal nak li Jesús, aꞌan li Cristo, joꞌ tzꞌi̱banbil saꞌ li Santil Hu.