San Lucas 1:8 - Li Santil hu

⁸ Saꞌ jun li cutan laj Zacarías yo̱ chixba̱nunquil lix cꞌanjel chiru li Dios saꞌ li templo joꞌ cꞌaynakeb xba̱nunquil.

Q'eqchi Bible

⁸ Sa' jun li kutan, naq yo chaq laj Sakarías chi mayejak chiru li Yos sa' li xamaan neke'k'anjelak wi' li rech aj tijeb',

San Lucas 1:8 ပူးပေါင်းရင်းမြစ်များ

2 Crónicas 8:14

Laj Salomón quixqꞌueheb chi cꞌanjelac eb laj tij joꞌ quixye laj David. Joꞌcan eb ajcuiꞌ laj levita. Queꞌxba̱nu lix cꞌanjeleb. Queꞌbichan re xlokꞌoninquil li Ka̱cuaꞌ ut queꞌxtenkꞌaheb laj tij joꞌ tento xba̱nunquil rajlal cutan. Quixqꞌueheb ajcuiꞌ saꞌ lix cꞌanjeleb li queꞌcanaba̱c chi cꞌacꞌale̱nc saꞌ eb li oqueba̱l. Queꞌxba̱nu lix cꞌanjel joꞌ quixye laj David laj cꞌanjel chiru li Dios.

1 Crónicas 24:19

Joꞌcaꞌin nak queꞌjachi̱c ruheb li cui̱nk aꞌin re teꞌcꞌanjelak ut re teꞌoc saꞌ lix templo li Dios joꞌ quixye laj Aarón lix xeꞌto̱nil xyucuaꞌeb joꞌ quiyeheꞌ re xban li Ka̱cuaꞌ lix Dioseb laj Israel.

2 Crónicas 31:2

Li rey Ezequías quixqꞌueheb cuiꞌchic chi chꞌu̱tal eb laj tij ut eb laj levita, aꞌ yal cꞌaꞌru lix cꞌanjeleb li junju̱nk. Queꞌxcꞌat li mayej ut queꞌmayejac re xcꞌambaleb rib li tenamit saꞌ usilal riqꞌuin li Ka̱cuaꞌ. Queꞌcꞌanjelac chiru li Dios ut queꞌbantioxin ut queꞌxbicha xlokꞌal li Ka̱cuaꞌ saꞌ eb li oqueba̱l re lix templo li Dios.

San Lucas 1:5

Saꞌ eb li cutan nak quicuan chokꞌ rey laj Herodes aran Judea, quicuan jun laj tij aj Zacarías xcꞌabaꞌ. Aꞌan xcomoneb li ralal xcꞌajol laj Abías. Li rixakil xElisabet xcꞌabaꞌ. Aꞌan xcomoneb li ralal xcꞌajol laj Aarón.

Esdras 6:18

Eb laj tij queꞌqꞌueheꞌ saꞌ xcꞌanjeleb chi xjunju̱nkaleb. Joꞌcan ajcuiꞌ laj levita. Ac xcꞌanjel xcꞌanjel li junju̱nk queꞌqꞌueheꞌ re teꞌcꞌanjelak chiru li Dios joꞌ tzꞌi̱banbil retalil saꞌ li chakꞌrab xban laj Moisés.

2 Crónicas 31:19

Saꞌ chixjunileb li tenamit cuanqueb cui̱nk xakabanbileb re teꞌxjeqꞌui li cꞌaꞌruheb re laj tij, li ralal xcꞌajol laj Aarón, li cuanqueb saꞌ eb li tenamit malaj ut saꞌ cꞌaleba̱l. Ut queꞌxjeqꞌui ajcuiꞌ li cꞌaꞌru reheb laj levita li tzꞌi̱banbil xcꞌabaꞌeb.

2 Crónicas 11:14

Eb laj levita queꞌxcanab lix naꞌajeb ut li cꞌaꞌru reheb ut queꞌco̱eb Judá ut Jerusalén xban nak laj Jeroboam ut eb li ralal queꞌrisiheb saꞌ li cꞌanjel li nequeꞌxba̱nu chiru li Ka̱cuaꞌ.

Números 18:7

Abanan caꞌaj cuiꞌ la̱at ut eb la̱ cualal ta̱ru̱k teꞌcꞌanjelak chokꞌ aj tij chiru li artal ut saꞌ li Lokꞌlaj Santil Naꞌajej. La̱in quinxakaban e̱re la̱ex chi cꞌanjelac chokꞌ aj tij. Cui junak jalan ta̱oc chixba̱nunquil li cꞌanjel qꞌuebil e̱re saꞌ li Santil Naꞌajej, li jun aꞌan ta̱camsi̱k.

Éxodo 30:30

Te̱qꞌue li aceite saꞌ xjolom laj Aarón joꞌqueb ajcuiꞌ li ralal ut ta̱kꞌaxtesiheb chi cꞌanjelac chokꞌ aj tij chicuu.

Éxodo 29:44

La̱in tinsantobresi li tabernáculo ut tinsantobresi li artal. Tinsantobresi laj Aarón joꞌqueb ajcuiꞌ li ralal re nak teꞌcꞌanjelak chicuu chokꞌ aj tij.

Éxodo 29:9

Ut ta̱qꞌue lix bacꞌbal xsaꞌeb laj Aarón joꞌqueb ajcuiꞌ li ralal ut ta̱qꞌue lix mitra saꞌ xjolomeb. Riqꞌuin aꞌan kꞌaxtesinbilakeb chi cꞌanjelac chicuu chokꞌ aj tij chi junelic.

Éxodo 29:1

Aꞌan aꞌin li ta̱ba̱nu nak ta̱kꞌaxtesiheb ut ta̱xakabeb chi cꞌanjelac chicuu chokꞌ aj tij: Ta̱sicꞌ jun li toro toj sa̱j ut cuib li carner te̱lom li cha̱bileb. Ma̱cꞌaꞌak xyajeleb.

Éxodo 28:41

Ta̱qꞌue li rakꞌ chirix laj Aarón la̱ cuas joꞌqueb ajcuiꞌ li ralal. Ut ta̱qꞌue li aceite saꞌ xjolomeb re xxakabanquileb chokꞌ aj tij. Ta̱kꞌaxtesiheb chicuu re nak santobresinbilakeb re teꞌcꞌanjelak chicuu.

Éxodo 28:1

Saꞌ xya̱nkeb laj Israel ta̱sicꞌ ru la̱ cuas laj Aarón joꞌqueb ajcuiꞌ li ralal. Aꞌaneb laj Nadab, laj Abiú, laj Eleazar ut laj Itamar. Aꞌaneb li ta̱xakabeb chi cꞌanjelac chicuu chokꞌ aj tij.

1 Crónicas 24:2

Abanan laj Nadab ut laj Abiú, aꞌaneb li queꞌcam xbe̱n cua chiruheb lix yucuaꞌeb ut incꞌaꞌ queꞌcuan li ralal xcꞌajoleb. Joꞌcan nak laj Eleazar ut laj Itamar, aꞌaneb chic li queꞌoc chi cꞌanjelac chokꞌ aj tij.

San Lucas 1:7

Abanan ma̱cꞌaꞌ xcocꞌaleb xban nak lix Elisabet incꞌaꞌ naqꞌuiresin ut xban ajcuiꞌ nak ac che̱queb chic.