San Lucas 1:74 - Li Santil hu

⁷⁴ Quixye re nak aꞌan ta̱colok ke chiruheb li xicꞌ nequeꞌiloc ke re nak tocꞌanjelak chiru aꞌan chi ma̱cꞌaꞌak kaxiu,

Q'eqchi Bible

⁷⁴ naq kixyeechi'i qach'ab'ankil sa' ruq'eb' li xik' neke'ilok qe ut took'anjelaq chiru chi maak'a'aq qaxiw,

San Lucas 1:74 ပူးပေါင်းရင်းမြစ်များ

2 Timoteo 1:7

Ma̱cuaꞌ li xucuac li xkama̱tani chak riqꞌuin li Dios. Kacuanquil ban xkama̱tani riqꞌuin. Li Dios nocoxtenkꞌa chixra̱baleb li kas ki̱tzꞌin ut aꞌan naqꞌuehoc ke li cha̱bil naꞌleb.

Hebreos 9:14

Cui lix quiqꞌuel li xul naru naxsach lix paltileb, kꞌaxal nim cuiꞌchic xcuanquil lix quiqꞌuel li Jesucristo xban nak aꞌan narisi li kama̱c. Li Santil Musikꞌej quixtenkꞌa li Jesucristo nak quixmayeja rib chiru li Dios re xtojbal rix li kama̱c. Li Jesucristo tzꞌakal cha̱bil. Ma̱cꞌaꞌ xma̱c ut lix quiqꞌuel narisi li kama̱c li nacꞌamoc chak re li ca̱mc saꞌ kabe̱n. Naxsakobresi li kacꞌaꞌux re nak caꞌaj cuiꞌ chiru li yoꞌyo̱quil Dios tocꞌanjelak.

Apocalipsis 2:10

Mexxucuac xban li raylal li ta̱cha̱lk saꞌ e̱be̱n. Cuanqueb saꞌ e̱ya̱nk li teꞌqꞌuehekꞌ saꞌ tzꞌalam xbaneb laj cꞌanjel chiru laj tza re xyalbal rix le̱ pa̱ba̱l. Te̱cꞌul raylal, abanan incꞌaꞌ najt te̱cꞌul. Michꞌinan e̱chꞌo̱l. Cauhak ban e̱chꞌo̱l toj chirix le̱ camic ut la̱in tinqꞌue e̱re le̱ kꞌajca̱munquil. Chanchan nak tinqꞌue le̱ corona nak tinqꞌue le̱ yuꞌam chi junelic.

Hebreos 2:15

Chalen chak saꞌ kayoꞌlajic, nakaxucua ru li ca̱mc. Aban riqꞌuin lix camic li Ka̱cuaꞌ Jesucristo quirisi li kaxiu chiru li ca̱mc.

Romanos 8:15

La̱ex xecꞌul li Santil Musikꞌej ut ma̱cꞌaꞌ chic e̱xiu. Moco joꞌquex ta junak li mo̱s naxxucua ru lix patrón. Xban nak li Santil Musikꞌej cuan kiqꞌuin, la̱o ban tzꞌakal ralal xcꞌajol li Dios. Joꞌcan nak nakaye “at inYucuaꞌ” re nak nocotijoc.

San Lucas 1:71

Quixye reheb nak toxcol chiruheb li xicꞌ nequeꞌiloc ke ut torisi rubeleb xcuanquil.

Isaías 45:17

Abanan eb laj Israel teꞌcolekꞌ xban li Ka̱cuaꞌ. Junelic teꞌcolekꞌ ut incꞌaꞌ ta̱cꞌutekꞌ xxuta̱neb,” chaꞌakeb.

Romanos 6:22

Anakcuan colbilex chic chiru li ma̱c ut kꞌaxtesinbilex chic chi cꞌanjelac chiru li Dios. Ut le̱ kꞌajca̱munquil aꞌan le̱ santobresinquil ut le̱ yuꞌam chi junelic.

Salmos 119:134

China̱col chiruheb li yo̱queb xjoskꞌil saꞌ inbe̱n. La̱in tincuaj tinba̱nu li cꞌaꞌru naxye saꞌ la̱ chakꞌrab.

Isaías 43:21

Li tenamit aꞌin quinsicꞌ ruheb re teꞌxqꞌue inlokꞌal.

Zacarías 8:19

—Li ayu̱n li nequeba̱nu rajlal chihab saꞌ xca̱ li po, saꞌ roꞌ li po, saꞌ xcuuk li po ut saꞌ xlaje li po ta̱sukꞌisi̱k chokꞌ ninkꞌe re sahil chꞌo̱lejil chokꞌ e̱re la̱ex li ralal xcꞌajol laj Judá. Joꞌcan nak qꞌuehomak e̱chꞌo̱l chi cua̱nc saꞌ xya̱lal ut saꞌ tuktu̱quil usilal, chan li Ka̱cuaꞌ.

San Lucas 1:73

Li Ka̱cuaꞌ riqꞌuin juramento quixyechiꞌi aꞌan re laj Abraham li kaxeꞌto̱nil yucuaꞌ.

San Lucas 1:75

ut re ajcuiꞌ nak junelic tocua̱nk saꞌ santilal ut saꞌ ti̱quilal chiru li Dios.

2 Reyes 17:39

Chexucua ban cuu la̱in li Ka̱cuaꞌ, le̱ Dios. La̱in li Ka̱cuaꞌ tincolok e̱re saꞌ rukꞌeb li xicꞌ nequeꞌiloc e̱re, chan li Dios.