San Lucas 1:69 - Li Santil hu

⁶⁹ Xqꞌue jun laj Colol ke kꞌaxal nim xcuanquil. Quixsicꞌ ru saꞌ xya̱nkeb li ralal xcꞌajol li rey David laj cꞌanjel chiru.

Q'eqchi Bible

⁶⁹ ut kixxaqab' cho'q qe jun aj Kolonel q'axal kaw rib', sa' rochoch laj David li xmoos,

San Lucas 1:69 ပူးပေါင်းရင်းမြစ်များ

Salmos 18:2

La̱at nacatcoloc cue. Caꞌaj cuiꞌ a̱cuiqꞌuin naru nincol cuib chiruheb li xicꞌ nequeꞌiloc cue. La̱at nacat-iloc cue, at inDios, re nak ma̱cꞌaꞌ tincꞌul. Chanchanat jun li sako̱nac bar ta̱ru̱k tincol cuiꞌ cuib. La̱at nacatcoloc cue joꞌ jun li ramleb chꞌi̱chꞌ li naxcol cuiꞌ rib li soldado. La̱at niquina̱col riqꞌuin lix nimal la̱ cuanquilal.

Ezequiel 29:21

Saꞌ eb li cutan aꞌan la̱in tinqꞌue cuiꞌchic xcuanquileb laj Israel. Ut la̱at, at Ezequiel, tatinxakab re nak ta̱chꞌolob xya̱lal chiruheb. Ut riqꞌuin aꞌan teꞌxqꞌue retal nak la̱in li Ka̱cuaꞌ Dios.—

2 Samuel 22:3

Li Ka̱cuaꞌ, aꞌan lin Dios. Aꞌan li nacoloc cue. Cau inchꞌo̱l riqꞌuin. Chanchan li chꞌi̱chꞌ li nincol cuiꞌ cuib. Aꞌan nacoloc cue riqꞌuin xnimal xcuanquil. Chanchan jun naꞌajej najt xteram bar ninmuk cuiꞌ cuib. Aꞌan li nacoloc cue chiru li ra xi̱cꞌ.

1 Samuel 2:10

Li Ka̱cuaꞌ tixsacheb ru li xicꞌ nequeꞌiloc re. Aꞌan ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Chanchan nak na-ecꞌan chak li ca̱k toj saꞌ choxa. Aꞌan tixqꞌue xcuanquil li rey li quixsicꞌ ru ut tixqꞌue ajcuiꞌ xlokꞌal lix cuanquil, chan lix Ana.

Salmos 89:17

Relic chi ya̱l la̱at nacatqꞌuehoc xsahil li kachꞌo̱l ut la̱at nacatqꞌuehoc kametzꞌe̱u. Ta̱cua̱nk kacuanquil xban nak joꞌcan nacacuaj la̱at.

1 Samuel 2:1

Lix Ana quitijoc chiru li Dios ut quixye chi joꞌcaꞌin: —At Ka̱cuaꞌ, la̱in nasahoꞌ saꞌ inchꞌo̱l a̱cuiqꞌuin xban nak la̱at nacaqꞌue incacuilal re nak naru ninsumeheb li xicꞌ nequeꞌiloc cue. Cꞌajoꞌ xsahil inchꞌo̱l xban nak la̱at xattenkꞌan cue, chan lix Ana saꞌ lix tij.

San Marcos 11:10

Osobtesinbil taxak li tenamit ta̱takla̱nk cuiꞌ li xchal chokꞌ re̱kaj laj David li kaxeꞌto̱nil yucuaꞌ. Aj Colol ke taxak li xchal chak riqꞌuin li Dios, chanqueb.

Apocalipsis 22:16

Ut li Jesús quixye: —La̱in xintakla lin ángel a̱cuiqꞌuin re nak ta̱chꞌolob lix ya̱lal aꞌin reheb laj pa̱banel. La̱in li chanchanin xtux li cheꞌ. Quinyoꞌla saꞌ xya̱nkeb li ralal xcꞌajol li rey David. La̱in chanchanin li cak chahim li nalemtzꞌun chak toj ekꞌela, chan li Jesús.

Amós 9:11

Li Ka̱cuaꞌ naxye: —Ta̱cuulak xkꞌehil nak la̱in tincuaclesi̱k cuiꞌchic lix tenamit laj David, li tꞌanenak anakcuan. Tinyi̱b cuiꞌchic li tzꞌac li sutsu cuiꞌ ut tinyi̱b cuiꞌchic li juqꞌuinbil. Tinyi̱b chi chꞌinaꞌus joꞌ nak quicuan junxil.

San Mateo 1:1

Saꞌ li hu aꞌin tzꞌi̱banbil retalil joꞌ qꞌuialeb lix xeꞌ xto̱nal li Jesucristo. Li Jesucristo ralal xcꞌajol li rey David ut ralal xcꞌajol ajcuiꞌ laj Abraham.

Salmos 89:3

La̱at caye: —Xinba̱nu jun li contrato riqꞌuin laj David, li sicꞌbil ru inban chi cꞌanjelac chicuu ut xinye re chi joꞌcaꞌin:

1 Reyes 11:13

La̱ cualal incꞌaꞌ chic ta̱takla̱nk saꞌ xbe̱neb chixjunileb li tenamit. Jun te̱peb ajcuiꞌ li ralal xcꞌajol laj Israel li tincanab rubel xcuanquil. Tinba̱nu chi joꞌcaꞌin xban nak ninra laj David laj cꞌanjel chicuu ut xban nak ninra li tenamit Jerusalén li sicꞌbil ru inban, chan li Ka̱cuaꞌ.

2 Samuel 7:26

Chinima̱k taxak xlokꞌal la̱ cꞌabaꞌ chi junelic ut chixjunileb taxak teꞌyehok re nak la̱at, li nimajcual Dios, la̱at lix Dioseb laj Israel. Ut ta̱xakab taxak saꞌ xnaꞌaj lix cuanquileb li cualal incꞌajol chi junelic.

Jeremías 30:9

Teꞌcꞌanjelak ban chic chicuu la̱in lix Dioseb ut chiru li ralal laj David li tinxakab chokꞌ xreyeb.