San Lucas 1:52 - Li Santil hu

⁵² Quirisi saꞌ xnaꞌajeb li cuanqueb saꞌ xcuanquil. Ut quixqꞌueheb xlokꞌal li ma̱cꞌaꞌeb xcuanquil.

Q'eqchi Bible

⁵² Kirisiheb' li awab'ej sa' li xna'ajeb' ut kixtaqsiheb' li maak'a'eb' xwankil.

San Lucas 1:52 ပူးပေါင်းရင်းမြစ်များ

Ezequiel 17:24

Chixjunileb li cheꞌ li cuanqueb saꞌ li qꞌuicheꞌ teꞌxnau nak la̱in nintꞌaneb li cheꞌ li najt xteram ut ninqꞌue chi qꞌui̱c li cocꞌ rokeb. La̱in ninchakihobresiheb li cheꞌ li rax ru ut ninqꞌueheb chi raxocꞌ li chaki. La̱in li Ka̱cuaꞌ quinyehoc re aꞌin ut la̱in ninba̱nu li cꞌaꞌru ninye.—

Santiago 4:10

Checubsihak e̱rib chiru li Dios ut aꞌan tixqꞌue e̱cuanquil.

San Lucas 18:14

La̱in ninye e̱re nak laj titzꞌol toj, aꞌan li quisukꞌi saꞌ rochoch chi ti̱cobresinbil chic lix chꞌo̱l. Ut laj fariseo incꞌaꞌ, xban nak li ani naxnimobresi rib, aꞌan ta̱cubsi̱k xcuanquil. Ut li ani naxcubsi rib, aꞌan ta̱qꞌuehekꞌ xcuanquil, chan li Jesús.

Eclesiastés 4:14

Junak sa̱j al naru ta̱oc chokꞌ rey, usta saꞌ tzꞌalam ta̱e̱lk chak malaj ut saꞌ nebaꞌil.

1 Samuel 2:4

Aꞌan quixsach ru li tzimaj li nacꞌanjelac chiruheb li cauheb rib chi pletic ut aꞌ chic li ma̱cꞌaꞌeb xmetzꞌe̱u, aꞌaneb chic li cauheb rib.

Amós 9:11

Li Ka̱cuaꞌ naxye: —Ta̱cuulak xkꞌehil nak la̱in tincuaclesi̱k cuiꞌchic lix tenamit laj David, li tꞌanenak anakcuan. Tinyi̱b cuiꞌchic li tzꞌac li sutsu cuiꞌ ut tinyi̱b cuiꞌchic li juqꞌuinbil. Tinyi̱b chi chꞌinaꞌus joꞌ nak quicuan junxil.

San Marcos 6:3

—¿Ma ma̱cuaꞌ ta biꞌ aꞌin laj pechꞌ? Ut, ¿ma ma̱cuaꞌ ta biꞌ lix María lix naꞌ? ¿Ma ma̱cuaꞌ ta biꞌ laj Jacobo li ri̱tzꞌin ut laj José, laj Judas ut laj Simón? ¿Ma ma̱cuaꞌ ta biꞌ aꞌin eb li ri̱tzꞌin li cuanqueb saꞌ kaya̱nk? chanqueb. Ut queꞌchal xjoskꞌil saꞌ xbe̱n.

San Lucas 14:11

Joꞌcan nak chixjunileb li nequeꞌxnimobresi ribeb, ta̱cubsi̱k xcuanquileb. Ut chixjunileb li nequeꞌxcubsi ribeb, eb aꞌan teꞌqꞌuehekꞌ xcuanquil, chan li Jesús.