San Lucas 1:49 - Li Santil hu

⁴⁹ Lokꞌoninbil taxak ru li Ka̱cuaꞌ li kꞌaxal nim xcuanquil xban nak quixcꞌutbesi chicuu lix nimal lix cuanquilal. Aꞌan tzꞌakal santo.

Q'eqchi Bible

⁴⁹ xb'aan naq li Nimajwal xb'aanu sachb'ach'oolej wik'in, ut Sant li xk'ab'a'!

San Lucas 1:49 ပူးပေါင်းရင်းမြစ်များ

Salmos 111:9

Quixcoleb li ralal xcꞌajol ut quixba̱nu li santil contrato riqꞌuineb. Li Ka̱cuaꞌ Dios, aꞌan santo ut kꞌaxal xiu xiu ru.

Salmos 99:3

Cheꞌxqꞌue taxak xlokꞌal lix cꞌabaꞌ ut cheꞌxxucua taxak ru xban nak aꞌan santo.

Jeremías 10:6

At Ka̱cuaꞌ, kꞌaxal nim la̱ cuanquil. Ma̱ ani juntakꞌe̱t a̱cuiqꞌuin. Nim xcuanquil la̱ cꞌabaꞌ ut kꞌaxal lokꞌ.

Efesios 3:20

Lokꞌoninbil taxak li Dios li kꞌaxal nim xcuanquil chixba̱nunquil nabal chiru li nakatzꞌa̱ma. Riqꞌuin xnimal xcuanquil nacꞌanjelac saꞌ li ka̱m ut kꞌaxal nim xcuanquil chixba̱nunquil nabal chiru li nakoybeni.

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

Isaías 57:15

Quixye ajcuiꞌ li santil Dios li nim xcuanquil ut yoꞌyo chi junelic: —La̱in nincuan saꞌ jun li Santil Naꞌajej li cuan takecꞌ. Ut nincuan ajcuiꞌ riqꞌuineb li tu̱laneb ut eb li nequeꞌxcubsi ribeb. La̱in ninqꞌue xcacuilal xchꞌo̱leb li nequeꞌxcubsi ribeb ut ninqꞌue ajcuiꞌ xcacuilal xchꞌo̱leb li nequeꞌyotꞌeꞌ xchꞌo̱l.

Apocalipsis 15:4

¿Ma cuan ta biꞌ junak incꞌaꞌ tixxucua a̱cuu? Chixjunileb teꞌxnima a̱cuu, at Ka̱cuaꞌ, xban nak caꞌaj cuiꞌ la̱at ti̱c a̱chꞌo̱l. Chixjunileb li cuanqueb saꞌ li xni̱nkal ru tenamit teꞌcha̱lk ut teꞌxcuikꞌib ribeb cha̱cuu ut tateꞌxlokꞌoni xban nak teꞌxqꞌue retal nak la̱at tatrakok a̱tin saꞌ ti̱quilal.

Salmos 99:9

Chelokꞌonihak li Ka̱cuaꞌ li kaDios. Cheqꞌuehak xlokꞌal saꞌ li tzu̱l Sión lix santil naꞌaj xban nak li Ka̱cuaꞌ li kaDios, aꞌan santo.

1 Samuel 2:2

Ut quixye ajcuiꞌ: —Ma̱cꞌaꞌ chic junak Dios santo joꞌ li nimajcual Dios. Ma̱ ani naru nacoloc ke. Caꞌaj cuiꞌ li Ka̱cuaꞌ. Ma̱ ani chic junak joꞌ aꞌan.

Éxodo 15:11

Ma̱cꞌaꞌ chic junak dios joꞌ la̱at, at Ka̱cuaꞌ. Ma̱ ani chic junak cuan xti̱quilal joꞌ la̱ ti̱quilal la̱at. Ma̱ ani chic junak nim xcuanquil joꞌ la̱ nimajcual cuanquilal la̱at. Ma̱ ani chic junak naru ta̱ba̱nu̱nk re li sachba chꞌo̱lej xaba̱nu la̱at.

Isaías 6:3

Ut queꞌxjap re chi ribileb rib chixyebal: —Santo, santo, santo li Ka̱cuaꞌ li nimajcual Dios. Chixjunil li ruchichꞌochꞌ nujenak riqꞌuin lix nimal xlokꞌal, chanqueb.

Jeremías 20:11

Abanan, la̱at at inDios, la̱at cuancat cuiqꞌuin. La̱at tatcolok cue riqꞌuin la̱ cuanquil. Li teꞌraj xba̱nunquil raylal cue, incꞌaꞌ taxak us teꞌe̱lk. Xuta̱nal teꞌe̱lk nak teꞌril nak ma̱cꞌaꞌ naru teꞌxba̱nu cue. Ta̱cubsi taxak xcuanquileb chi junaj cua.

Apocalipsis 4:8

Cuan cuakitk xiqꞌueb li junju̱nk. Nabal li xnakꞌeb ru cuan xcaꞌ pacꞌalil. Chi kꞌek chi cutan yo̱queb chixyebal: Santo, santo, santo. Lokꞌoninbil taxak ru li Ka̱cuaꞌ Dios li kꞌaxal nim xcuanquil, li ac cuan ajcuiꞌ chak saꞌ xticlajic, li cuan anakcuan ut li cua̱nk chi junelic.

San Marcos 5:13

Ut li Jesús quixcanabeb chi xic. Queꞌel li ma̱us aj musikꞌej riqꞌuin li cui̱nk. Coxeꞌocak riqꞌuineb li a̱k. Ut li a̱k queꞌoc chi a̱linac ut queꞌxrum chak rib saꞌ xbe̱n u̱l ut toj saꞌ li palau coxeꞌnak. Cuanqueb na cuib mil chi a̱k queꞌosoꞌ saꞌ li palau.

Isaías 1:24

Joꞌcan nak li Ka̱cuaꞌ li nimajcual Dios, li cau rib saꞌ xbe̱neb laj Israel, naxye chi joꞌcaꞌin: —La̱in tincuisi injoskꞌil saꞌ e̱be̱n la̱ex li xicꞌ nequex-iloc cue. Tinqꞌue re̱kaj e̱re li cꞌaꞌru nequeba̱nu cue.

Salmos 24:8

¿Ani li rey aꞌin, li kꞌaxal nim xcuanquil? Aꞌan li Ka̱cuaꞌ Dios li kꞌaxal cau rib ut nim xlokꞌal. Aꞌan li Ka̱cuaꞌ Dios li kꞌaxal nim xcuanquil chi pletic.

Isaías 63:1

—¿Ani li cak rakꞌ li yo̱ chak chi cha̱lc Bosra li cuan aran Edom? ¿Ani li cꞌajoꞌ xchꞌinaꞌusal li rakꞌ li yo̱ chak chi cha̱lc riqꞌuin xcuanquil ut xlokꞌal? La̱in li Ka̱cuaꞌ li nina̱tinac saꞌ ti̱quilal ut nim incuanquil chi coloc.

San Lucas 1:48

xban nak xruxta̱na cuu la̱in aj cꞌanjel chiru, usta ma̱cꞌaꞌ incuanquil. Chalen anakcuan us xak re chaꞌkeb cue chixjunileb li tenamit.

San Lucas 1:50

Li Ka̱cuaꞌ junelic na-uxta̱nan u. Naruxta̱na ruheb li nequeꞌxucuan ru.