San Lucas 1:30 - Li Santil hu

³⁰ Ut li ángel quixye re: —Matxucuac, María. Li Dios xsicꞌoc a̱cuu xban nak cha̱bil a̱naꞌleb.

Q'eqchi Bible

³⁰ Toja' naq kiyehe'k re xb'aan li ánjel: —Matxiwak, María, xb'aan naq usilal xataw rik'in li Yos.

San Lucas 1:30 ပူးပေါင်းရင်းမြစ်များ

San Lucas 1:13

Ut li ángel quixye: —At Zacarías, matxucuac. Li Dios xrabi li cꞌaꞌru xatzꞌa̱ma. Lix Elisabet la̱ cuixakil ta̱cua̱nk jun xcꞌulaꞌal ut Juan ta̱qꞌue chokꞌ xcꞌabaꞌ.

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

San Mateo 14:27

Aꞌut li Jesús ticto quira̱tinaheb ut quixye reheb: —Mexxucuac. La̱in li yo̱quex chicuilbal. Cacuubresihomak e̱chꞌo̱l, chan reheb.

San Lucas 12:32

Mexxucuac ex cualal incꞌajol. Usta incꞌaꞌ qꞌuihex, abanan le̱ yucuaꞌ cuan saꞌ choxa cꞌojcꞌo xchꞌo̱l chixqꞌuebal e̱re lix nimajcual cuanquilal.

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

San Mateo 28:5

Ut nak queꞌcuulac li ixk, li ángel quixye reheb: —Mexxucuac la̱ex. La̱in ninnau nak yo̱quex chixsicꞌbal li Jesús li quicam chiru cruz.

Isaías 44:2

La̱in li Ka̱cuaꞌ Dios. La̱in quinyoꞌobtesin e̱re. Chalen saꞌ le̱ yoꞌlajic la̱in xintenkꞌan e̱re. Mexxucuac, la̱ex aj cꞌanjel chicuu. La̱ex sicꞌbil e̱ru ut raro̱quex inban.

Isaías 41:14

Mexxucuac, la̱ex li ralal xcꞌajolex laj Jacob. Mexxucuac la̱ex aj Israel usta ma̱cꞌaꞌ e̱cuanquil ut usta incꞌaꞌ qꞌuihex. La̱in tintenkꞌa̱nk e̱re, chan li Ka̱cuaꞌ. La̱in aj Colol e̱re. La̱in le̱ santil Dios la̱ex aj Israel.

Hechos 27:24

Li ángel xye cue, “Matxucuac, at Pablo, xban nak tento nak tatcuulak riqꞌuin li acuabej César. Xban xnimal rusilal li Ka̱cuaꞌ, ma̱ jun reheb li cuanqueb a̱cuochben teꞌca̱mk,” chan cue.

Hebreos 13:6

Joꞌcan nak naru takaye chi anchal kachꞌo̱l: Li Ka̱cuaꞌ Dios natenkꞌan cue. Incꞌaꞌ ninxucua li cꞌaꞌru teꞌxba̱nu li xicꞌ nequeꞌiloc cue. (Sal. 118:6)

Génesis 6:8

Abanan laj Noé quitokꞌoba̱c ru xban li Dios.