San Lucas 1:20 - Li Santil hu

²⁰ Anakcuan la̱at tatcana̱k chi mem xban nak incꞌaꞌ xapa̱b li cꞌaꞌru xinye. Incꞌaꞌ tat-a̱tinak toj ta̱cuulak xkꞌehil nak ta̱cꞌulma̱nk chixjunil aꞌin, chan li ángel.

Q'eqchi Bible

²⁰ Anaqwan mem chik tatkanaaq ut ink'a' tatruhanq chi aatinak toj sa' chik li kutan taak'ulmanq wi' a'in, xb'aan naq ink'a' xapaab' li waatin, li relik chi yaal naq taatz'aqloq ru sa' xq'ehil.

San Lucas 1:20 ပူးပေါင်းရင်းမြစ်များ

Ezequiel 3:26

La̱in tinba̱nu̱nk re nak tixletz rib li ruꞌuj a̱cuakꞌ saꞌ a̱cue ut incꞌaꞌ chic tat-a̱tinak. Incꞌaꞌ chic tatru̱k chixkꞌusbaleb, xban nak kꞌetkꞌet aj tenamiteb.

Ezequiel 24:27

Saꞌ li cutan aꞌan tat-oc chi a̱tinac. Moco la̱atak ta chic mem. Tat-a̱tinak riqꞌuin li cui̱nk. Chi joꞌcan la̱atak jun retalil chiruheb li tenamit. Ut teꞌxqꞌue retal nak la̱in li nimajcual Dios.—

Apocalipsis 3:19

Li ani nequebinra, nintijeb ut ninkꞌuseb. Joꞌcan nak ninye e̱re nak jalomak e̱cꞌaꞌux ut qꞌuehomak e̱chꞌo̱l chinpa̱banquil.

Hebreos 6:18

Joꞌcan utan nak li cuib chi naꞌleb aꞌin incꞌaꞌ naru xjalbal ru. Aꞌaneb aꞌin: xbe̱n, nak li Dios quixyechiꞌi li ma̱tan; ut xcab, nak quixba̱nu li juramento. Riqꞌuin aꞌan nakanau nak li Dios incꞌaꞌ naticꞌtiꞌic. Joꞌcan nak cauhak taxak li kachꞌo̱l. La̱o xkasicꞌ li kacolbal riqꞌuin li Dios ut nakanau nak take̱chani li quixyechiꞌi ke. Aꞌan li nakayoꞌoni.

San Lucas 1:22

Ut nak qui-el chak saꞌ li templo mem chic laj Zacarías. Incꞌaꞌ chic naa̱tinac. Yal rukꞌ aj chic naxcꞌut chiruheb li nequeꞌa̱tinan re. Ticto queꞌxtau ru nak quicꞌutbesi̱c chak chiru jun li visión saꞌ li templo.

Tito 1:2

Ninchꞌolob lix ya̱lal aꞌin chiruheb re nak teꞌpa̱ba̱nk ut teꞌxyoꞌoni li junelic yuꞌam. Najter kꞌe cutan li Dios quixyechiꞌi chak li junelic yuꞌam. Li Dios incꞌaꞌ naticꞌtiꞌic.

2 Timoteo 2:13

Cuan nak la̱o incꞌaꞌ nakaba̱nu li cꞌaꞌru nakaye, abanan li Dios ti̱c xchꞌo̱l ut junelic naxba̱nu li cꞌaꞌru naxye. Aꞌan incꞌaꞌ nacuiban xchꞌo̱l.

San Lucas 1:45

Us xak a̱cue xban nak xapa̱b nak ta̱cꞌulma̱nk li cꞌaꞌru xye li Ka̱cuaꞌ, chan lix Elisabet.

San Marcos 16:14

Mokon chic eb li junlaju chi xtzolom cuanqueb saꞌ me̱x nak quixcꞌutbesi rib li Jesús chiruheb. Ut quixkꞌuseb xban nak incꞌaꞌ queꞌpa̱ban ut xban xcacuil lix chꞌo̱leb. Incꞌaꞌ queꞌxpa̱b li cꞌaꞌru queꞌxye li queꞌiloc ru li Jesús xbe̱n cua nak ac xcuacli cuiꞌchic chi yoꞌyo saꞌ xya̱nkeb li camenak.

San Marcos 9:19

Nak li Jesús quichakꞌoc, quixye reheb: —Ti̱c incꞌaꞌ nequexpa̱ban. ¿Joꞌ najtil chic tincua̱nk e̱riqꞌuin re nak texpa̱ba̱nk? ¿Joꞌ najtil chic texincuy nak nequecꞌoxla? Cꞌam chak li al arin cuiqꞌuin, chan li Jesús.

Isaías 7:9

Li tenamit Samaria, aꞌan lix nimal ru tenamit saꞌ xnaꞌajeb li ralal xcꞌajol laj Efraín. Ut laj Peka li ralal laj Remalías, aꞌan lix reyeb. Cui incꞌaꞌ cau e̱chꞌo̱l saꞌ le̱ pa̱ba̱l joꞌcan ajcuiꞌ te̱cꞌul joꞌ li teꞌxcꞌul li ralal xcꞌajol laj Efraín.—

2 Reyes 7:19

Li cui̱nk li natenkꞌan re li rey quixye: —Usta li Ka̱cuaꞌ Dios naxtakla chak saꞌ choxa li cebada chi nabal, ma̱ jaruj ta̱cꞌulma̱nk joꞌ xaye, chan. Ut laj Eliseo quixye re: —La̱at ta̱cuil nak ta̱cꞌulma̱nk, abanan la̱at incꞌaꞌ ta̱tzaca li tzacae̱mk aꞌan, chan.

2 Reyes 7:2

Li cui̱nk li natenkꞌan re li rey quixye re laj Eliseo: —Usta li Ka̱cuaꞌ Dios naxtakla chak saꞌ choxa li cebada chi nabal, ma̱ jaruj ta̱cꞌulma̱nk joꞌ xaye, chan. Ut laj Eliseo quixye re: —La̱at ta̱cuil nak ta̱cꞌulma̱nk joꞌ xinye. Abanan la̱at incꞌaꞌ ta̱tzaca li tzacae̱mk aꞌan, chan.

Números 20:12

Ut li Ka̱cuaꞌ quixye re laj Moisés rochben laj Aarón: —La̱ex incꞌaꞌ xex-abin chicuu. Incꞌaꞌ xeba̱nu joꞌ xinye e̱re ut incꞌaꞌ xeqꞌue inlokꞌal chiruheb li tenamit. Joꞌcan nak la̱ex incꞌaꞌ chic texcꞌamok be chiruheb li tenamit nak teꞌoc saꞌ li naꞌajej li quinyechiꞌi reheb, chan li Dios.

Éxodo 4:11

Ut li Ka̱cuaꞌ Dios quixye re: —¿Ma ma̱cuaꞌ ta biꞌ la̱in xinqꞌuehoc xtzꞌu̱mal re li cui̱nk? ¿Ani xba̱nun re li mem ut li tzꞌap xic ut li mutzꞌ? ¿Ma ma̱cuaꞌ la̱in li nimajcual Dios?

Romanos 3:3

Cuanqueb laj judío incꞌaꞌ queꞌxba̱nu li quixye li Dios. ¿Ma yal saꞌ xma̱queb ta biꞌ aꞌan nak li Dios incꞌaꞌ tixqꞌue li quixyechiꞌi?

Daniel 10:15

Nak quixye cue eb li a̱tin aꞌin, ti̱c quinxulub cuib ut mem quincana.

San Lucas 1:19

Ut li ángel quixye: —La̱in li ángel Gabriel li nincꞌanjelac chiru li Dios. Ut aꞌan xtaklan chak cue xyebal a̱cue li cha̱bil esilal aꞌin.

San Lucas 1:21

Eb li tenamit cuanqueb chirix cab. Yo̱queb chiroybeninquil laj Zacarías. Yo̱queb chixcꞌoxlanquil cꞌaꞌru xcꞌul nak xbay chak saꞌ li templo.

San Lucas 1:64

Ut saꞌ ajcuiꞌ li ho̱nal aꞌan laj Zacarías quiru chic chi a̱tinac ut qui-oc chixlokꞌoninquil li Ka̱cuaꞌ Dios.