San Lucas 1:18 - Li Santil hu

¹⁸ Quichakꞌoc laj Zacarías ut quixye: —¿Chanru nak tinnau nak ya̱l li yo̱cat chixyebal cue? La̱in ti̱xin chic. Joꞌcan ajcuiꞌ li cuixakil, chan.

Q'eqchi Bible

¹⁸ Kixye laj Sakarías re li ánjel: —K'aru tinnaw wi' a'in? Xb'aan naq ak xintixk ut xikenaq xhab' li wixaqil.

San Lucas 1:18 ပူးပေါင်းရင်းမြစ်များ

Génesis 17:17

Laj Abraham quicuikꞌla ut quixxulub lix jolom saꞌ chꞌochꞌ ut qui-oc chi seꞌec. Laj Abraham quixye saꞌ xchꞌo̱l: —¿Ma kꞌaxal ya̱l ta cuiꞌ nak ta̱cua̱nk junak cualal nak ac xinba̱nu li jun ciento chihab? Ut lix Sara, ¿ma ta̱cua̱nk ta biꞌ junak lix cꞌulaꞌal nak ac xba̱nu li laje̱b roꞌcꞌa̱l (90) chihab? chan.

San Lucas 1:34

Quichakꞌoc lix María ut quixye: —¿Chanru nak ta̱cua̱nk incꞌulaꞌal xban nak la̱in moco cuanquin ta riqꞌuin cui̱nk? chan lix María.

2 Reyes 7:2

Li cui̱nk li natenkꞌan re li rey quixye re laj Eliseo: —Usta li Ka̱cuaꞌ Dios naxtakla chak saꞌ choxa li cebada chi nabal, ma̱ jaruj ta̱cꞌulma̱nk joꞌ xaye, chan. Ut laj Eliseo quixye re: —La̱at ta̱cuil nak ta̱cꞌulma̱nk joꞌ xinye. Abanan la̱at incꞌaꞌ ta̱tzaca li tzacae̱mk aꞌan, chan.

Génesis 15:8

Ut laj Abram quichakꞌoc ut quixye: —Ka̱cuaꞌ Dios, ¿chanru nak tinnau chi tzꞌakal nak tincue̱chani li chꞌochꞌ? ¿Cꞌaꞌru li retalil ta̱qꞌue? chan.

San Lucas 1:7

Abanan ma̱cꞌaꞌ xcocꞌaleb xban nak lix Elisabet incꞌaꞌ naqꞌuiresin ut xban ajcuiꞌ nak ac che̱queb chic.

Isaías 38:22

Laj Ezequías quixpatzꞌ: —¿Cꞌaꞌru li retalil tixcꞌutbesi chicuu nak la̱in tinxic cuiꞌchic saꞌ lix templo li Ka̱cuaꞌ? chan.

Génesis 18:12

Xban aꞌan lix Sara quiseꞌec saꞌ xchꞌo̱l ut quixye: —¿Chanru nak ta̱cua̱nk li saylal aꞌin? Lin be̱lom ut la̱in ac xoti̱x chi us, chan saꞌ xchꞌo̱l.

Romanos 4:19

Caꞌchꞌin chic ma̱ oꞌcꞌa̱l chihab cuan re laj Abraham. Aꞌan naxnau nak xban xti̱xilal incꞌaꞌ raj chic ta̱cua̱nk ralal xcꞌajol. Ut naxnau ajcuiꞌ nak lix Sara incꞌaꞌ naqꞌuiresin. Aban incꞌaꞌ quichꞌinan xchꞌo̱l laj Abraham. Quixpa̱b ban chi tzꞌakal nak ta̱cua̱nk ralal xcꞌajol.