San Lucas 1:15 - Li Santil hu

¹⁵ La̱ cualal li ta̱yoꞌla̱k ta̱qꞌuehekꞌ xcuanquil xban li Dios. Aꞌan incꞌaꞌ ta̱ucꞌak vino chi moco li haꞌ li nacaltesin. Ut ac cua̱nk chak li Santil Musikꞌej riqꞌuin nak toj ma̱jiꞌak nayoꞌla.

Q'eqchi Bible

¹⁵ xb'aan naq nimaq xwankil rub'el roq rub'el ruq' li Qaawa'. Ink'a' taa'uk'uq b'iin chi moko yalaq k'a' chi ha'il nakaltesink. Nujenaqaq chi Santil Musiq'ej chalen sa' xsiyajik rik'in li xna',

San Lucas 1:15 ပူးပေါင်းရင်းမြစ်များ

Jeremías 1:5

Nak toj ma̱jiꞌ nacana chi yaj aj ixk la̱ naꞌ, la̱in ac ninnau nak tatyoꞌla̱k. Ut toj ma̱jiꞌ nacatyoꞌla nak xatinsantobresi re tatcꞌanjelak chokꞌ inprofeta saꞌ xya̱nkeb chixjunileb li tenamit, chan li Dios.

Efesios 5:18

Mexcala chic xban nak napoꞌoc chꞌo̱lej. Chinujak ban le̱ chꞌo̱l riqꞌuin li Santil Musikꞌej.

Gálatas 1:15

Nak toj ma̱jiꞌ ninyoꞌla, xban xnimal rusilal, li Dios ac xsicꞌ chak cuu re tincꞌanjelak chiru.

Hechos 2:4

Queꞌxcꞌul li xcuanquilal li Santil Musikꞌej, ut queꞌoc chi a̱tinac saꞌ jalan a̱tinoba̱l aꞌ yal chanru quicꞌuteꞌ chiruheb xban li Santil Musikꞌej.

San Lucas 7:33

Nak quicꞌulun laj Juan laj Cubsihom haꞌ, cuan li tzacae̱mk incꞌaꞌ quixtzaca ut cuan li incꞌaꞌ quirucꞌ, ut eb li tenamit incꞌaꞌ queꞌxcꞌul ut queꞌxye: “Ma̱us aj musikꞌej cuan riqꞌuin”, chanqueb.

Josué 4:14

Saꞌ li cutan aꞌan laj Josué quiqꞌueheꞌ xlokꞌal xban li Dios re nak eb laj Israel teꞌx-oxlokꞌi joꞌ najtil ta̱cua̱nk saꞌ xya̱nkeb, joꞌ nak queꞌx-oxlokꞌi laj Moisés junxil.

San Lucas 7:28

Relic chi ya̱l tinye e̱re nak ma̱ jun reheb li nequeꞌyoꞌla arin saꞌ ruchichꞌochꞌ naxkꞌax xcuanquil laj Juan laj Cubsihom Haꞌ. Aban li kꞌaxal cubenak xcuanquil saꞌ lix nimajcual cuanquil li Dios, kꞌaxal us chokꞌ re aꞌan chiru laj Juan, chan li Jesús. (Quixye chi joꞌcan xban nak laj Juan incꞌaꞌ ta̱ril lix nimajcual cuanquilal li Dios arin saꞌ ruchichꞌochꞌ).

1 Crónicas 17:8

La̱in xintenkꞌan a̱cue saꞌ chixjunil li naꞌajej xatcuulac cuiꞌ ut xinkꞌaxtesi saꞌ a̱cuukꞌ chixjunileb li xicꞌ nequeꞌiloc a̱cue. Ut xinqꞌue a̱cuanquil joꞌ xcuanquil li ni̱nkeb xcuanquil saꞌ ruchichꞌochꞌ.

Josué 3:7

Li Ka̱cuaꞌ Dios quixye re laj Josué: —Chalen anakcuan tinqꞌue a̱cuanquil re nak eb laj Israel teꞌxqꞌue a̱lokꞌal ut teꞌxnau nak la̱in cuanquin a̱cuiqꞌuin joꞌ nak quincuan riqꞌuin laj Moisés.

Zacarías 9:15

Li nimajcual Dios tixcoleb lix tenamit Israel. Ut aꞌaneb teꞌnumta̱k saꞌ xbe̱neb li xicꞌ nequeꞌiloc reheb ut teꞌxyekꞌi saꞌ rokeb li pec li teꞌcutekꞌ cuiꞌ. Teꞌsachekꞌ chi junaj cua li xicꞌ nequeꞌiloc reheb laj Israel joꞌ nak nacamsi̱c li xul li nequeꞌxmayeja. Nequeꞌxxoc lix quiqꞌuel saꞌ jun li secꞌ ut nequeꞌxqꞌue saꞌ xxuc li artal.

Salmos 22:9

Abanan ninnau nak la̱at nacattenkꞌan cue, at inDios, xban nak la̱at xatqꞌuehoc cue chi yoꞌla̱c ut xaqꞌue inyuꞌam. Nak toj yo̱quin chi tuꞌuc, la̱at xat-iloc cue.

1 Crónicas 29:12

La̱at nacatqꞌuehoc re li biomal ut li lokꞌal. La̱at yal a̱cue saꞌ xbe̱n chixjunil. Saꞌ a̱cuukꞌ cuan li cacuilal ut li cuanquilal. La̱at nacatqꞌuehoc re li junju̱nk lix cacuilal ut lix cuanquilal.

Génesis 48:19

Abanan laj Israel incꞌaꞌ quixcꞌul xchꞌo̱l xba̱nunquil chi joꞌcan ut quixye, —La̱in ninnau nak aꞌan li asbej, at cualal. Ta̱nima̱nk lix cuanquil aꞌan. Abanan li i̱tzꞌinbej kꞌaxal cuiꞌchic numtajenak lix cuanquil chiru li asbej. Kꞌaxal nabaleb li ralal xcꞌajol li teꞌcua̱nk, chan laj Israel.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

San Juan 5:35

Laj Juan chanchan jun li xam quixcutanobresi e̱be nak quixchꞌolob lix ya̱lal che̱ru. Ut quisahoꞌ jun cꞌamoc saꞌ e̱chꞌo̱l chirabinquil li quixye.

Levítico 10:9

—La̱at ut eb la̱ cualal incꞌaꞌ ta̱ru̱k tex-oc saꞌ li tabernáculo cui yo̱quex chi ucꞌac vino malaj ut li haꞌ li nacaltesin re nak incꞌaꞌ texca̱mk. Aꞌin jun li chakꞌrab tento te̱ba̱nu la̱ex ut tento ajcuiꞌ teꞌxba̱nu eb le̱ ralal e̱cꞌajol li teꞌcua̱nk mokon.

Jeremías 35:6

Ut eb aꞌan queꞌxye cue: —La̱o incꞌaꞌ noco-ucꞌac vino xban nak laj Jonadab li ralal laj Recab li kaxeꞌto̱nil yucuaꞌ quixye ke nak ma̱ jun cua takucꞌ li vino la̱o, chi moco li kalal kacꞌajol.

San Lucas 1:14

Nak ta̱yoꞌla̱k la̱ cualal, cꞌajoꞌ nak ta̱sahokꞌ saꞌ a̱chꞌo̱l la̱at ut nabaleb ajcuiꞌ li cristian teꞌsahokꞌ saꞌ xchꞌo̱leb.