San Lucas 1:13 - Li Santil hu

¹³ Ut li ángel quixye: —At Zacarías, matxucuac. Li Dios xrabi li cꞌaꞌru xatzꞌa̱ma. Lix Elisabet la̱ cuixakil ta̱cua̱nk jun xcꞌulaꞌal ut Juan ta̱qꞌue chokꞌ xcꞌabaꞌ.

Q'eqchi Bible

¹³ Ab'an li ánjel kixye re: —Sakarías, matxiwak xb'aan naq x'ab'imank laatij. Lix Isabel laawixaqil taarala jun aak'uula'a,l ut Jwan taak'e cho'q xk'ab'a'.

San Lucas 1:13 ပူးပေါင်းရင်းမြစ်များ

Hechos 10:31

Quixye cue, “At Cornelio, li Dios quirabi la̱ tij. Nacuulac chiru li cꞌaꞌru nacaba̱nu re xtenkꞌanquileb li nebaꞌ.

1 Samuel 2:21

Li Dios quirosobtesi lix Ana. Queꞌcuan oxib chic lix yum ut cuib lix coꞌ. Ut laj Samuel yo̱ chi qꞌui̱c ut yo̱ chi cꞌanjelac chiru li Dios.

Salmos 113:9

Naxqꞌueheb ralal xcꞌajol li ixk li incꞌaꞌ nequeꞌqꞌuiresin. Ut naxqꞌueheb xsahil xchꞌo̱l saꞌ li rochocheb. ¡Lokꞌoninbil taxak li Ka̱cuaꞌ!

Génesis 25:21

Laj Isaac quitijoc chiru li Ka̱cuaꞌ Dios. Quitijoc chirix li rixakil xban nak ma̱ jun lix cocꞌal nequeꞌcuan. Li Ka̱cuaꞌ Dios quirabi xtij laj Isaac. Ut lix Rebeca quicana chi yaj aj ixk.

San Lucas 2:21

Cuakxakib cutan cuan re li cꞌulaꞌal nak quixcꞌul li circuncisión ut Jesús queꞌxqꞌue chokꞌ xcꞌabaꞌ, joꞌ quiyeheꞌ re lix María xban li ángel nak toj ma̱jiꞌ nacana chi yaj.

Salmos 118:21

At Ka̱cuaꞌ, la̱in tinqꞌue a̱lokꞌal xban nak xina̱cuabi nak xintzꞌa̱ma intenkꞌanquil cha̱cuu. Ut la̱at xina̱col.

Génesis 18:14

La̱in li Ka̱cuaꞌ Dios. Ma̱cꞌaꞌ chꞌaꞌaj chicuu. Chiru li chihab jun chic tinsukꞌi̱k chak cha̱cuilbal ut lix Sara ac cua̱nk chic jun lix cꞌulaꞌal chꞌina te̱lom, chan li Ka̱cuaꞌ Dios.

San Mateo 14:27

Aꞌut li Jesús ticto quira̱tinaheb ut quixye reheb: —Mexxucuac. La̱in li yo̱quex chicuilbal. Cacuubresihomak e̱chꞌo̱l, chan reheb.

Génesis 17:19

Li Dios quixye re laj Abraham: —Ac xinye a̱cue nak lix Sara ta̱cua̱nk lix cꞌulaꞌal. Aj Isaac ta̱qꞌue chokꞌ xcꞌabaꞌ. La̱in tinba̱nu ajcuiꞌ lin contrato chi junelic riqꞌuin aꞌan joꞌ ajcuiꞌ riqꞌuineb li ralal xcꞌajol, chan.

San Mateo 28:5

Ut nak queꞌcuulac li ixk, li ángel quixye reheb: —Mexxucuac la̱ex. La̱in ninnau nak yo̱quex chixsicꞌbal li Jesús li quicam chiru cruz.

Daniel 10:12

Ut li cui̱nk quixye cue: —At Daniel, matxucuac xban nak chalen nak xaqꞌue a̱chꞌo̱l chixtaubal ru li yo̱ chi cꞌulma̱nc ut xacubsi a̱cuib chiru la̱ Dios, aꞌan quirabi la̱ tij. Joꞌcan nak xinchal a̱cuiqꞌuin chixchꞌolobanquil lix ya̱lal cha̱cuu.

Jueces 6:23

Ut li Ka̱cuaꞌ quixye re: —Matxucuac xban nak incꞌaꞌ tatca̱mk. Chicua̱nk taxak a̱cuiqꞌuin li tuktu̱quil usilal, chan.

Génesis 17:10

La̱at ta̱ba̱nu li cꞌaꞌru tinye a̱cue. Joꞌcan ajcuiꞌ teꞌxba̱nu chixjunileb la̱ cualal a̱cꞌajol. Ut aꞌan aꞌin li tinye e̱re. Li junju̱nk chi cui̱nk saꞌ e̱ya̱nk, tento nak teꞌxcꞌul li circuncisión.

San Lucas 1:30

Ut li ángel quixye re: —Matxucuac, María. Li Dios xsicꞌoc a̱cuu xban nak cha̱bil a̱naꞌleb.

Isaías 8:3

Mokon chic xincuan riqꞌuin li cuixakil li profetisa ut aꞌan xcana chi yaj aj ixk. Nak quiyoꞌla li cualal, li Ka̱cuaꞌ quixye cue “Maher-salal-hasbaz” ta̱qꞌue chokꞌ xcꞌabaꞌ.

Oseas 1:6

Ut lix Gomer quicuan jun chic lix cꞌulaꞌal, chꞌina xkaꞌal. Ut li Ka̱cuaꞌ quixye re laj Oseas: —Qꞌue Lo-ruhama chokꞌ xcꞌabaꞌ. (Li cꞌabaꞌej aꞌan naraj naxye: Incꞌaꞌ naraheꞌ.) Qꞌue aꞌan chokꞌ xcꞌabaꞌ xban nak la̱in incꞌaꞌ chic teꞌcuil xtokꞌoba̱l ruheb laj Israel ut incꞌaꞌ chic tebincꞌoxla chi junaj cua.

Oseas 1:4

Ut li Ka̱cuaꞌ quixye re laj Oseas: —Qꞌue aj Jezreel chokꞌ xcꞌabaꞌ li cꞌulaꞌal aꞌin xban nak chi se̱b tinqꞌue chixtojbal xma̱c li ralal xcꞌajol laj Jehú xban li camsi̱nc queꞌxba̱nu aran Jezreel. Tinsacheb xcuanquileb li ralal xcꞌajol ut incꞌaꞌ chic teꞌtakla̱nk saꞌ xbe̱neb laj Israel.

San Marcos 16:6

Ut li cui̱nk quixye reheb: —Mexxucuac. La̱in ninnau nak yo̱quex chixsicꞌbal li Jesús aj Nazaret li queꞌxcamsi chiru cruz. Aꞌan ma̱ ani chic arin. Ac xcuacli cuiꞌchic chi yoꞌyo. Ilomak lix naꞌaj li xcuan cuiꞌ li camenak.

San Mateo 1:21

Ta̱cua̱nk jun lix cꞌulaꞌal chꞌina te̱lom. Ut Jesús ta̱qꞌue chokꞌ xcꞌabaꞌ xban nak aꞌan ta̱colok re lix tenamit saꞌ lix ma̱queb, chan.

San Lucas 1:14

Nak ta̱yoꞌla̱k la̱ cualal, cꞌajoꞌ nak ta̱sahokꞌ saꞌ a̱chꞌo̱l la̱at ut nabaleb ajcuiꞌ li cristian teꞌsahokꞌ saꞌ xchꞌo̱leb.