San Lucas 1:10 - Li Santil hu

¹⁰ Nak yo̱ chi cꞌatc li incienso chixjunileb li tenamit chꞌutchꞌu̱queb chirix cab ut yo̱queb chi tijoc.

Q'eqchi Bible

¹⁰ Chixjunileb' li k'iila tenamit wankeb' chi tijok chirix kab'l sa' xhonalil xk'atb'al li pom.

San Lucas 1:10 ပူးပေါင်းရင်းမြစ်များ

Levítico 16:17

Nak laj Aarón cua̱nk chak saꞌ li Lokꞌlaj Santil Naꞌajej chixqꞌuebal lix mayej re xtojbal rix lix ma̱c aꞌan ut eb li cuanqueb saꞌ li rochoch joꞌ eb ajcuiꞌ lix ma̱queb li tenamit, ma̱ ani naru na-oc saꞌ li tabernáculo toj ta̱e̱lk chak saꞌ li Lokꞌlaj Santil Naꞌajej.

Apocalipsis 8:3

Quichal jun chic li ángel ut quixakli chiru li artal yi̱banbil riqꞌuin oro. Cuan chak saꞌ rukꞌ jun xnaꞌaj li incienso yi̱banbil riqꞌuin oro. Quiqꞌueheꞌ nabal li incienso re, re tixcꞌat saꞌ li artal li cuan chiru li cꞌojariba̱l, re nak cuotz ta̱cuulak toj riqꞌuin li Ka̱cuaꞌ rochben lix tijeb laj pa̱banel.

Hebreos 9:24

Li Cristo incꞌaꞌ nacꞌanjelac saꞌ junak tabernáculo yi̱banbil xbaneb li cui̱nk. Nacꞌanjelac ban saꞌ choxa. Li tabernáculo quicuan, aꞌan yal retalil li choxa. Li Jesucristo co̱ saꞌ choxa ut anakcuan aran yo̱ chi jaloc a̱tin chikix chiru li Dios.

Hebreos 4:14

Li Ka̱cuaꞌ Jesucristo, li Ralal li Dios, aꞌan lix yucuaꞌil aj tij chokꞌ ke. Quitakeꞌ saꞌ choxa ut cuan chak riqꞌuin li Dios Acuabej. Yo̱ chak chi oque̱nc chikix chiru li Dios. Joꞌcan nak cauhak taxak kachꞌo̱l saꞌ li kapa̱ba̱l.

Números 7:50

Quixqꞌue ajcuiꞌ jun li cuchara yi̱banbil riqꞌuin oro ca̱hib onzas li ra̱lal nujenak riqꞌuin incienso.

Salmos 141:2

Chicuulak taxak a̱cuiqꞌuin lin tij joꞌ nak nacuulac a̱cuiqꞌuin xbo̱c li incienso. La̱in nintaksi li cuukꞌ chi tijoc cha̱cuu. Ta̱cꞌul taxak joꞌ jun li mayej li naqꞌueman chiru li ecuu.

Ezequiel 46:3

Chixjunileb li tenamit teꞌxlokꞌoni li Ka̱cuaꞌ chiru li oqueba̱l li cuan saꞌ li este rajlal hiloba̱l cutan ut nak nequeꞌxninkꞌei li xyoꞌlajic li po.