Levítico 9:6 - Li Santil hu

⁶ Ut laj Moisés quixye reheb: —Aꞌan aꞌin li xextakla cuiꞌ li Ka̱cuaꞌ. Cheba̱nuhak re nak li Ka̱cuaꞌ tixcꞌutbesi lix lokꞌal che̱ru, chan.

Q'eqchi Bible

⁶ Toja' naq laj Moisés kixye: “A'an a'in li xtaqlahom li Qaawa'. B'aanuhomaq, ut li Qaawa' tixk'ut rib' cheru rik'in xnimal xloq'al”.

Levítico 9:6 ပူးပေါင်းရင်းမြစ်များ

Levítico 9:23

Laj Moisés rochben laj Aarón queꞌoc saꞌ li tabernáculo. Ut nak queꞌel queꞌxtzꞌa̱ma chiru li Dios nak ta̱rosobtesiheb li tenamit. Ut li Ka̱cuaꞌ quixcꞌutbesi lix lokꞌal chiruheb chixjunileb li tenamit.

Ezequiel 43:2

Ut quicuil lix lokꞌal li Ka̱cuaꞌ lix Dioseb laj Israel li yo̱ chak chi cha̱lc saꞌ li este. Quicuabi jun li choki̱nc chanchan nak na-ecꞌan li nimaꞌ. Ut li ruchichꞌochꞌ quisakenoꞌ xban lix lokꞌal li Dios.

Éxodo 24:16

Aran saꞌ li tzu̱l Sinaí cuakib cutan quicuan li xlokꞌal li Dios chi mukmu saꞌ li chok. Saꞌ xcuuk li cutan li Dios quia̱tinac riqꞌuin laj Moisés. Saꞌ li chok qui-el li xya̱b xcux.

Éxodo 16:10

Ut nak laj Aarón yo̱ chi a̱tinac riqꞌuineb laj Israel, queꞌiloc saꞌ li chaki chꞌochꞌ ut aran queꞌril nak li Ka̱cuaꞌ Dios quixcꞌutbesi lix lokꞌal chiruheb saꞌ li chok.

Levítico 9:5

Ut queꞌxcꞌam li mayej chiru li oqueba̱l re li tabernáculo joꞌ quiyeheꞌ reheb xban laj Moisés. Ut chixjunileb laj Israel queꞌcuulac aran ut queꞌxakli chiru li Ka̱cuaꞌ.

Éxodo 29:43

Ut aran ajcuiꞌ tincua̱nk riqꞌuineb li ralal xcꞌajol laj Israel. Ut tinsantobresi li naꞌajej aꞌan riqꞌuin lin lokꞌal.