Levítico 9:4 - Li Santil hu

⁴ Teꞌxqꞌue ajcuiꞌ jun li cuacax ut jun li te̱lom carner re teꞌxmayeja re xcꞌambal ribeb saꞌ usilal riqꞌuin li Ka̱cuaꞌ. Teꞌxmayeja chiru li Ka̱cuaꞌ rochben li cꞌaj junajinbil riqꞌuin aceite. Teꞌxba̱nu chi joꞌcan xban nak chiru li cutan aꞌin tixcꞌutbesi rib li Ka̱cuaꞌ chiruheb, chan.

Q'eqchi Bible

⁴ Te'xchap ajwi' junaq teelom wakax ut junaq karneer re xkamsinkil chiru li Qaawa' cho'q mayej re k'amok ib' sa' usilal. Xk'amaqeb' ajwi' chaq mayej k'aj puq'b'ilaq rik'in aseeyt, xb'aan naq li Qaawa' tixk'ut rib' chiruheb' sa' li kutan a'in”.

Levítico 9:4 ပူးပေါင်းရင်းမြစ်များ

Éxodo 29:43

Ut aran ajcuiꞌ tincua̱nk riqꞌuineb li ralal xcꞌajol laj Israel. Ut tinsantobresi li naꞌajej aꞌan riqꞌuin lin lokꞌal.

Levítico 9:23

Laj Moisés rochben laj Aarón queꞌoc saꞌ li tabernáculo. Ut nak queꞌel queꞌxtzꞌa̱ma chiru li Dios nak ta̱rosobtesiheb li tenamit. Ut li Ka̱cuaꞌ quixcꞌutbesi lix lokꞌal chiruheb chixjunileb li tenamit.

Levítico 9:6

Ut laj Moisés quixye reheb: —Aꞌan aꞌin li xextakla cuiꞌ li Ka̱cuaꞌ. Cheba̱nuhak re nak li Ka̱cuaꞌ tixcꞌutbesi lix lokꞌal che̱ru, chan.

Ezequiel 43:2

Ut quicuil lix lokꞌal li Ka̱cuaꞌ lix Dioseb laj Israel li yo̱ chak chi cha̱lc saꞌ li este. Quicuabi jun li choki̱nc chanchan nak na-ecꞌan li nimaꞌ. Ut li ruchichꞌochꞌ quisakenoꞌ xban lix lokꞌal li Dios.

Números 16:19

Ut laj Coré quixchꞌutubeb chiru li oqueba̱l re li tabernáculo eb li nequeꞌoquen chirix. Ut li Ka̱cuaꞌ quixcꞌutbesi lix lokꞌal chiruheb chixjunileb li tenamit.

Números 14:10

Abanan eb laj Israel queꞌoc raj chixcutbaleb chi pec. Aꞌut li nimajcual Dios quixcꞌutbesi lix lokꞌal chiruheb saꞌ li tabernáculo.

Levítico 2:1

Nak junak cristian tixmayeja ru li racui̱mk, tento nak tixqꞌue li cha̱bil cꞌaj. Tixqꞌue aceite saꞌ xbe̱n ut tixqꞌue ajcuiꞌ incienso.

Éxodo 24:16

Aran saꞌ li tzu̱l Sinaí cuakib cutan quicuan li xlokꞌal li Dios chi mukmu saꞌ li chok. Saꞌ xcuuk li cutan li Dios quia̱tinac riqꞌuin laj Moisés. Saꞌ li chok qui-el li xya̱b xcux.

Éxodo 19:11

Ut cheꞌxcauresi rib xban nak saꞌ rox li cutan chiruheb chixjunileb li cristian tincuulak saꞌ li tzu̱l Sinaí.

Éxodo 16:10

Ut nak laj Aarón yo̱ chi a̱tinac riqꞌuineb laj Israel, queꞌiloc saꞌ li chaki chꞌochꞌ ut aran queꞌril nak li Ka̱cuaꞌ Dios quixcꞌutbesi lix lokꞌal chiruheb saꞌ li chok.

Levítico 9:3

Ta̱ye reheb laj Israel nak teꞌxqꞌue jun li te̱lom chiba̱t re xtzꞌa̱manquil xcuybal lix ma̱queb. Teꞌxqꞌue ajcuiꞌ jun li toro ut jun li carner re teꞌxcꞌat chokꞌ xmayej. Jun chihab cua̱nk reheb ut tzꞌakalakeb re ru.

Levítico 9:5

Ut queꞌxcꞌam li mayej chiru li oqueba̱l re li tabernáculo joꞌ quiyeheꞌ reheb xban laj Moisés. Ut chixjunileb laj Israel queꞌcuulac aran ut queꞌxakli chiru li Ka̱cuaꞌ.

Levítico 3:1

Cui te̱qꞌue li mayej re xcꞌambal e̱rib saꞌ usilal riqꞌuin li Dios, tento nak te̱mayeja chiru li Dios junak li cuacax tzꞌakal re ru, usta toro, usta ba̱c.

Ezequiel 43:27

Nak ac xeꞌnumeꞌ li cutan aꞌin, saꞌ li xcuakxak li cutan eb laj tij teꞌxtiquib xmayejanquil saꞌ xbe̱n li artal li xul li te̱qꞌue chokꞌ cꞌatbil mayej. Ut te̱mayeja li xul re xcꞌambal e̱rib saꞌ usilal cuiqꞌuin. Ut la̱in tincꞌul le̱ mayej chi sa saꞌ inchꞌo̱l, chan li Ka̱cuaꞌ.