Levítico 9:15 - Li Santil hu

¹⁵ Chirix aꞌan laj Aarón quixqꞌue lix mayejeb li tenamit. Quixchap li te̱lom chiba̱t ut quixcamsi. Ut quixmayeja chiru li Ka̱cuaꞌ re xtzꞌa̱manquil xcuybal lix ma̱queb joꞌ quixba̱nu riqꞌuin li xbe̱n mayej.

Q'eqchi Bible

¹⁵ Laj Aharón kixq'axtesi ajwi' li mayej sa' xk'ab'a'eb' laj Israel. Kixchap li chib'aat, a' li mayej chirix xmaakeb' li tenamit, ut kixset xkux, yo chi xmayejankil chirix li maak, kama' ajwi' kixb'aanu rik'in li mayej ak xyeechi'i.

Levítico 9:15 ပူးပေါင်းရင်းမြစ်များ

Hebreos 5:3

Xban nak yal cui̱nk li xyucuaꞌil aj tij, joꞌcan nak rajlal namayejac re xtojbal rix lix ma̱c aꞌan. Ut namayejac ajcuiꞌ re xtojbal rix lix ma̱queb chixjunileb li tenamit.

Hebreos 2:17

Xban nak li Jesucristo quicꞌulun chixtenkꞌanquileb li cuanqueb saꞌ ruchichꞌochꞌ tento nak quitzꞌejcualoꞌ joꞌ eb lix herma̱n. Chi ya̱l nak quitzꞌejcualoꞌ re nak ta̱ruxta̱na ku ut tixtoj rix li kama̱c. Li Jesucristo aꞌan lix yucuaꞌil aj tij chi cꞌanjelac chiru li Dios.

Levítico 9:3

Ta̱ye reheb laj Israel nak teꞌxqꞌue jun li te̱lom chiba̱t re xtzꞌa̱manquil xcuybal lix ma̱queb. Teꞌxqꞌue ajcuiꞌ jun li toro ut jun li carner re teꞌxcꞌat chokꞌ xmayej. Jun chihab cua̱nk reheb ut tzꞌakalakeb re ru.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

Isaías 53:10

Li Dios ac cuan saꞌ xchꞌo̱l nak ta̱rahobtesi̱k ut quixqꞌue chi cꞌuluc raylal. Quicam re xcuybal xsachbal li kama̱c. Ta̱najtokꞌ rok lix yuꞌam ut ta̱rileb ru li ralal xcꞌajol. Ut saꞌ xcꞌabaꞌ aꞌan ta̱tzꞌaklok ru li cꞌaꞌru quiraj li Dios.

Levítico 9:14

Laj Aarón quixchꞌaj lix cꞌamcꞌot ut li rok ut quixcꞌat saꞌ li artal saꞌ xbe̱n li cꞌatbil mayej.

Levítico 10:16

Laj Moisés quixpatzꞌ li mayej chiba̱t li quiqꞌueheꞌ re xtzꞌa̱manquil xcuybal lix ma̱queb. Cꞌajoꞌ nak quijoskꞌoꞌ nak quirabi nak ac quicꞌateꞌ. Quipoꞌ riqꞌuin laj Eleazar ut laj Itamar ut quixye reheb:

2 Crónicas 29:24

Ut eb laj tij queꞌxcamsiheb li chiba̱t ut queꞌxqꞌue lix quiqꞌuel saꞌ li artal. Aꞌan li mayej re xtojbal rix lix ma̱queb chixjunileb laj Israel xban nak li rey quixtaklaheb chixcꞌatbal li mayej saꞌ xcꞌabaꞌeb chixjunileb laj Israel.