Levítico 9:10 - Li Santil hu

¹⁰ Quixcꞌat saꞌ li artal lix xe̱bul ut lix que̱nkꞌ ut lix xe̱bul lix chꞌochꞌ li xul li quixmayeja re xtzꞌa̱manquil xcuybal lix ma̱c. Quixba̱nu joꞌ quixye li Ka̱cuaꞌ.

Q'eqchi Bible

¹⁰ Chirix a'an kixk'at sa' xb'een li artal li xeeb', eb' li kenq' ut li xxeeb'ul li xch'och' li xul li xmayejamank chirix li maak, jo' chanru kixye li Qaawa' re laj Moisés.

Levítico 9:10 ပူးပေါင်းရင်းမြစ်များ

Isaías 66:2

¿Ma ma̱cuaꞌ ta biꞌ la̱in quinyi̱ban re chixjunil li cꞌaꞌru cuan? ¿Ma ma̱cuaꞌ ta biꞌ la̱in quinyoꞌobtesin reheb? La̱in nacuil xtokꞌoba̱l ruheb li nebaꞌ ut li tu̱laneb, li nequeꞌxqꞌue xlokꞌal li cua̱tin.

Isaías 57:15

Quixye ajcuiꞌ li santil Dios li nim xcuanquil ut yoꞌyo chi junelic: —La̱in nincuan saꞌ jun li Santil Naꞌajej li cuan takecꞌ. Ut nincuan ajcuiꞌ riqꞌuineb li tu̱laneb ut eb li nequeꞌxcubsi ribeb. La̱in ninqꞌue xcacuilal xchꞌo̱leb li nequeꞌxcubsi ribeb ut ninqꞌue ajcuiꞌ xcacuilal xchꞌo̱leb li nequeꞌyotꞌeꞌ xchꞌo̱l.

Isaías 53:10

Li Dios ac cuan saꞌ xchꞌo̱l nak ta̱rahobtesi̱k ut quixqꞌue chi cꞌuluc raylal. Quicam re xcuybal xsachbal li kama̱c. Ta̱najtokꞌ rok lix yuꞌam ut ta̱rileb ru li ralal xcꞌajol. Ut saꞌ xcꞌabaꞌ aꞌan ta̱tzꞌaklok ru li cꞌaꞌru quiraj li Dios.

Proverbios 23:26

Ex cualal incꞌajol, cheqꞌuehak e̱chꞌo̱l chirabinquil li cꞌaꞌru tinye e̱re. Ut cheba̱nuhak li us joꞌ ninba̱nu la̱in.

Salmos 51:17

Li mayej nacacuaj la̱at, aꞌan nak ta̱yotꞌekꞌ inchꞌo̱l chi tzꞌakal ut tinjal incꞌaꞌux. At inDios, la̱at incꞌaꞌ nacatzꞌekta̱na li ani naxcubsi rib cha̱cuu.

Éxodo 29:13

Ta̱cuisi chixjunil li xe̱b li nacuan chiru lix cꞌamcꞌot ut li xe̱b li nacuan chiru lix sa̱seb joꞌ ajcuiꞌ lix que̱nkꞌ rochben li xe̱b li cuan chiru, ut ta̱cꞌat saꞌ li artal.

Levítico 9:9

Eb li ralal queꞌxxoc li quicꞌ ut queꞌxqꞌue re laj Aarón. Ut laj Aarón quixtzꞌa li rukꞌ saꞌ li quicꞌ ut quixyul chiruheb li xucub li cuan saꞌ xca̱ xucu̱til li artal. Li qui-elaꞌan quixhoy saꞌ xto̱n li artal.

Levítico 9:11

Ut lix tibel rochben lix tzꞌu̱mal quixcꞌam toj chirix li naꞌajej li cuanqueb cuiꞌ lix muheba̱leb ut aran quixcꞌat.