Levítico 8:9 - Li Santil hu

⁹ Ut chirix aꞌan laj Moisés quixqꞌue li tꞌicr li nequeꞌxbacꞌ saꞌ xjolom, mitra xcꞌabaꞌ ut chiru aꞌan quixqꞌue jun pere̱l li oro retalil nak aꞌan kꞌaxtesinbil re li Ka̱cuaꞌ. Laj Moisés quixba̱nu joꞌ quiyeheꞌ re xban li Dios.

Q'eqchi Bible

⁹ Kixk'e li xlanb'al xjolom, ut sa' xb'een a'an chi xpeekem kixlochob' jun perel yiib'anb'il rik'in oor, a' li loq'laj reetalil li xk'anjel, jo' chanru kiyehe'k re xb'aan li Qaawa'.

Levítico 8:9 ပူးပေါင်းရင်းမြစ်များ

Zacarías 3:5

Ut quixye reheb: —Bacꞌomak junak tꞌicr sak ru saꞌ xjolom, chan. Ut queꞌxqꞌue jun li tꞌicr sak ru saꞌ xjolom ut queꞌxqꞌue li cha̱bil tꞌicr chirix. Ut lix ángel li Ka̱cuaꞌ xakxo aran.

Éxodo 29:6

Ut ta̱qꞌue li mitra saꞌ xjolom ut chiru li mitra ta̱qꞌue li oro retalil nak aꞌan kꞌaxtesinbil re li Ka̱cuaꞌ.

Éxodo 28:4

Joꞌcaꞌin nak te̱yi̱b li rakꞌeb: li rakꞌ li nim rok li nequeꞌxqꞌue toj chi saꞌ (túnica), ut li rakꞌ jun chic li nequeꞌxqꞌue saꞌ xbe̱n (manto), ut li rakꞌ jun chic li kꞌaxal cha̱bil xyi̱banquil li nequeꞌxqꞌue toj saꞌ xbe̱n (efod). Ut teꞌxyi̱b ajcuiꞌ li tꞌicr li nequeꞌxqꞌue chire xchꞌo̱l (pectoral) joꞌ ajcuiꞌ lix cꞌa̱mal xsaꞌ (cinturón) ut li tꞌicr li nequeꞌxbacꞌ saꞌ xjolom (mitra). Joꞌcan nak yi̱bomak chi cha̱bil li rakꞌ la̱ cuas laj Aarón joꞌ eb ajcuiꞌ li ralal re nak eb aꞌan teꞌcꞌanjelak chicuu chokꞌ aj tij.

Éxodo 40:16

Joꞌ quixye li Dios, joꞌcan quixba̱nu laj Moisés.

Levítico 8:21

Laj Moisés quixchꞌaj lix cꞌamcꞌot ut li rok ut quixcꞌat chixjunil li carner saꞌ li artal. Ut aꞌan jun sununquil mayej quixcꞌat ut quicuulac chiru li Ka̱cuaꞌ. Laj Moisés quixba̱nu joꞌ quiyeheꞌ re xban li Ka̱cuaꞌ.

Levítico 8:36

Ut laj Aarón ut eb li ralal queꞌxba̱nu chixjunil li quiyeheꞌ re laj Moisés xban li Ka̱cuaꞌ.