Levítico 8:35 - Li Santil hu

³⁵ Texcana̱k chiru li oqueba̱l re li tabernáculo chiru cuukub cutan ut cuukub kꞌojyi̱n. Te̱ba̱nu joꞌ xye li Ka̱cuaꞌ re nak incꞌaꞌ texca̱mk xban nak joꞌcan quixye cue li Ka̱cuaꞌ, chan laj Moisés.

Q'eqchi Bible

³⁵ Jo'kan naq laa'ex tento texkanaaq chi kutan ut chiru li q'oqyink sa' rokeb'aal li Loq'laj Muheb'aal, chiru wuqub' kutan. Teepaab' li xchaq'rab' li Qaawa' ut ink'a' texkamq, xb'aan naq a'an a'in linchaq'rab'inkil”.

Levítico 8:35 ပူးပေါင်းရင်းမြစ်များ

1 Reyes 2:3

Chaba̱nu la̱ taklanquil li xqꞌue li Ka̱cuaꞌ la̱ Dios. Ta̱ba̱nu taxak li cꞌaꞌru naxye a̱cue. Ba̱nu li cꞌaꞌru naraj aꞌan joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Ta̱ba̱nu li cꞌaꞌru naraj li Ka̱cuaꞌ re nak us tat-e̱lk riqꞌuin chixjunil li ta̱ba̱nu yalak bar tatxic.

Deuteronomio 11:1

Cherahak biꞌ li Ka̱cuaꞌ le̱ Dios ut te̱ba̱nu li cꞌaꞌru naxye saꞌ li chakꞌrab ut le̱ taklanquil xban. Junelic te̱ba̱nu li cꞌaꞌru naxye ut li cꞌaꞌru tenebanbil saꞌ e̱be̱n xba̱nunquil.

Números 9:19

Cui li chok nabay saꞌ xbe̱n li tabernáculo, eb laj Israel nequeꞌbay ajcuiꞌ chi cua̱nc saꞌ li naꞌajej aꞌan joꞌ quixye li Ka̱cuaꞌ reheb. Incꞌaꞌ nequeꞌxic.

Números 3:7

Teꞌxba̱nu li cꞌaꞌru naxye laj Aarón ut teꞌcꞌanjelak chiruheb laj Israel nak teꞌxba̱nu li cꞌanjel saꞌ li tabernáculo.

Hebreos 7:28

Joꞌ tzꞌi̱banbil saꞌ li chakꞌrab najter, eb li xakabanbil chokꞌ xyucuaꞌil aj tij, aꞌan yal cui̱nkeb. Abanan mokon, nak quisacheꞌ xcuanquil li chakꞌrab, li Dios quixxakab riqꞌuin juramento li Ralal chokꞌ xyucuaꞌil aj tij. Riqꞌuin ut aꞌan li Jesucristo tzꞌakal re ru chi cꞌanjelac chi junelic.

2 Timoteo 4:1

Nintzꞌa̱ma cha̱cuu saꞌ xcꞌabaꞌ li Dios nak ta̱chꞌolob lix ya̱lal. Ut nintzꞌa̱ma ajcuiꞌ saꞌ xcꞌabaꞌ li Ka̱cuaꞌ Jesucristo, li ta̱rakok a̱tin saꞌ xbe̱neb li yoꞌyo̱queb ut li camenakeb nak ta̱cha̱lk cuiꞌchic riqꞌuin lix nimal xcuanquil.

1 Timoteo 6:20

At Timoteo, cua̱nk saꞌ a̱chꞌo̱l li tijleb qꞌuebil a̱cue xban li Dios. Ma̱qꞌue xcuanquil li joꞌ ma̱joꞌil serakꞌ ut li cuechꞌij ib xban nak ma̱cꞌaꞌ na-oc cuiꞌ. Cuan li nequeꞌyehoc re nak cha̱bil naꞌleb, abanan moco ya̱l ta.

1 Timoteo 6:17

Ta̱chꞌolob xya̱lal chiruheb li biom nak incꞌaꞌ teꞌxkꞌetkꞌeti ribeb chi moco teꞌxcꞌojob xchꞌo̱l saꞌ xbe̱n li biomal li na-osoꞌ. Cheꞌxqꞌue ban xchꞌo̱l chixyoꞌoninquil li yoꞌyo̱quil Dios. Aꞌan naqꞌuehoc ke chi nabal chixjunil li cꞌaꞌak re ru.

1 Timoteo 6:13

Saꞌ xcꞌabaꞌ li Dios li naqꞌuehoc yuꞌam, la̱in nintzꞌa̱ma cha̱cuu nak ta̱ba̱nu la̱ taklanquil. Ut nintzꞌa̱ma ajcuiꞌ cha̱cuu saꞌ xcꞌabaꞌ li Jesucristo li quichꞌoloban xya̱lal chi ma̱cꞌaꞌ xxiu chiru laj Poncio Pilato.

1 Timoteo 5:21

Joꞌ chiru li Dios, joꞌ chiru li Ka̱cuaꞌ Jesucristo, joꞌ ajcuiꞌ chiruheb li santil ángel, la̱in nintzꞌa̱ma cha̱cuu nak ta̱ba̱nu la̱ taklanquil yo̱quin chixyebal a̱cue. Ut incꞌaꞌ ta̱sicꞌ ru junak. Juntakꞌe̱takeb ban chixjunileb nak ta̱cuileb. Jun xxiquic nak ta̱kꞌuseb li ani cuanqueb xma̱c.

1 Timoteo 1:18

At Timoteo, chanchanat li cualal chicuu nak nacatcuil. Tinqꞌue a̱cue la̱ taklanquil joꞌ queꞌxye li profeta cha̱cuix junxil. Li a̱tin queꞌxye, aꞌan ta̱qꞌuehok xcacuil a̱chꞌo̱l chixba̱nunquil li cꞌanjel qꞌuebil a̱cue. Joꞌcan ut nak yal a̱kꞌe chi cꞌanjelac chiru li Ka̱cuaꞌ.

2 Corintios 7:1

Joꞌcan ut ex inherma̱n, chixjunil aꞌin yechiꞌinbil ke la̱o. Joꞌcan nak chikacanabak chixjunil li ma̱usilal li namuxuc ru li katibel ut li ka̱m. Xban nak nakaxucua ru li Dios chikaqꞌue kachꞌo̱l chi cua̱nc saꞌ santilal.

Ezequiel 48:11

Li naꞌajej aꞌan reheb laj tij li ralal xcꞌajol laj Sadoc li santobresinbileb chi cꞌanjelac chiru li Dios. Junelic queꞌcuan saꞌ ti̱quilal chiru. Incꞌaꞌ queꞌxtzꞌekta̱na li Dios joꞌ queꞌxba̱nu li ralal xcꞌajol laj Leví nak eb laj Israel queꞌxtzꞌekta̱na li Dios.

Ezequiel 43:25

Rajlal cutan ta̱qꞌue jun li chiba̱t te̱lom re xtzꞌa̱manquil xcuybal li ma̱c ut ta̱qꞌue ajcuiꞌ jun li toro ut jun li te̱lom carner li ma̱cꞌaꞌ re̱qꞌueb. Ta̱ba̱nu chi joꞌcan chiru cuukub cutan.

Números 19:12

Saꞌ li rox li cutan ut saꞌ li xcuuk li cutan tento nak tixsantobresi rib riqꞌuin li haꞌ re santobresi̱nc. Abanan cui incꞌaꞌ naxsantobresi rib saꞌ li rox cutan ut saꞌ li xcuuk li cutan, muxbilak ajcuiꞌ ru ta̱cana̱k.

Levítico 14:8

Li ac xqꞌuira tixpuchꞌ li rakꞌ. Tixbes chixjunil li rismal ut ta̱ati̱nk re nak incꞌaꞌ chic muxbilak ru. Ta̱oc cuiꞌchic saꞌ li tenamit, aban incꞌaꞌ ta̱oc chi ticto saꞌ lix muheba̱l. Cuukub cutan ta̱cua̱nk chirix lix muheba̱l.

Levítico 10:1

Eb li ralal laj Aarón, laj Nadab ut laj Abiú, queꞌxqꞌue li xam chi saꞌ li sansar, abanan li xam aꞌan jalan chiru li quixye li Dios. Queꞌxqꞌue ajcuiꞌ li pom ut queꞌxmayeja chiru li Dios. Incꞌaꞌ queꞌxba̱nu joꞌ quixye li Dios.

Levítico 8:30

Chirix aꞌan laj Moisés quixchap caꞌchꞌin li quicꞌ li cuan saꞌ li artal ut quixchap ajcuiꞌ caꞌchꞌin li aceite ut quixrachrachi saꞌ xbe̱n laj Aarón ut chiru li rakꞌ. Quixrachrachi ajcuiꞌ saꞌ xbe̱neb li ralal ut chiru li rakꞌeb. Joꞌcaꞌin nak quixkꞌaxtesi re li Ka̱cuaꞌ laj Aarón ut eb li ralal ut quixkꞌaxtesi re li Ka̱cuaꞌ li rakꞌeb.

Éxodo 29:35

Ba̱nu chi tzꞌakal re ru joꞌ xinye a̱cue nak ta̱xakabeb laj Aarón ut eb li ralal chokꞌ aj tij. Chiru cuukub cutan ta̱ba̱nu li cꞌanjel aꞌin re xxakabanquileb chokꞌ aj tij.

Levítico 8:34

Li Ka̱cuaꞌ quixye nak takaba̱nu chixjunil li xkaba̱nu chiru li cutan aꞌin re xtojbal rix le̱ ma̱c. Ut xkaba̱nu joꞌ quixye ke li Ka̱cuaꞌ.

Levítico 8:36

Ut laj Aarón ut eb li ralal queꞌxba̱nu chixjunil li quiyeheꞌ re laj Moisés xban li Ka̱cuaꞌ.