Levítico 8:3 - Li Santil hu

³ Ta̱chꞌutubeb chixjunileb li tenamit saꞌ li oqueba̱l re li tabernáculo, chan li Ka̱cuaꞌ.

Q'eqchi Bible

³ ut taach'utub'eb' chixjunil li komonil sa' rokeb'aal li Loq'laj Muheb'aal”.

Levítico 8:3 ပူးပေါင်းရင်းမြစ်များ

Hechos 2:1

Saꞌ xkꞌehil li ninkꞌe re li Pentecostés chꞌutchꞌu̱queb chixjunileb laj pa̱banel saꞌ jun chi naꞌajej ut junajeb xchꞌo̱l.

2 Crónicas 30:13

Ut kꞌaxal nabaleb queꞌxchꞌutub ribeb Jerusalén saꞌ li ninkꞌe nak queꞌxcuaꞌ li caxlan cua li ma̱cꞌaꞌ xchꞌamal saꞌ li xcab po.

Salmos 22:25

Chiruheb chixjunileb la̱ cualal a̱cꞌajol tinqꞌue a̱lokꞌal. Ut chiruheb chixjunileb li nacateꞌxlokꞌoni tinqꞌue li xinyechiꞌi a̱cue.

Nehemías 8:1

Saꞌ xcuuk li po eb laj Israel queꞌxchꞌutub ribeb chixjunileb aran Jerusalén saꞌ li neba̱l li cuan chiru li oqueba̱l bar nequeꞌnumeꞌ cuiꞌ li nequeꞌbelan haꞌ. Queꞌxtzꞌa̱ma chiru laj Esdras laj tzꞌi̱b nak tixcꞌam chak li hu li tzꞌi̱banbil cuiꞌ li chakꞌrab li quiqꞌueheꞌ re laj Moisés xban li Dios chokꞌ reheb laj Israel.

2 Crónicas 30:25

Chixjunileb laj Judá li chꞌutchꞌu̱queb aran queꞌsahoꞌ saꞌ xchꞌo̱leb. Joꞌcan ajcuiꞌ eb laj tij ut eb laj levita. Chixjunileb laj Israel li queꞌxchꞌutub ribeb aran ut eb li jalaneb xtenamit li queꞌchal Israel ut eb li cuanqueb Judá queꞌsahoꞌ saꞌ xchꞌo̱leb.

2 Crónicas 30:2

Li rey ac x-a̱tinac riqꞌuineb li nequeꞌtenkꞌan re ut riqꞌuineb li chꞌutchꞌu̱queb aran Jerusalén ut queꞌxcꞌu̱b ru nak teꞌxba̱nu li ninkꞌe saꞌ li xcab po,

2 Crónicas 5:6

Ut li rey ut chixjunileb laj Israel li cuanqueb rochben cuanqueb chi ubej. Yo̱queb chixmayejanquil eb li carner ut eb li bo̱yx. Incꞌaꞌ naru rajlanquileb li xul li queꞌmayeja̱c xban nak kꞌaxal nabaleb.

2 Crónicas 5:2

Ut laj Salomón quixtakla xchꞌutubanquileb aran Jerusalén eb li nequeꞌtaklan saꞌ xbe̱neb laj Israel, ut chixjunileb li nequeꞌjolomin reheb li junju̱nk chi xte̱paleb, joꞌ eb ajcuiꞌ li nequeꞌtaklan saꞌ li junju̱nk cabal. Queꞌxchꞌutub ribeb re nak teꞌrisi Sión saꞌ lix tenamit laj David li Lokꞌlaj Ca̱x, li xocxo cuiꞌ lix contrato li Dios.

1 Crónicas 15:3

Laj David quixchꞌutubeb chixjunileb laj Israel aran Jerusalén re nak teꞌxcꞌam lix Lokꞌlaj Ca̱x li Ka̱cuaꞌ saꞌ li naꞌajej li quixyi̱b laj David.

1 Crónicas 13:5

Joꞌcan nak laj David quixchꞌutubeb chixjunileb laj Israel re nak teꞌxcꞌam Jerusalén lix Lokꞌlaj Ca̱x li Dios li cuan chak saꞌ li tenamit Quiriat-jearim. Quixchꞌutubeb chixjunileb li cuanqueb saꞌ eb li naꞌajej naticla chak cuan cuiꞌ li tenamit Sihor li cuan saꞌ li nuba̱l re li tenamit Egipto ut nacuulac toj saꞌ li oqueba̱l re li tenamit Hamat.

Números 21:16

Nak queꞌel chire li nimaꞌ Arnón, queꞌco̱eb cuan cuiꞌ li becbil haꞌ Beer. Nak cuanqueb cuan cuiꞌ li becbil haꞌ aꞌin li Ka̱cuaꞌ quixye re laj Moisés nak tixchꞌutubeb laj Israel ut tixqꞌue lix haꞌeb, chan.

Números 20:8

—Chap la̱ xukꞌ. La̱at ut laj Aarón te̱chꞌutub ruheb li tenamit. Ut chiruheb chixjunileb ta̱ye re li sako̱nac nak tixqꞌue li haꞌ re teꞌrucꞌ. Ut ta̱cuisi li haꞌ saꞌ li pec ut ta̱qꞌueheb li tenamit chi ucꞌac. Ut teꞌucꞌak ajcuiꞌ lix queto̱mkeb, chan li Ka̱cuaꞌ.

Levítico 8:2

—Ta̱xakabeb laj Aarón ut eb li ralal chi cꞌanjelac chokꞌ aj tij. Ta̱cꞌameb chiru li oqueba̱l re li tabernáculo. Ut ta̱cꞌam ajcuiꞌ li rakꞌeb laj tij ut li aceite re xqꞌuebal saꞌ xjolomeb. Ta̱cꞌam junak li toro li ta̱mayeja̱k re xtzꞌa̱manquil xcuybal lix ma̱queb. Ut ta̱cꞌameb ajcuiꞌ cuib li carner te̱lom ut li chacach li cuan cuiꞌ li caxlan cua li ma̱cꞌaꞌ xchꞌamal.

Levítico 8:4

Ut laj Moisés quixba̱nu joꞌ quiyeheꞌ re xban li Dios. Quixchꞌutubeb li tenamit saꞌ li oqueba̱l re li tabernáculo.

Números 8:9

Ta̱ye reheb laj levitas nak teꞌjilok chiru li tabernáculo ut ta̱chꞌutubeb ajcuiꞌ chixjunileb laj Israel aran.

Levítico 14:11

Laj tij tixcꞌam li jun li xqꞌuira rochben lix mayej saꞌ li oqueba̱l re li tabernáculo.