Levítico 8:23 - Li Santil hu

²³ Laj Moisés quixcamsi li carner. Quixxoc lix quiqꞌuel ut quixqꞌue caꞌchꞌin saꞌ lix xic laj Aarón li cuan saꞌ xnim. Ut quixqꞌue ajcuiꞌ saꞌ li ruꞌuj rukꞌ nim li cuan saꞌ xnim ukꞌ ut saꞌ li ruꞌuj rok nim li cuan saꞌ xnim ok.

Q'eqchi Bible

²³ Toja' naq laj Moisés kixset chi xkux, kixxok kach'in li xkik'el ut kixyul chi rub'el xxik laj Aharón, a' li wank sa' xseeb'al, kixyul ajwi' chiru xna' ru'uj ruq' ut chiru li xna' ru'uj roq, a' li wank sa' xseeb'al.

Levítico 8:23 ပူးပေါင်းရင်းမြစ်များ

Éxodo 29:20

Ta̱camsi li carner ut ta̱qꞌue caꞌchꞌinak lix quiqꞌuel chiru lix xic laj Aarón li cuan saꞌ xnim. Joꞌcan ajcuiꞌ ta̱ba̱nu riqꞌuineb li ralal. Ut joꞌcan ajcuiꞌ ta̱ba̱nu riqꞌuin li ruꞌuj rukꞌeb li nim li cuan saꞌ lix nim ukꞌeb. Ut joꞌcan ajcuiꞌ ta̱ba̱nu riqꞌuin li ruꞌuj rokeb li cuan saꞌ xnim rokeb. Ut li quicꞌ li ta̱elaꞌa̱nk ta̱rachrachi saꞌ li artal joꞌ ajcuiꞌ chixcꞌatk.

Levítico 14:17

Tixchap caꞌchꞌinak li aceite li cuan saꞌ rukꞌ ut tixqꞌue saꞌ lix xic li cuan saꞌ xnim li jun li xqꞌuira. Ut tixqꞌue ajcuiꞌ saꞌ li ruꞌuj rukꞌ nim li cuan saꞌ xnim, ut saꞌ li ruꞌuj rok nim li cuan saꞌ xnim. Tixqꞌue bar quixqꞌue cuiꞌ lix quiqꞌuel li carner li xqꞌueheꞌ re xtojbal rix li ma̱c.

Levítico 14:14

Laj tij tixchap caꞌchꞌinak lix quiqꞌuel li carner ut tixqꞌue saꞌ lix xic li xqꞌuira li cuan saꞌ xnim. Tixqꞌue ajcuiꞌ saꞌ li nimla ruꞌuj rukꞌ, li cuan saꞌ xnim. Ut tixqꞌue ajcuiꞌ saꞌ li nimla ruꞌuj rok li cuan saꞌ xnim.

Filipenses 2:17

Cui tincamsi̱k xban nak xexintenkꞌa saꞌ le̱ pa̱ba̱l, ma̱cꞌaꞌ naxye. Ta̱sahokꞌ saꞌ inchꞌo̱l nak textzꞌako̱nk la̱ex riqꞌuin li sahil chꞌo̱lejil li tincꞌul la̱in.

Filipenses 1:20

Incꞌaꞌ nacuaj xxuta̱nobresinquil cuib riqꞌuin xba̱nunquil li cꞌaꞌak re ru incꞌaꞌ us. Nacuaj ban nak junelic cua̱nk xcacuilal inchꞌo̱l re xyebal resil li Jesucristo. Nacuaj xqꞌuebal xlokꞌal li Cristo anakcuan ut chi junelic riqꞌuin li ninba̱nu ut riqꞌuin ajcuiꞌ lin camic.

1 Corintios 6:20

Lokꞌbilex chic chi terto e̱tzꞌak. Joꞌcan nak ti̱cak le̱ yuꞌam ut chelokꞌoni li Dios xban nak rehex chic.

1 Corintios 1:30

Yal xban rusilal li Dios nak junajex chic riqꞌuin li Jesucristo. Li Jesucristo quixakaba̱c xban li Dios re xqꞌuebal kanaꞌleb. Quixakaba̱c chixti̱cobresinquil li kachꞌo̱l chiru li Dios ut chikasantobresinquil. Ut saꞌ xcꞌabaꞌ li Cristo cuybil sachbil li kama̱c.

1 Corintios 1:2

Yo̱quin chixtzꞌi̱banquil li hu aꞌin e̱riqꞌuin la̱ex aj pa̱banel li cuanquex saꞌ li tenamit Corinto. Santobresinbilex saꞌ xcꞌabaꞌ li Jesucristo ut sicꞌbil e̱ru xban li Dios chokꞌ ralal xcꞌajol. Ut sicꞌbil ajcuiꞌ ruheb chixjunileb li cuanqueb yalak bar li nequeꞌxya̱ba xcꞌabaꞌ li Jesucristo. Aꞌan li kaDios chikajunilo la̱o li nocopa̱ban re.

Romanos 12:1

Ex herma̱n, saꞌ xcꞌabaꞌ xnimal ruxta̱n li Dios nintzꞌa̱ma che̱ru nak chekꞌaxtesi e̱rib rubel rok rukꞌ li Ka̱cuaꞌ joꞌ jun yoꞌyo̱quil mayej santobresinbil xban li Dios, ut chi anchal e̱chꞌo̱l chexcꞌanjelak chiru re nak sahak xchꞌo̱l li Ka̱cuaꞌ e̱riqꞌuin. Ut riqꞌuin xba̱nunquil aꞌan, yo̱kex chixlokꞌoninquil li Dios chi tzꞌakal re ru.

Romanos 6:19

Ninchꞌolob xya̱lal che̱ru riqꞌuin xserakꞌinquil chirix li nakacꞌul arin saꞌ ruchichꞌochꞌ re nak te̱tau ru li ninye. Junxil xekꞌaxtesi e̱rib chixba̱nunquil li joꞌ ma̱joꞌil naꞌleb ut li cꞌaꞌak re ru chi ma̱usilal. Aꞌut anakcuan, chekꞌaxtesihak e̱rib chixba̱nunquil li ti̱quilal re nak texcua̱nk saꞌ santilal chiru li Dios.

Romanos 6:13

Chi moco cheqꞌue e̱rib chixba̱nunquil li ma̱usilal. Chekꞌaxtesi ban e̱rib saꞌ rukꞌ li Dios. Xban nak ac xecꞌul li acꞌ yuꞌam chanchan nak xexcuacli cuiꞌchic chi yoꞌyo saꞌ xya̱nkeb li camenak. Joꞌcan nak cheqꞌue le̱ rok e̱rukꞌ chi cꞌanjelac chiru li Dios re xba̱nunquil li us.

Levítico 14:28

Tixqꞌue li aceite saꞌ lix xic li cuan saꞌ xnim ut tixqꞌue ajcuiꞌ saꞌ li ruꞌuj rukꞌ nim li cuan saꞌ xnim ut saꞌ li ruꞌuj rok nim li cuan saꞌ xnim. Tixba̱nu riqꞌuin li aceite joꞌ quixba̱nu riqꞌuin li quicꞌ re xtojbal rix lix ma̱c li jun li ac xqꞌuira.

Hebreos 5:8

Usta Ralal li Dios li Jesucristo, quixcꞌul ajcuiꞌ li raylal ut quixcꞌut chiku chanru li pa̱ba̱nc riqꞌuin li raylal quixcꞌul.

Hebreos 2:10

Riqꞌuin xcꞌulbal li raylal, li Jesucristo quitzꞌakobresi̱c ru chiru li Dios. Li Ka̱cuaꞌ Dios quiyi̱ban re chixjunil li cꞌaꞌak re ru. Xban aꞌan nak aꞌ li Dios yal re saꞌ xbe̱n. Joꞌcan nak quixtakla chak li Jesucristo chi xcꞌulbal li raylal ut quicam re xtojbal rix li kama̱c. Ut aꞌan ajcuiꞌ laj cꞌamol be chiruheb li ralal xcꞌajol li teꞌtzꞌako̱nk saꞌ lix lokꞌal.

1 Ts 5:22

Ut chetzꞌekta̱na chixjunil li ma̱usilal.

Éxodo 29:21

Ut li quicꞌ li cuan saꞌ li artal ta̱junaji riqꞌuin li aceite li nequeꞌxqꞌue saꞌ xbe̱neb li nequeꞌkꞌaxtesi̱c chi cꞌanjelac chiru li Ka̱cuaꞌ. Ut ta̱rachrachi li quicꞌ rochben li aceite saꞌ xbe̱n laj Aarón ut saꞌ xbe̱neb li ralal, joꞌ ajcuiꞌ chiru li rakꞌeb re nak kꞌaxtesinbilak laj Aarón joꞌqueb ajcuiꞌ li ralal chi cꞌanjelac chicuu, ut re ajcuiꞌ nak kꞌaxtesinbilak li rakꞌeb.

Levítico 7:37

Aꞌan aꞌin li chakꞌrab chirix li cꞌatbil mayej, li mayej cꞌaj, li mayej re xtojbal rix lix ma̱queb, li mayej re xtzꞌa̱manquil xcuybal nak nequeꞌxkꞌet junak reheb li chakꞌrab ut li mayej re xkꞌaxtesinquileb laj tij chi cꞌanjelac chiru li Ka̱cuaꞌ, joꞌ ajcuiꞌ li mayej re xcꞌambal ribeb saꞌ usilal riqꞌuin li Ka̱cuaꞌ.

Levítico 14:25

Tixcamsi li carner li ta̱mayeja̱k re xtojbal rix li ma̱c. Tixqꞌue caꞌchꞌinak lix quiqꞌuel saꞌ lix xic li jun li ac xqꞌuira, li cuan saꞌ xnim. Tixqꞌue ajcuiꞌ saꞌ li ruꞌuj rukꞌ nim ut saꞌ li ruꞌuj rok nim li cuan saꞌ xnim.