Levítico 8:2 - Li Santil hu

² —Ta̱xakabeb laj Aarón ut eb li ralal chi cꞌanjelac chokꞌ aj tij. Ta̱cꞌameb chiru li oqueba̱l re li tabernáculo. Ut ta̱cꞌam ajcuiꞌ li rakꞌeb laj tij ut li aceite re xqꞌuebal saꞌ xjolomeb. Ta̱cꞌam junak li toro li ta̱mayeja̱k re xtzꞌa̱manquil xcuybal lix ma̱queb. Ut ta̱cꞌameb ajcuiꞌ cuib li carner te̱lom ut li chacach li cuan cuiꞌ li caxlan cua li ma̱cꞌaꞌ xchꞌamal.

Q'eqchi Bible

² “B'oq chaq laj Aharón ut eb' li ralal xk'ajol, ut k'am chaq li t'ikr li neke'roksi eb' laj tij, li aseeyt re osob'tesink, junaq saaj wakax li namayejamank chirix li maak, li wiib' chi karneer ut li xchakachil li kaxlan wa maak'a' xyu,

Levítico 8:2 ပူးပေါင်းရင်းမြစ်များ

Hebreos 7:27

Li Jesucristo ma̱cuaꞌ joꞌqueb lix yucuaꞌileb aj tij li queꞌcuan saꞌ xya̱nkeb laj Israel. Eb aꞌan cuulaj cuulaj nequeꞌxmayeja li xul re xtojbal rix lix ma̱queb joꞌ ajcuiꞌ lix ma̱queb li tenamit. Aban li Jesucristo jun sut ajcuiꞌ quixmayeja rib re xtojbal rix li kama̱c.

Éxodo 39:41

Queꞌxkꞌaxtesi ajcuiꞌ li rakꞌeb laj tij li teꞌrocsi nak teꞌoc chi cꞌanjelac saꞌ li tabernáculo. Queꞌxkꞌaxtesi li rakꞌ laj Aarón lix be̱nil aj tij joꞌqueb ajcuiꞌ li rakꞌeb li ralal li teꞌrocsi nak teꞌoc chi cꞌanjelac chokꞌ aj tij.

Éxodo 28:40

Ut te̱yi̱b ajcuiꞌ li túnica ut lix bacꞌbal saꞌ joꞌ ajcuiꞌ li mitra reheb li ralal laj Aarón re xcꞌutbal xlokꞌal li cꞌanjel teꞌxba̱nu.

Éxodo 28:1

Saꞌ xya̱nkeb laj Israel ta̱sicꞌ ru la̱ cuas laj Aarón joꞌqueb ajcuiꞌ li ralal. Aꞌaneb laj Nadab, laj Abiú, laj Eleazar ut laj Itamar. Aꞌaneb li ta̱xakabeb chi cꞌanjelac chicuu chokꞌ aj tij.

Levítico 6:10

Laj tij tixqꞌue li akꞌej lino chirix. Tixqꞌue lix ta lix cue̱x. Nak ac x-osoꞌ xcꞌatic li mayej, ta̱risi li cha li cuan saꞌ xbe̱n li artal ut tixqꞌue chixcꞌatk li artal.

Levítico 8:1

Li Dios quia̱tinac riqꞌuin laj Moisés ut quixye re:

Levítico 8:3

Ta̱chꞌutubeb chixjunileb li tenamit saꞌ li oqueba̱l re li tabernáculo, chan li Ka̱cuaꞌ.

Levítico 8:10

Chirix aꞌan laj Moisés quixqꞌue li aceite chiru li tabernáculo ut chiru ajcuiꞌ chixjunil li cuan chi saꞌ. Joꞌcaꞌin nak quixsantobresi chiru li Ka̱cuaꞌ.

Levítico 8:18

Chirix aꞌan laj Moisés quixcꞌam chak li carner te̱lom li ta̱qꞌuehekꞌ chokꞌ cꞌatbil mayej. Ut laj Aarón ut eb li ralal queꞌxqꞌue li rukꞌ saꞌ xjolom li carner.

Levítico 8:22

Chirix aꞌan laj Moisés quixcꞌam chak li te̱lom carner jun chic li teꞌxmayeja re xxakabanquileb chokꞌ aj tij laj Aarón ut eb li ralal. Ut laj Aarón ut eb li ralal queꞌxqꞌue li rukꞌ saꞌ xjolom li carner.