Levítico 8:15 - Li Santil hu

¹⁵ Ut laj Moisés quixcamsi li toro. Quixxoc lix quiqꞌuel ut riqꞌuin li ruꞌuj rukꞌ quixqꞌue li quicꞌ chiru li xucub li cuanqueb saꞌ xca̱ xucu̱til li artal re xsantobresinquil chiru li Ka̱cuaꞌ. Ut li quicꞌ li joꞌ qꞌuial chic quicana quixhoy saꞌ xto̱n li artal. Joꞌcaꞌin nak quixkꞌaxtesi li artal chiru li Ka̱cuaꞌ li teꞌmayejak cuiꞌ laj tij.

Q'eqchi Bible

¹⁵ Toja' naq laj Moisés kixyok' xkux li saaj wakax, kixxok li xkik'el rik'in ru'uj ruq', kixrachrachi chi xsutam li artal re xch'ajob'resinkil, ut li rela' li kik' kixhoy chi roq li artal. Chi jo'kan li artal kikanaak chi osob'tesinb'il re xtz'aamankil aran li xkuyb'al li maak.

Levítico 8:15 ပူးပေါင်းရင်းမြစ်များ

Levítico 4:7

Chirix aꞌan tixqꞌue caꞌchꞌinak li quicꞌ saꞌ xbe̱n li xucub li cuanqueb saꞌ li artal li nacꞌateꞌ cuiꞌ li sununquil pom chiru li Ka̱cuaꞌ saꞌ li tabernáculo. Li relaꞌ li quicꞌ tixhoy saꞌ xto̱n li artal re li cꞌatbil mayej li cuan saꞌ li oqueba̱l re li tabernáculo.

Hebreos 2:17

Xban nak li Jesucristo quicꞌulun chixtenkꞌanquileb li cuanqueb saꞌ ruchichꞌochꞌ tento nak quitzꞌejcualoꞌ joꞌ eb lix herma̱n. Chi ya̱l nak quitzꞌejcualoꞌ re nak ta̱ruxta̱na ku ut tixtoj rix li kama̱c. Li Jesucristo aꞌan lix yucuaꞌil aj tij chi cꞌanjelac chiru li Dios.

Efesios 2:16

Riqꞌuin lix camic chiru li cruz li Cristo quirisi lix joskꞌinquil kib chi kibil kib ut coxcꞌam cuiꞌchic saꞌ usilal riqꞌuin li Dios ut junaj chic ku.

Romanos 5:10

Nak toj aj ma̱co chak xicꞌ nakil li Dios. Aban li Dios xoxcꞌam saꞌ usilal riqꞌuin saꞌ xcꞌabaꞌ lix camic li Ralal. Ut anakcuan nakanau chic nak cuanco saꞌ usilal riqꞌuin li Dios ut colbilo xban nak li Cristo quicuacli cuiꞌchic chi yoꞌyo.

Daniel 9:24

Laje̱b xca̱cꞌa̱l xama̱n teꞌxcꞌul li raylal li ac tenebanbil saꞌ xbe̱n lix santil tenamit li Dios, joꞌ eb ajcuiꞌ li ralal xcꞌajol re nak teꞌxtoj rix lix ma̱queb ut teꞌxcanab xba̱nunquil li ma̱usilal ut re nak teꞌxcanab xba̱nunquil li ma̱c. Nak ta̱xakaba̱k xcuanquil li ti̱quilal, ta̱cꞌulma̱nk li cꞌaꞌru quicꞌutbesi̱c cha̱cuu joꞌ ajcuiꞌ li queꞌxye li profeta ut li santil templo ta̱xakaba̱k cuiꞌchic.

Ezequiel 45:20

Saꞌ li xcuuk li cutan re li po ta̱qꞌue cuiꞌchic li mayej re xtzꞌa̱manquil xcuybal lix ma̱queb li teꞌma̱cobk chi incꞌaꞌ xeꞌxqꞌue retal ut chi incꞌaꞌ yal queꞌraj xchꞌo̱l. Riqꞌuin aꞌin santobresinbilak li templo.

2 Crónicas 29:24

Ut eb laj tij queꞌxcamsiheb li chiba̱t ut queꞌxqꞌue lix quiqꞌuel saꞌ li artal. Aꞌan li mayej re xtojbal rix lix ma̱queb chixjunileb laj Israel xban nak li rey quixtaklaheb chixcꞌatbal li mayej saꞌ xcꞌabaꞌeb chixjunileb laj Israel.

Levítico 16:20

Nak laj Aarón ta̱rakekꞌ chixsantobresinquil li Lokꞌlaj Santil Naꞌajej ut li tabernáculo joꞌ ajcuiꞌ li artal, tixtakla xcꞌambal li chiba̱t li yoꞌyo.

Levítico 6:30

Incꞌaꞌ naru nequeꞌxtzaca li mayej tib li quicꞌameꞌ lix quiqꞌuel saꞌ li Lokꞌlaj Santil Naꞌajej re xtzꞌa̱manquil xcuybal xma̱queb. Tento nak teꞌxcꞌat chixjunil li mayej aꞌin.

Levítico 4:30

Ut chirix aꞌan laj tij tixcꞌam caꞌchꞌinak li quicꞌ ut riqꞌuin ruꞌuj rukꞌ tixqꞌue li quicꞌ saꞌ xbe̱neb li xucub li cuanqueb saꞌ li artal li nacꞌateꞌ cuiꞌ li mayej. Ut li quicꞌ li ta̱elaꞌa̱nk tixhoy saꞌ xto̱n li artal.

Levítico 3:8

Tixqꞌue li rukꞌ saꞌ lix jolom li xul ut tixcamsi chiru li oqueba̱l re li tabernáculo. Ut laj tij tixrachrachi lix quiqꞌuel saꞌ xbe̱n li artal ut chixjun sutam.

Levítico 3:2

Li ani tixqꞌue lix mayej cuacax, tento nak tixqꞌue li rukꞌ saꞌ xjolom ut tixcamsi saꞌ li oqueba̱l re li tabernáculo. Ut eb laj tij teꞌxrachrachi lix quiqꞌuel saꞌ xbe̱n li artal ut chixjun sutam.

Levítico 1:11

Tixcamsi chiru li Ka̱cuaꞌ chixcꞌatk li artal saꞌ li pacꞌal li nacana saꞌ li norte. Ut eb laj tij teꞌxrachrachi lix quiqꞌuel saꞌ xbe̱n li artal ut chixjun sutam.

Levítico 1:5

Nak tixcamsi li toro toj sa̱j li tixqꞌue chokꞌ cꞌatbil mayej, tixxekꞌ chi chꞌi̱chꞌ lix cux chiru li Ka̱cuaꞌ. Ut laj tij, li ralal laj Aarón, tixxoc lix quiqꞌuel ut tixrachrachi chixjun sutam li artal ut saꞌ xbe̱n li artal li cuan chixcꞌatk li oqueba̱l re li tabernáculo.

Levítico 4:25

Chirix aꞌan, laj tij tixcꞌam caꞌchꞌinak li quicꞌ ut riqꞌuin ruꞌuj rukꞌ tixqꞌue saꞌ xbe̱neb li xucub li cuanqueb saꞌ li artal li nacꞌateꞌ cuiꞌ li mayej. Ut li ta̱elaꞌa̱nk tixhoy saꞌ xto̱n li artal.

Números 8:12

Chirix aꞌan eb laj levitas teꞌxqꞌue li rukꞌeb saꞌ xjolomeb li cuib chi toro toj sa̱jeb. Li jun teꞌxmayeja chicuu re xtzꞌa̱manquil xcuybal xma̱queb ut li jun chic teꞌxqꞌue chokꞌ cꞌatbil mayej re xtojbal rix lix ma̱queb. Joꞌcaꞌin nak queꞌxsantobresiheb laj levita.