Levítico 8:1 - Li Santil hu

¹ Li Dios quia̱tinac riqꞌuin laj Moisés ut quixye re:

Q'eqchi Bible

¹ Li Qaawa' kiraatina laj Moisés ut kixye re:

Levítico 8:1 ပူးပေါင်းရင်းမြစ်များ

Éxodo 28:41

Ta̱qꞌue li rakꞌ chirix laj Aarón la̱ cuas joꞌqueb ajcuiꞌ li ralal. Ut ta̱qꞌue li aceite saꞌ xjolomeb re xxakabanquileb chokꞌ aj tij. Ta̱kꞌaxtesiheb chicuu re nak santobresinbilakeb re teꞌcꞌanjelak chicuu.

Éxodo 29:1

Aꞌan aꞌin li ta̱ba̱nu nak ta̱kꞌaxtesiheb ut ta̱xakabeb chi cꞌanjelac chicuu chokꞌ aj tij: Ta̱sicꞌ jun li toro toj sa̱j ut cuib li carner te̱lom li cha̱bileb. Ma̱cꞌaꞌak xyajeleb.

Éxodo 29:9

Ut ta̱qꞌue lix bacꞌbal xsaꞌeb laj Aarón joꞌqueb ajcuiꞌ li ralal ut ta̱qꞌue lix mitra saꞌ xjolomeb. Riqꞌuin aꞌan kꞌaxtesinbilakeb chi cꞌanjelac chicuu chokꞌ aj tij chi junelic.

Éxodo 40:12

Tojoꞌnak ta̱cꞌameb laj Aarón rochbeneb li ralal chiru li oqueba̱l re li tabernáculo. Ut aran ta̱chꞌajeb riqꞌuin haꞌ.

Levítico 7:38

Li Ka̱cuaꞌ quixqꞌue li chakꞌrab aꞌin re laj Moisés saꞌ li tzu̱l Sinaí nak cuanqueb saꞌ li chaki chꞌochꞌ. Quixqꞌue reheb saꞌ li cutan nak quixye reheb laj Israel nak teꞌmayejak chiru.

Levítico 8:2

—Ta̱xakabeb laj Aarón ut eb li ralal chi cꞌanjelac chokꞌ aj tij. Ta̱cꞌameb chiru li oqueba̱l re li tabernáculo. Ut ta̱cꞌam ajcuiꞌ li rakꞌeb laj tij ut li aceite re xqꞌuebal saꞌ xjolomeb. Ta̱cꞌam junak li toro li ta̱mayeja̱k re xtzꞌa̱manquil xcuybal lix ma̱queb. Ut ta̱cꞌameb ajcuiꞌ cuib li carner te̱lom ut li chacach li cuan cuiꞌ li caxlan cua li ma̱cꞌaꞌ xchꞌamal.

Salmos 99:6

Laj Moisés ut laj Aarón queꞌcꞌanjelac chiru li Ka̱cuaꞌ chokꞌ aj tij. Ut laj Samuel quitijoc chiru. Eb aꞌan queꞌxtzꞌa̱ma xtenkꞌanquil chiru li Ka̱cuaꞌ ut aꞌan quixsume lix tijeb.

Éxodo 28:1

Saꞌ xya̱nkeb laj Israel ta̱sicꞌ ru la̱ cuas laj Aarón joꞌqueb ajcuiꞌ li ralal. Aꞌaneb laj Nadab, laj Abiú, laj Eleazar ut laj Itamar. Aꞌaneb li ta̱xakabeb chi cꞌanjelac chicuu chokꞌ aj tij.

Éxodo 29:29

Li rakꞌ li ta̱qꞌuehekꞌ chirix laj Aarón nak ta̱xakaba̱k chokꞌ aj tij, aꞌan ajcuiꞌ ta̱kꞌaxtesi̱k cuiꞌchic reheb li ralal xcꞌajol re teꞌxqꞌue chirixeb nak teꞌxakaba̱k mokon chokꞌ aj tij chicuu la̱in li Dios.

Éxodo 39:32

Joꞌcaꞌin nak queꞌrakeꞌ xyi̱banquil chixjunil li cꞌaꞌru ta̱cꞌanjelak re xyi̱banquil li tabernáculo. Eb laj Israel queꞌxba̱nu chixjunil chi tzꞌakal re ru joꞌ quiyeheꞌ re laj Moisés xban li Ka̱cuaꞌ.

Números 3:3

Aꞌaneb aꞌin lix cꞌabaꞌeb li ralal laj Aarón, li sicꞌbil ruheb chi cꞌanjelac chokꞌ aj tij. Quiqꞌueheꞌ li aceite saꞌ xjolomeb nak queꞌxakaba̱c chi cꞌanjelac chokꞌ aj tij.

1 Crónicas 6:49

Laj Aarón ut eb li ralal xcꞌajol queꞌxcꞌat li incienso ut queꞌxcꞌat ajcuiꞌ li mayej saꞌ xbe̱n li artal li quicꞌateꞌ cuiꞌ li cꞌatbil mayej. Aꞌaneb li queꞌcꞌanjelac saꞌ li Lokꞌlaj Santil Naꞌajej. Queꞌxqꞌue li mayej re xtzꞌa̱manquil xcuybal xma̱queb laj Israel chiru li Ka̱cuaꞌ. Queꞌxba̱nu chixjunil joꞌ chanru quiyeheꞌ re laj Moisés xban li Ka̱cuaꞌ.