Levítico 7:8 - Li Santil hu

⁸ Lix tzꞌu̱mal li xul aꞌan ta̱cana̱k chokꞌ re laj tij li ta̱qꞌuehok re li cꞌatbil mayej saꞌ xcꞌabaꞌeb li tenamit.

Q'eqchi Bible

⁸ Jo'kan ajwi' li xtz'uumal li xul nayeechi'imank cho'q k'atb'il mayej xb'aan anihaq, taakanaaq cho'q re laj tij li taaq'axtesinq re li mayej.

Levítico 7:8 ပူးပေါင်းရင်းမြစ်များ

Romanos 13:14

Kakꞌaxtesihak ban kib chi tzꞌakal rubel rok rukꞌ li Ka̱cuaꞌ Jesucristo re nak aꞌan chic ta̱tenkꞌa̱nk ke riqꞌuin lix nimal xcuanquil. Ut incꞌaꞌ chic takaba̱nu li ma̱usilal li naxrahi ru li kachꞌo̱l nak toj ma̱jiꞌ nakapa̱b li Cristo.

Números 19:5

Ta̱cꞌatekꞌ chiru laj tij chixjunil li cuacax, joꞌ lix tzꞌu̱mal, lix tibel, lix quiqꞌuel ut lix cꞌamcꞌot.

Levítico 4:11

Tixcꞌam lix tzꞌu̱mal li toro, lix tibel, lix jolom, li rok, lix cꞌamcꞌot ut lix cꞌot.

Levítico 1:6

Nak tixqꞌue lix cꞌatbil mayej, ta̱risi lix tzꞌu̱mal li cuacax ut tixseti lix tibel.

Éxodo 29:14

Abanan lix tibel li toro ut lix cꞌot ut lix tzꞌu̱mal te̱cꞌam jun pacꞌal li tꞌicr li sutsu cuiꞌ li tabernáculo, ut aran te̱cꞌat. Aꞌan li mayej re xtzꞌa̱manquil xcuybal xma̱queb laj Israel.

Génesis 3:21

Ut li Ka̱cuaꞌ Dios quixyi̱b rakꞌ li cui̱nk ut li ixk riqꞌuin rix xul ut quixtikibeb.

Levítico 7:7

Juntakꞌe̱t lix chakꞌrabinquileb chirix xqꞌuebal li mayej li nequeꞌxqꞌue re xtzꞌa̱manquil xcuybal xma̱queb riqꞌuin li mayej li nequeꞌxqꞌue nak nequeꞌxkꞌet lix chakꞌrab li Dios. Laj tij li ta̱cꞌatok reheb li mayej aꞌin, aꞌan ta̱tzꞌak li tib aꞌin.

Levítico 7:9

Joꞌcan ajcuiꞌ li mayej caxlan cua li nachakꞌa̱c saꞌ horno, ut li nayaloꞌ saꞌ xartin joꞌ ajcuiꞌ li naqꞌuili̱c, aꞌan re laj tij li ta̱cꞌatok re li mayej.

Deuteronomio 18:8

Juntakꞌe̱t xqꞌuial li cꞌaꞌru teꞌxcꞌul riqꞌuin li nequeꞌxcꞌul li jun chꞌol chic laj levita, usta cuan cꞌaꞌru xeꞌre̱chani riqꞌuin lix yucuaꞌeb.