Levítico 7:6 - Li Santil hu

⁶ Eb laj tij ut eb li ralal naru nequeꞌtzacan re li mayej aꞌin. Tento nak teꞌxtzaca saꞌ li naꞌajej santo xban nak aꞌan jun li mayej santobresinbil.

Q'eqchi Bible

⁶ ut chixjunileb' laj tij naru te'xtzeka, ab'an sa' junaq osob'tesinb'il na'ajej, xb'aan naq li k'a'aq re ru a'in, jwal loq'.

Levítico 7:6 ပူးပေါင်းရင်းမြစ်များ

Levítico 6:29

Li mayej aꞌin santobresinbil. Caꞌaj cuiꞌ eb laj tij ut eb li ralal naru nequeꞌtzacan re.

Levítico 2:3

Ut li joꞌ qꞌuial chic li mayej cꞌaj li ta̱cana̱k, aꞌan ta̱qꞌuehekꞌ re laj Aarón ut reheb li ralal. Li cꞌaj aꞌan santobresinbil chic xban li ac xcꞌatman chokꞌ mayej chiru li Ka̱cuaꞌ.

1 Corintios 9:13

¿Ma incꞌaꞌ ta biꞌ nequenau nak eb laj judío li nequeꞌcꞌanjelac saꞌ rochoch li Dios, tento ajcuiꞌ nak nequeꞌtzꞌak li cꞌaꞌru namayeja̱c saꞌ rochoch li Dios? Aꞌan naraj naxye nak eb li nequeꞌcꞌanjelac saꞌ li artal nequeꞌtzꞌak ajcuiꞌ lix tibel li mayejanbil xul.

1 Corintios 10:18

Cheqꞌue retal laj Israel. Eb aꞌan queꞌxtzaca li tib li queꞌxmayeja chiru li Dios. Aꞌan retalil nak cuanqueb chi sum a̱tin riqꞌuin li Dios.

Levítico 7:5

Laj tij tixcꞌat chixjunil aꞌin saꞌ li artal. Aꞌanak jun li cꞌatbil mayej chiru li Ka̱cuaꞌ re xtzꞌa̱manquil xcuybal lix ma̱queb xban nak xeꞌxkꞌet li chakꞌrab.

Ezequiel 42:13

Li cui̱nk quixye cue: —Eb li cocꞌ naꞌajej li cuanqueb saꞌ li norte joꞌ ajcuiꞌ li cuanqueb saꞌ li sur chiru li neba̱l, aꞌaneb lix naꞌajeb laj tij. Aran teꞌxcuaꞌ li tib li teꞌxmayeja chiru li Ka̱cuaꞌ. Aran teꞌxqꞌue li mayej li kꞌaxal lokꞌ joꞌ li mayej re li xbe̱n ru li acui̱mk, li mayej re xpatzꞌbal xcuybal xma̱queb ut li mayej re xtojbal rix lix ma̱queb. Teꞌxqꞌue aran xban nak li naꞌajej aꞌan santo.

Hageo 2:12

Cui junak aj tij tixcꞌam li mayejanbil tib saꞌ lix tꞌicr ut cui lix tꞌicr ta̱nak saꞌ xbe̱n li caxlan cua, malaj ut saꞌ li vino, malaj ut saꞌ li aceite, malaj ut saꞌ xbe̱n cꞌaꞌ chic re ru chi tzacae̱mk, ¿ma santobresinbilak chic ta̱cana̱k li tzacae̱mk li quinak cuiꞌ? chan. Ut eb laj tij queꞌchakꞌoc ut queꞌxye nak incꞌaꞌ.

Levítico 6:11

Chirix aꞌan ta̱risi li akꞌej lino chirix ut tixqꞌue jalan chic li rakꞌ chirix. Ut tixcꞌam li cha chirix li naꞌajej li cuanqueb cuiꞌ lix muheba̱leb li tenamit saꞌ li naꞌajej li incꞌaꞌ muxbil.

Levítico 21:22

Naru nequeꞌxtzaca li mayej caxlan cua li kꞌaxal lokꞌ ut li cꞌaꞌak re ru li santobresinbil,