Levítico 7:5 - Li Santil hu

⁵ Laj tij tixcꞌat chixjunil aꞌin saꞌ li artal. Aꞌanak jun li cꞌatbil mayej chiru li Ka̱cuaꞌ re xtzꞌa̱manquil xcuybal lix ma̱queb xban nak xeꞌxkꞌet li chakꞌrab.

Q'eqchi Bible

⁵ Chirix chik a'an laj tij tixk'at a'in sa' xb'een li artal, jo' k'atb'il mayej sa' xk'ab'a' li Qaawa'. A'an jun mayej chirix li maak,

Levítico 7:5 ပူးပေါင်းရင်းမြစ်များ

Gálatas 5:24

Li ani re chic li Jesucristo, chanchan nak quiqꞌueheꞌ chiru cruz lix najter naꞌleb xban nak ac xcanab xba̱nunquil chi junaj cua li najter naꞌleb li quixrahi ru xba̱nunquil junxil.

Gálatas 2:20

Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.

Levítico 3:16

Laj tij tixcꞌat chixjunil aꞌin saꞌ li artal. Li tzacae̱mk aꞌin, aꞌanak jun li sununquil mayej ta̱cuulak chiru li Ka̱cuaꞌ. Chixjunil li xe̱b re li Ka̱cuaꞌ.

Levítico 2:16

Ut laj tij tixcꞌat caꞌchꞌinak li ru li acui̱mk, li tenbil rochben li aceite ut li incienso. Aꞌanak jun li cꞌatbil mayej chiru li Ka̱cuaꞌ.

Levítico 2:9

Laj tij tixchap caꞌchꞌinak li caxlan cua ut tixcꞌat saꞌ xbe̱n li artal chokꞌ retalil nak kꞌaxtesinbil re li Ka̱cuaꞌ lix comon li mayej. Ut li mayej aꞌan, aꞌanak jun sununquil mayej chiru li Ka̱cuaꞌ.

Levítico 2:2

Chirix aꞌan tixcꞌam riqꞌuineb laj tij. Aꞌaneb li ralal xcꞌajol laj Aarón. Jun reheb laj tij tixchap jun mo̱chꞌ li cha̱bil cꞌaj rochben aceite ut incienso, ut tixcꞌat saꞌ xbe̱n li artal chokꞌ mayej chiru li Ka̱cuaꞌ. Aꞌan retalil nak chixjunil li cꞌaj kꞌaxtesinbil re li Dios. Li mayej li ta̱cꞌatk, aꞌanak jun sununquil mayej chiru li Ka̱cuaꞌ.

Levítico 1:13

Li tixqꞌue xcꞌatbil mayej tixchꞌaj lix cꞌamcꞌot ut li raꞌ li xul. Ut laj tij tixmayeja chiru li Ka̱cuaꞌ ut tixqꞌue chixjunil saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ.

Levítico 1:9

Tixchꞌaj li cꞌamcꞌot ut li raꞌ li xul. Ut laj tij tixqꞌue chixjunil saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ.

Levítico 5:7

Cui incꞌaꞌ tzꞌakal lix tumin re xlokꞌbal junak li sa̱j carner re xtzꞌa̱manquil xcuybal lix ma̱c chiru li Dios, tento nak tixqꞌue cuibak li mucuy malaj ut cuibak li paloma toj sa̱jeb. Jun tixqꞌue re xtojbal rix lix ma̱c ut jun tixqꞌue re ta̱cꞌatekꞌ.

Levítico 7:4

Teꞌxqꞌue ajcuiꞌ lix que̱nkꞌ cuib ut lix xe̱bul ut teꞌxqꞌue ajcuiꞌ li xe̱b li cuan chixcꞌatk xsaꞌ. Ut teꞌxqꞌue ajcuiꞌ li xe̱b li letzlo chiru lix chꞌochꞌ.

Levítico 7:6

Eb laj tij ut eb li ralal naru nequeꞌtzacan re li mayej aꞌin. Tento nak teꞌxtzaca saꞌ li naꞌajej santo xban nak aꞌan jun li mayej santobresinbil.

Levítico 3:3

Li mayej re xcꞌambal rib saꞌ usilal riqꞌuin li Dios, aꞌan jun cꞌatbil mayej. Nak tixqꞌue li mayej aꞌan, tixqꞌue lix xe̱bul li cꞌamcꞌot ut chixjunil li xe̱b li cuan chi saꞌ.