Levítico 7:34 - Li Santil hu

³⁴ La̱in xinyehoc re nak laj Aarón laj tij ut eb li ralal teꞌxcꞌul li re xchꞌo̱l ut li rukꞌ li xul li teꞌxmayeja eb laj Israel re xcꞌambaleb rib saꞌ usilal riqꞌuin li Dios. Aꞌan jun chakꞌrab teꞌxba̱nu chi junelic, chan li Dios.

Q'eqchi Bible

³⁴ xb'aan naq li mayej re k'amok ib' sa' usilal, li neke'xk'e we eb' laj Israel, laa'in xinra li re xmaqab' cho'q chaab'il mayej, ut li ra' xink'uula jo' jun tenq'aal, ut xink'e re laj Aharón ut reheb' li ralal xk'ajol. A'an a'in jun chaq'rab' wank xwankil chi junelik”.

Levítico 7:34 ပူးပေါင်းရင်းမြစ်များ

Deuteronomio 18:3

Nak eb laj levita teꞌxqꞌue jun li bo̱yx malaj ut jun li carner li toj sa̱j re lix cꞌatbil mayej, eb laj tij teꞌxcꞌul lix tel, lix ca̱lam re, ut lix puj.

Levítico 3:17

Incꞌaꞌ te̱tzaca lix xe̱bul li xul chi moco lix quiqꞌuel. Aꞌin jun li chakꞌrab cua̱nk xcuanquil junelic. Yalak bar cua̱nkex la̱ex li naꞌbej yucuaꞌbej te̱ba̱nu li chakꞌrab aꞌin, joꞌ eb ajcuiꞌ le̱ ralal e̱cꞌajol li teꞌcua̱nk mokon.

Éxodo 29:9

Ut ta̱qꞌue lix bacꞌbal xsaꞌeb laj Aarón joꞌqueb ajcuiꞌ li ralal ut ta̱qꞌue lix mitra saꞌ xjolomeb. Riqꞌuin aꞌan kꞌaxtesinbilakeb chi cꞌanjelac chicuu chokꞌ aj tij chi junelic.

Éxodo 29:26

Ta̱chap ajcuiꞌ li re xchꞌo̱l li carner ut te̱taksi re xkꞌaxtesinquil laj Aarón chokꞌ aj tij chicuu. Nak acak xexrakeꞌ xmayejanquil ta̱cana̱k chokꞌ a̱cue li tib aꞌan.

Levítico 7:33

Teꞌxqꞌue li rukꞌ li cuan saꞌ xnim re laj tij li ta̱cꞌatok re li xe̱b ut ta̱mayeja̱nk re lix quiqꞌuel li xul re xcꞌambaleb rib saꞌ usilal riqꞌuin li Dios.

Números 5:9

Chixjunileb li lokꞌlaj mayej li nequeꞌxqꞌue re li Ka̱cuaꞌ eb laj Israel teꞌcana̱k chokꞌ reheb laj tij li teꞌcꞌuluk re li mayej.

Números 8:11

Ut laj Aarón tixkꞌaxtesiheb laj levita chicuu chokꞌ xmayejeb laj Israel re teꞌcꞌanjelak chicuu.

Números 6:20

Chirix aꞌan laj tij tixchap cuiꞌchic li mayej ut tixtaksiheb saꞌ rukꞌ chiru li Ka̱cuaꞌ. Aꞌan jun li mayej santo ut re laj tij rochben li re xchꞌo̱l ut li rukꞌ jun chic. Chirix aꞌan laj nazareo ta̱ru̱k ta̱rucꞌ cuiꞌchic li vino.