Levítico 7:30 - Li Santil hu

³⁰ Nak tixcꞌam lix mayej li ta̱cꞌatma̱nk, riqꞌuin rukꞌ aꞌan tixtaksi li xe̱b ut li re xchꞌo̱l li xul chiru li artal re xkꞌaxtesinquil chiru li Ka̱cuaꞌ.

Q'eqchi Bible

³⁰ Rik'in ruq' tento tixk'am toj chiru li Qaawa' li k'atb'il mayej, li xmaqab' jo'wi' li xeeb' li lanlo wi' xmaqab' li xul, re xninq'ehinkil li xq'axtesinkil, chiru li Qaawa'.

Levítico 7:30 ပူးပေါင်းရင်းမြစ်များ

Números 6:20

Chirix aꞌan laj tij tixchap cuiꞌchic li mayej ut tixtaksiheb saꞌ rukꞌ chiru li Ka̱cuaꞌ. Aꞌan jun li mayej santo ut re laj tij rochben li re xchꞌo̱l ut li rukꞌ jun chic. Chirix aꞌan laj nazareo ta̱ru̱k ta̱rucꞌ cuiꞌchic li vino.

Levítico 3:14

Nak tixqꞌue li cꞌatbil mayej aꞌin chiru li Ka̱cuaꞌ, tixqꞌue lix xe̱bul li cꞌamcꞌot ut tixqꞌue ajcuiꞌ li xe̱b li cuan chi saꞌ.

Levítico 3:9

Li mayej re xcꞌambal rib saꞌ usilal riqꞌuin li Ka̱cuaꞌ Dios, aꞌan jun cꞌatbil mayej. Tixqꞌue li xe̱b ut tixqꞌue lix ye chi jun. Tixyocꞌ toj saꞌ xto̱nal ut tixqꞌue ajcuiꞌ lix xe̱bul chixjunil li cꞌamcꞌot joꞌ ajcuiꞌ li cuan chi saꞌ.

2 Corintios 8:12

Li ani na-ala saꞌ xchꞌo̱l xqꞌuebal xmayej, li Dios naxcꞌul lix mayej aꞌ yal joꞌ nimal cuan chiru. Li Dios incꞌaꞌ naxpatzꞌ li ma̱cꞌaꞌ chiru.

San Juan 10:18

Ma̱ ani ta̱qꞌuehok cue chi camsi̱c cui incꞌaꞌ nacuaj la̱in. Xban nak la̱in nacuaj, tinkꞌaxtesi cuib chi camsi̱c. Cuan incuanquil chixkꞌaxtesinquil lin yuꞌam. Ut cuan ajcuiꞌ incuanquil chixcꞌulbal cuiꞌchic lin yuꞌam. Aꞌan aꞌin li quixye cue lin Yucuaꞌ nak tento tinba̱nu, chan li Jesús.

Salmos 110:3

Nak la̱at cua̱nkat saꞌ la̱ cuanquil, eb la̱ tenamit teꞌxic saꞌ la̱ santil naꞌaj ut teꞌxyechiꞌi ribeb chi cꞌanjelac cha̱cuu. Li Dios tixqꞌue a̱metzꞌe̱u rajlal joꞌ nak natꞌaneꞌ li xchuꞌque rajlal ekꞌela. Ut chanchanakat jun li sa̱j cui̱nk.

Levítico 9:21

Laj Aarón quixtaksi saꞌ rukꞌ chiru li Ka̱cuaꞌ li re xchꞌo̱l ut li rukꞌ li xul li cuan saꞌ xnim joꞌ quiyeheꞌ re xban laj Moisés.

Levítico 8:27

Chixjunil aꞌin laj Moisés quixqꞌue saꞌ rukꞌ laj Aarón ut saꞌ rukꞌ eb li ralal. Ut laj Aarón ut eb li ralal queꞌxtaksi saꞌ rukꞌeb chiru li Ka̱cuaꞌ chokꞌ xmayejeb.

Levítico 8:29

Ut laj Moisés quixchap li re xchꞌo̱l li carner li ta̱tzꞌak aꞌan ut quixtaksi saꞌ rukꞌ chiru li Ka̱cuaꞌ chokꞌ xmayej. Quixba̱nu joꞌ quiyeheꞌ re xban li Ka̱cuaꞌ.

Levítico 10:14

La̱ex ut eb le̱ ralal e̱cꞌajol naru te̱tzaca li re xchꞌo̱l ut li rukꞌ li quitaksi̱c chiru li Ka̱cuaꞌ. Te̱tiu saꞌ jun li naꞌajej santo. Aꞌan li textzꞌak la̱ex nak eb laj Israel teꞌxqꞌue lix mayej re xcꞌambaleb rib saꞌ usilal riqꞌuin li Dios.

Números 8:11

Ut laj Aarón tixkꞌaxtesiheb laj levita chicuu chokꞌ xmayejeb laj Israel re teꞌcꞌanjelak chicuu.

Levítico 9:20

Eb li ralal laj Aarón queꞌxqꞌue li xe̱b saꞌ xbe̱n li re xchꞌo̱l. Ut laj Aarón quixqꞌue li xe̱b saꞌ xbe̱n li artal ut quixcꞌat.

Levítico 10:15

Riqꞌuin lix xe̱bul li mayej li nacꞌatman te̱cꞌam li re xchꞌo̱l ut li rukꞌ li teꞌxtaksi saꞌ rukꞌeb chiru li Ka̱cuaꞌ. Rajlal te̱cꞌul aꞌin chokꞌ e̱re ut reheb le̱ ralal e̱cꞌajol joꞌ quixye li Ka̱cuaꞌ.

Deuteronomio 18:3

Nak eb laj levita teꞌxqꞌue jun li bo̱yx malaj ut jun li carner li toj sa̱j re lix cꞌatbil mayej, eb laj tij teꞌxcꞌul lix tel, lix ca̱lam re, ut lix puj.