Levítico 7:20 - Li Santil hu

²⁰ Cui junak tixmux rib ut tixtiu li tib li quimayeja̱c chiru li Dios re xcꞌambal rib saꞌ usilal riqꞌuin li Dios, li jun aꞌan ta̱isi̱k saꞌ xya̱nkeb li rech aj Israelil.

Q'eqchi Bible

²⁰ “Ab'anan wi junaq poyanam xmuxum rib' ut tixtzeka xtib'el li mayej re li k'amok ib' sa' usilal li ak q'axtesinb'il chiru li Qaawa', li poyanam a'an taa'isiiq sa' li xtenamit.

Levítico 7:20 ပူးပေါင်းရင်းမြစ်များ

1 Corintios 11:28

Joꞌcan ut li junju̱nk tento tixqꞌue retal ma ti̱c lix yuꞌam saꞌ lix pa̱ba̱l nak toj ma̱jiꞌ naxcꞌul li caxlan cua ut li ucꞌa.

Génesis 17:14

Cui junak cui̱nk incꞌaꞌ tixcꞌul li circuncisión, aꞌan tzꞌekta̱nanbilak xban nak aꞌan xkꞌet lin chakꞌrab, chan li Dios.

Éxodo 30:33

Cui ani tixyi̱b jun chic li aceite joꞌ aꞌin, li jun aꞌan ta̱isi̱k saꞌ xya̱nkeb laj Israel. Ut cui ani tixqꞌue saꞌ xbe̱n junak li ma̱cuaꞌ aj tij, aꞌan ta̱isi̱k ajcuiꞌ saꞌ xya̱nkeb laj Israel.

Levítico 7:19

Ut cui li tib nanak chiru li muxbil ru, incꞌaꞌ naru ta̱tzaca̱k. Tento ban xcꞌatbal. Abanan li tib li incꞌaꞌ muxbil ru naru teꞌxtzaca li incꞌaꞌ queꞌxmux ribeb.

Levítico 7:25

Li ani tixtiu lix xe̱bul li xul li quicꞌateꞌ chokꞌ mayej chiru li Dios, li jun aꞌan ta̱isi̱k saꞌ xya̱nkeb li rech aj Israelil.

Números 19:13

Yalak ani li ta̱chꞌeꞌok re junak camenak ut incꞌaꞌ tixsantobresi rib, li jun aꞌan tixmux ru lix tabernáculo li Ka̱cuaꞌ. Tento nak ta̱isi̱k saꞌ xya̱nkeb laj Israel. Muxbil ru ta̱cana̱k xban nak incꞌaꞌ quirachrachi̱c li haꞌ saꞌ xbe̱n re santobresi̱c.

1 Samuel 20:26

Saꞌ xbe̱n li cutan ma̱cꞌaꞌ quixye laj Saúl. Saꞌ xchꞌo̱l aꞌan nak laj David quixba̱nu cꞌaꞌak re ru incꞌaꞌ us ut incꞌaꞌ quixsantobresi rib re ta̱ru̱k ta̱cuaꞌak saꞌ li ninkꞌe. Joꞌcan nak ma̱cꞌaꞌ quixye.

Éxodo 30:38

Cui ani tixyi̱b junak chic incienso joꞌ aꞌin yal re ta̱rutzꞌ, li jun aꞌan ta̱isi̱k saꞌ xya̱nkeb laj Israel.

Levítico 7:27

Cui ani tixtzaca lix quiqꞌuel li xul, li jun aꞌan ta̱isi̱k saꞌ xya̱nkeb li rech aj Israelil.

Levítico 18:29

Li ani tixba̱nu eb li ma̱usilal aꞌin ta̱isi̱k saꞌ xya̱nkeb laj Israel.

Levítico 19:8

Li ani ta̱tzaca̱nk re li tib saꞌ rox li cutan, li jun aꞌan cua̱nk xma̱c xban nak xmux ru li kꞌaxtesinbil cue la̱in. Ut li jun aꞌan ta̱isi̱k saꞌ xya̱nkeb lin tenamit Israel.

Levítico 20:3

La̱in tinjoskꞌokꞌ saꞌ xbe̱n li cui̱nk li tixqꞌue li ralal xcꞌajol chokꞌ xmayej re xlokꞌoninquil li yi̱banbil dios Moloc. Riqꞌuin aꞌan teꞌxmux ru lin tabernáculo ut teꞌxmux ajcuiꞌ ru lin santil cꞌabaꞌ. Cui teꞌxba̱nu chi joꞌcan, la̱in tincuisiheb saꞌ xya̱nkeb laj Israel.

Levítico 23:29

Li ani incꞌaꞌ tixba̱nu lix ayu̱n saꞌ li cutan aꞌan, li jun aꞌan ta̱isi̱k saꞌ xya̱nkeb laj Israel.

Ezequiel 33:25

Ta̱ye reheb nak la̱in li nimajcual Dios ninye: La̱ex nequetiu li tib rochben lix quiqꞌuel. Ut nequelokꞌoni li jalanil dios ut nequexcamsin. ¿Ma naru ta biꞌ te̱re̱chani li naꞌajej aꞌin cui toj yo̱quex chixba̱nunquil li ma̱usilal?