Ut aran te̱cꞌam le̱ mayej xul ut te̱camsi ut te̱cꞌat re xqꞌuebal xlokꞌal li Ka̱cuaꞌ. Ut te̱cꞌam ajcuiꞌ le̱ mayej li junju̱nk saꞌ xlaje̱tkil joꞌ ajcuiꞌ li mayej li na-ala saꞌ e̱chꞌo̱l xqꞌuebal. Te̱cꞌam ajcuiꞌ le̱ mayej li ac xeyechiꞌi re li Ka̱cuaꞌ. Ut aran ajcuiꞌ te̱mayeja li xbe̱n ral le̱ cuacax ut li xbe̱n ral le̱ carner.
Levítico 7:16 - Li Santil hu16 Abanan cui tixqꞌue lix mayej yal xban nak qui-ala saꞌ xchꞌo̱l xqꞌuebal, malaj ut xban nak cuan cꞌaꞌru quixyechiꞌi re li Ka̱cuaꞌ nak tixba̱nu, ta̱tzaca̱k li tib saꞌ li cutan nak ta̱qꞌuehekꞌ lix mayej. Ut li joꞌ qꞌuial na-elaꞌan naru xtzacanquil saꞌ li cutan jun chic. အခန်းကိုကြည့်ပါ။Q'eqchi Bible16 Wi li xul taaq'axtesimanq yal re xpaab'ankil junaq yeechi'om re li Qaawa', malaj ut xb'aan naq x'alaak sa' xch'ool junaq poyanam xk'eeb'al, tento xtzekankil sa' xkutankil li mayejak, ut li taa'ela'anq, naru xtzekankil wulajaq. အခန်းကိုကြည့်ပါ။ |
Levítico 7:16
17 ပူးပေါင်းရင်းမြစ်များ
Yo̱ chak chi cha̱lc saꞌ xbe̱n li tzu̱l li taklanbil chak li yo̱ chak chi cꞌamoc re li cha̱bil esilal chirix li tuktu̱quil usilal. Anakcuan ba̱nuhomak le̱ ninkꞌe joꞌ cꞌaynakex xba̱nunquil la̱ex aj Judá ut ba̱nuhomak li cꞌaꞌru xeyechiꞌi re li Dios xban nak incꞌaꞌ chic teꞌnumta̱k saꞌ e̱be̱n li xicꞌ nequeꞌiloc e̱re. Xeꞌsacheꞌ ruheb chi junaj cua.
Nak li rey ta̱ala̱k saꞌ xchꞌo̱l xqꞌuebal xcꞌatbil mayej malaj ut li mayej re xcꞌambal rib saꞌ usilal riqꞌuin li Dios, ta̱tehekꞌ li oqueba̱l li cuan saꞌ li este. Ut tixqꞌue lix cꞌatbil mayej ut lix mayej re xcꞌambal rib saꞌ usilal riqꞌuin li Dios joꞌ naxba̱nu saꞌ li hiloba̱l cutan. Ut li puerta ta̱tzꞌapekꞌ cuiꞌchic nak acak x-el.
Abanan li mayej li nequeqꞌue chiru li Ka̱cuaꞌ incꞌaꞌ naru te̱tzaca saꞌ le̱ tenamit, joꞌ li junju̱nk saꞌ xlaje̱tkil li ru le̱ racui̱mk, ut le̱ vino, ut le̱ aceite, joꞌ ajcuiꞌ li xbe̱n ral le̱ cuacax, ut li xbe̱n ral le̱ carner. Ut incꞌaꞌ naru te̱tzaca saꞌ le̱ tenamit li mayej li nequeqꞌue nak nequeyechiꞌi re li Dios xba̱nunquil li cꞌaꞌak re ru, ut li mayej li na-ala saꞌ e̱chꞌo̱l xqꞌuebal, joꞌ ajcuiꞌ li mayej li nequetaksi chiru li Ka̱cuaꞌ saꞌ le̱ rukꞌ.
Li Ka̱cuaꞌ le̱ Dios tixsicꞌ ru jun li naꞌajej li ta̱lokꞌoni̱k cuiꞌ. Ut la̱ex te̱cꞌam aran le̱ mayej li te̱qꞌue re li Ka̱cuaꞌ. Te̱cꞌam aran le̱ cꞌatbil mayej ut li mayej li junju̱nk saꞌ xlaje̱tkil, ut li mayej li na-ala saꞌ e̱chꞌo̱l xqꞌuebal, joꞌ ajcuiꞌ li mayej li te̱qꞌue nak nequeyechiꞌi xba̱nunquil li cꞌaꞌak re ru re li Ka̱cuaꞌ Dios.
Te̱qꞌue li cꞌatbil mayej chicuu la̱in li Ka̱cuaꞌ. Te̱sicꞌ ru jun li toro malaj ut junak carner ut te̱cꞌat re xqꞌuebal inlokꞌal ut lix bo̱c ta̱cuulak chicuu joꞌ jun sununquil mayej. Te̱ba̱nu chi joꞌcan re nak ta̱tzꞌaklok ru li xeyechiꞌi cue, malaj ut chokꞌ re le̱ mayej li na-ala saꞌ e̱chꞌo̱l xqꞌuebal, malaj ut chokꞌ re le̱ ninkꞌe re inlokꞌoninquil, chan li Ka̱cuaꞌ.
ကြော်ငြာတွေ