Levítico 7:12 - Li Santil hu

¹² Li ani tixqꞌue lix mayej re xbantioxinquil chiru li Ka̱cuaꞌ tixqꞌue li caxlan cua li ma̱cꞌaꞌ xchꞌamal junajinbil riqꞌuin aceite, malaj ut tixqꞌue ajcuiꞌ li caxlan cua chi jay li ma̱cꞌaꞌ xchꞌamal ut tixqꞌue aceite saꞌ xbe̱n. Tixqꞌue ajcuiꞌ li caxlan cua yi̱banbil riqꞌuin cha̱bil cꞌaj, yokꞌinbil chi us ut junajinbil riqꞌuin aceite.

Q'eqchi Bible

¹² Wi li mayej naq'axtesimank re b'anyoxink, taayeechi'imanq ajwi' pixtun chi maak'a'aq xyu ut puq'b'ilaq rik'in aseeyt, jayil k'orech chi maak'a'aq xyu yulb'ilaq rik'in aseeyt, ut pixtun yiib'anb'ilaq rik'in chaab'il k'aj triiw, puq'b'ilaq rik'in aseeyt.

Levítico 7:12 ပူးပေါင်းရင်းမြစ်များ

Números 6:15

Tixcꞌam ajcuiꞌ li mayej cꞌaj ut li mayej vino ut jun chacach li caxlan cua li ma̱cꞌaꞌ xchꞌamal ut yi̱banbilak riqꞌuin li cha̱bil cꞌaj ut junajinbilak riqꞌuin aceite. Ut yulbilak li aceite chiruheb li caxlan cua.

Levítico 2:4

Cui tixmayeja li caxlan cua li yi̱banbil saꞌ horno, tento nak yi̱banbilak riqꞌuin cha̱bil cꞌaj, ut tento nak ma̱cꞌaꞌak xchꞌamal. Naru tixmayeja li caxlan cua li pim, li yokꞌinbil riqꞌuin li cha̱bil aceite oliva, malaj ut naru tixmayeja li caxlan cua, sursu ut jay, li yulbil riqꞌuin aceite oliva.

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

Hebreos 13:15

Joꞌcan ut junelic chikalokꞌonihak li Dios saꞌ xcꞌabaꞌ li Jesucristo, ut chikanima̱k ru. Cui takaba̱nu chi joꞌcan, aꞌan li kamayej chiru li Dios.

Efesios 5:20

Ut junelic chexbantioxi̱nk chiru li Acuabej Dios saꞌ xcꞌabaꞌ li Ka̱cuaꞌ Jesucristo riqꞌuin chixjunil li cꞌaꞌru nequecꞌul.

Romanos 1:21

Nequeꞌxnau nak cuan li Dios, aban incꞌaꞌ queꞌxqꞌue xlokꞌal chi moco queꞌbantioxin chiru. Caꞌaj cuiꞌ li joꞌ ma̱joꞌil naꞌleb nequeꞌxcꞌoxla ut xban aꞌan nak quikꞌojyi̱noꞌ ru lix cꞌaꞌuxeb.

San Lucas 17:18

¿Ma caꞌaj cuiꞌ li jun aꞌin li ma̱cuaꞌ aj judío xsukꞌi chixlokꞌoninquil li Dios? chan.

San Lucas 17:16

Quixcuikꞌib rib chiru li Jesús ut quixbantioxi chiru. Li cui̱nk aꞌan aj Samaria.

Oseas 14:2

Chexsukꞌi̱k cuiꞌchic riqꞌuin li Ka̱cuaꞌ ut joꞌcaꞌin te̱ye re: —Chacuy chasach taxak li kama̱c. Chasume taxak li katij. Li kamayej li takaqꞌue a̱cue, aꞌan la̱ lokꞌoninquil.

Salmos 116:17

La̱in tinya̱ba lix cꞌabaꞌ li nimajcual Dios ut tinmayejak re xbantioxinquil chiru.

Salmos 107:8

Cheꞌxlokꞌonihak taxak li nimajcual Dios xban nak nim li ruxta̱n ut xban li sachba chꞌo̱lej li naxba̱nu re xcolbaleb li ralal xcꞌajol.

Jeremías 33:11

Ta̱abima̱nk cuiꞌchic xya̱b xcuxeb li yo̱queb chixjapbal reheb xban xsahil xchꞌo̱leb. Ta̱abima̱nk nak yo̱keb chi sahokꞌ saꞌ xchꞌo̱leb li yo̱queb chi ninkꞌei̱c saꞌ li sumla̱c. Ta̱abi̱k ajcuiꞌ xya̱b xcuxeb nak yo̱keb chixlokꞌoninquil li Dios ut nequeꞌxye: Lokꞌoninbil taxak li Ka̱cuaꞌ li nimajcual Dios xban nak aꞌan cha̱bil ut kꞌaxal nim li ruxta̱n saꞌ kabe̱n junelic. Ta̱abi̱k ajcuiꞌ xya̱b xcuxeb nak yo̱keb chixcꞌambal lix mayejeb re bantioxi̱nc saꞌ lix templo li Ka̱cuaꞌ. Tebinqꞌue cuiꞌchic chi sukꞌi̱c saꞌ lix naꞌajeb eb li queꞌcꞌameꞌ chi pre̱xil ut teꞌcua̱nk cuiꞌchic joꞌ nak queꞌcuan junxil.

Salmos 50:23

Li bantioxi̱nc chicuu, aꞌan li mayej li naxqꞌue inlokꞌal. Relic chi ya̱l la̱in tincolok reheb li nequeꞌxba̱nu li cꞌaꞌru ninye.—

Nehemías 12:43

Nabaleb li xul xkamayeja saꞌ li cutan aꞌan. Cꞌajoꞌ nak quisahoꞌ saꞌ kachꞌo̱l xban nak li Dios quixqꞌue jun sahil chꞌo̱lejil ke. Eb li ixk ut eb li cocꞌal queꞌsahoꞌ ajcuiꞌ saꞌ xchꞌo̱leb. Ut toj chi najt qui-abi̱c chak nak cꞌajoꞌ xsahil saꞌ kachꞌo̱l Jerusalén.

2 Crónicas 33:16

Chirix aꞌan quixyi̱b cuiꞌchic lix artal li Dios. Saꞌ xbe̱n li artal aꞌan quixqꞌue li cꞌatbil mayej re xcꞌambaleb rib saꞌ usilal riqꞌuin li Dios ut re bantioxi̱nc. Quixye reheb li cuanqueb Judá nak teꞌcꞌanjelak chiru li Ka̱cuaꞌ lix Dioseb laj Israel.

2 Crónicas 29:31

Ut li rey Ezequías quixye reheb: —La̱ex ac xesantobresi e̱rib chiru li Ka̱cuaꞌ. Anakcuan naru te̱cꞌam saꞌ li templo li xul re te̱mayeja joꞌ ajcuiꞌ li mayej re bantioxi̱nc chiru li Ka̱cuaꞌ, chan. Ut li qꞌuila tenamit li chꞌutchꞌu̱queb aran queꞌxqꞌue li xul re teꞌxmayeja joꞌ ajcuiꞌ li mayej re bantioxi̱nc chiru li Dios. Ut eb li qui-ala saꞌ xchꞌo̱leb queꞌxcꞌat lix mayej chiru li Ka̱cuaꞌ.

Levítico 22:29

Nak texmayejak re bantioxi̱nc chiru li Ka̱cuaꞌ, te̱ba̱nu joꞌ naxye li chakꞌrab re nak ta̱cꞌulekꞌ le̱ mayej.

Levítico 7:15

Nak teꞌmayejak re xcꞌambaleb rib saꞌ usilal riqꞌuin li Ka̱cuaꞌ re bantioxi̱nc, tento nak teꞌxchoy xtzacanquil lix tibel li xul li teꞌxmayeja chiru li cutan aꞌan. Incꞌaꞌ naru xxocbal chokꞌ re li cutan jun chic.

Levítico 6:16

Ut li joꞌ qꞌuial chic li mayej li ta̱elaꞌa̱nk, teꞌxtzaca laj Aarón ut eb li ralal chi ma̱cꞌaꞌ xchꞌamal. Teꞌxtzaca saꞌ jun li naꞌajej lokꞌ. Teꞌxtzaca chiru li neba̱l li cuan chiru li Santil Naꞌajej.

Levítico 2:5

Cui tixmayeja li caxlan cua yi̱banbil saꞌ qꞌuil tento nak ta̱yi̱ba̱k riqꞌuin li cha̱bil cꞌaj yokꞌinbil riqꞌuin aceite oliva, abanan ma̱cꞌaꞌak xchꞌamal.

Amós 4:5

Ayukex. Chemayeja le̱ caxlan cua li cuan xchꞌamal ut yehomak resil li joꞌ qꞌuial xemayeja xban nak aꞌan li nacuulac che̱ru xba̱nunquil, la̱ex aj Israel, chan li Ka̱cuaꞌ Dios.