Levítico 7:11 - Li Santil hu

¹¹ Aꞌan aꞌin li chakꞌrab chirix li mayej li nequeꞌxqꞌue re xcꞌambal ribeb saꞌ usilal riqꞌuin li Ka̱cuaꞌ Dios:

Q'eqchi Bible

¹¹ “A'an a'in li chaq'rab' chirix li mayej re li k'amok ib' sa' usilal rik'in li Yos, a' li naq'axtesimank chiru li Qaawa':

Levítico 7:11 ပူးပေါင်းရင်းမြစ်များ

Ezequiel 45:15

Li caꞌcab ciento le̱ carner te̱qꞌue junju̱nk chokꞌ e̱mayej. Te̱qꞌue li ni̱nk xtibel li xeꞌqꞌuiresi̱c Israel. Te̱kꞌaxtesiheb chokꞌ e̱cꞌatbil mayej ut re xcꞌambal e̱rib saꞌ usilal riqꞌuin li Dios ut re ajcuiꞌ xtzꞌa̱manquil xcuybal le̱ ma̱c, chan li nimajcual Dios.

Levítico 7:10

Chixjunil li mayej cꞌaj joꞌ li yokꞌinbil riqꞌuin aceite joꞌ ajcuiꞌ li chaki, aꞌan reheb li ralal xcꞌajol laj Aarón. Juntakꞌe̱t teꞌxcꞌul li junju̱nk.

Números 7:23

ut cuib li bo̱yx ut o̱b li te̱lom carner, o̱b li te̱lom chiba̱t, o̱b li te̱lom carner jun chihab cuan reheb re teꞌmayeja̱k re xcꞌambaleb rib saꞌ usilal riqꞌuin li Dios. Aꞌin li mayej li quixqꞌue laj Natanael li ralal laj Zuar.

2 Crónicas 33:16

Chirix aꞌan quixyi̱b cuiꞌchic lix artal li Dios. Saꞌ xbe̱n li artal aꞌan quixqꞌue li cꞌatbil mayej re xcꞌambaleb rib saꞌ usilal riqꞌuin li Dios ut re bantioxi̱nc. Quixye reheb li cuanqueb Judá nak teꞌcꞌanjelak chiru li Ka̱cuaꞌ lix Dioseb laj Israel.

Proverbios 7:14

—La̱in quinyechiꞌi nak tinqꞌue inmayej re xcꞌambal cuib saꞌ usilal riqꞌuin li Dios. Ut anakcuan xinqꞌue lin mayej xinyechiꞌi.

Amós 5:22

Usta nequemayeja li cꞌatbil xul re xqꞌuebal inlokꞌal ut nequemayeja li ru le̱ trigo, abanan incꞌaꞌ nacuulac chicuu. Usta te̱mayeja li ral li cuacax, li nim xtibel re xcꞌambal cuiꞌchic e̱rib saꞌ usilal cuiqꞌuin, abanan la̱in incꞌaꞌ tincꞌul.

Levítico 7:29

—Ta̱ye reheb laj Israel nak li ani tixqꞌue lix mayej re xcꞌambal rib saꞌ usilal riqꞌuin li Ka̱cuaꞌ, tento nak aꞌan tixcꞌam lix mayej chiru li Ka̱cuaꞌ.

Levítico 19:6

Tento xtzacanquil li tib saꞌ li cutan nak xcamsi̱c li xul ut saꞌ li xcab li cutan. Ut li joꞌ qꞌuial chic ta̱cana̱k re li rox cutan, tento xcꞌatbal.

Levítico 22:29

Nak texmayejak re bantioxi̱nc chiru li Ka̱cuaꞌ, te̱ba̱nu joꞌ naxye li chakꞌrab re nak ta̱cꞌulekꞌ le̱ mayej.

2 Crónicas 29:31

Ut li rey Ezequías quixye reheb: —La̱ex ac xesantobresi e̱rib chiru li Ka̱cuaꞌ. Anakcuan naru te̱cꞌam saꞌ li templo li xul re te̱mayeja joꞌ ajcuiꞌ li mayej re bantioxi̱nc chiru li Ka̱cuaꞌ, chan. Ut li qꞌuila tenamit li chꞌutchꞌu̱queb aran queꞌxqꞌue li xul re teꞌxmayeja joꞌ ajcuiꞌ li mayej re bantioxi̱nc chiru li Dios. Ut eb li qui-ala saꞌ xchꞌo̱leb queꞌxcꞌat lix mayej chiru li Ka̱cuaꞌ.