Levítico 6:5 - Li Santil hu

⁵ Tixkꞌaxtesi chixjunil li joꞌ qꞌuial quixcꞌul riqꞌuin balakꞌi̱nc ut tixtoj ajcuiꞌ ral li tumin. Tixtoj ju̱nk may ral li ju̱nk ciento re chixjunil li quirelkꞌa. Tixkꞌaxtesi chixjunil li cꞌaꞌak re ru aꞌin saꞌ li cutan nak ta̱mayejak chiru li Dios re xtojbal rix li ma̱c li quixba̱nu.

Q'eqchi Bible

⁵ malaj li k'a'aq chik re ru li xtik'ti'ik wi'. Tento naq tixq'ajsi chixjunil re laj eechal re, ut tixk'e chik junqmay sa' xb'een li o'taqk'aal, naq jo'q'e tixq'axtesi li xmayej chirix li xmaak.

Levítico 6:5 ပူးပေါင်းရင်းမြစ်များ

Levítico 5:16

Tento nak tixtoj li mayej li joꞌ qꞌuial chic incꞌaꞌ xqꞌue ut tixtoj ajcuiꞌ li ju̱nk may ral li ju̱nk ciento (20%) li incꞌaꞌ quixtoj. Tixqꞌue re laj tij ut laj tij tixmayeja li carner re xtojbal rix lix ma̱c li cui̱nk li quiqꞌuehoc re li mayej. Ut ta̱cuyekꞌ lix ma̱c.

San Lucas 19:8

Nak yo̱queb chi cuaꞌac, laj Zaqueo quixakli chiru li Jesús ut quixye re: —Ka̱cuaꞌ, chalen anakcuan jalan chic tinba̱nu. Yijach lin jun cablal tinsi reheb li nebaꞌ. Ut cui cuan anihak xcuelkꞌa cꞌaꞌru re, ca̱hib cua chic xqꞌuial li re̱kaj tinqꞌue, chan.

2 Samuel 12:6

Tento nak tixtoj ca̱hib sut xqꞌuial xtzꞌak li carner li quixcamsi. Kꞌaxal yibru li quixba̱nu xban nak incꞌaꞌ quiril xtokꞌoba̱l ru li cui̱nk nebaꞌ, chan laj David.

1 Samuel 12:3

Xakxo̱quin che̱ru anakcuan. Yehomak cue lix ya̱lal chiru li Ka̱cuaꞌ Dios ut chiru ajcuiꞌ li rey li quixsicꞌ ru chi cꞌamoc be che̱ru. ¿Ma cuan junak xinmakꞌ xbo̱yx? ¿Ma cuan junak xinmakꞌ xbu̱r? ¿Ma cuan junak xincuelkꞌa cꞌaꞌru re? ¿Ma cuan junak xinrahobtesi? ¿Ma xinqꞌue cuib chi tumina̱c re nak incꞌaꞌ tinye li ya̱l? Cui cuan li incꞌaꞌ us xinba̱nu, yehomak cue anakcuan re nak naru tinyi̱b ru li incꞌaꞌ us xinba̱nu, chan.

Éxodo 22:9

Riqꞌuin chixjunil li chꞌaꞌajquilal joꞌcaꞌin, usta chirix bo̱yx, malaj bu̱r, malaj carner, malaj tꞌicr, malaj chirix cꞌaꞌak chic re ru qui-elkꞌa̱c, cui junak tixye: “aꞌin cue la̱in”, tento nak teꞌxic xcabichaleb riqꞌuin laj rakol a̱tin re nak ta̱tzꞌilekꞌ a̱tin chirixeb. Ut laj rakol a̱tin tixye ani cuan xma̱c. Li ani cuan xma̱c, aꞌan ta̱tojok re li jun chic cuib sut xqꞌuial li quisach.

Isaías 58:9

Cui te̱tzꞌa̱ma e̱tenkꞌanquil cue, la̱in texintenkꞌa. Nak te̱ya̱ba lin cꞌabaꞌ, la̱in tinye e̱re, “Cueꞌquin re texintenkꞌa.” Abanan tento nak te̱canab xba̱nunquil raylal reheb le̱ ras e̱ri̱tzꞌin ut te̱canab xkꞌabanquileb. Ut incꞌaꞌ tex-a̱tinak chi ma̱cꞌaꞌ rajbal.

Isaías 58:6

Li ayunic li nacuulac chicuu la̱in, aꞌan aꞌin: te̱canab xba̱nunquil li ma̱usilal reheb li nequeꞌcꞌanjelac che̱ru. Chanchan nak te̱tꞌup li cadena li bacꞌbo̱queb cuiꞌ nak te̱canabeb chi xic. Chanchan nak te̱risi li i̱k cuan saꞌ xbe̱neb nak te̱canab xrahobtesinquileb.

Éxodo 22:7

Cui ani tixqꞌue tumin malaj li cꞌaꞌak chic re ru terto xtzꞌak chi xoquecꞌ riqꞌuin junak li ras ri̱tzꞌin ut li ani ta̱xocok re ta̱elkꞌa̱k chiru saꞌ li rochoch, cui teꞌxtau laj e̱lkꞌ, tento tixtoj cuib sut xqꞌuial chiru li ac xrelkꞌa.

Éxodo 22:4

Ut cui teꞌxtau li xul chi yoꞌyo riqꞌuin, li ac xrelkꞌa usta bo̱yx, malaj ut bu̱r, malaj ut carner, tento tixqꞌue re̱kaj cuib sut xqꞌuial chiru li ac xrelkꞌa.

Éxodo 22:1

Cui ani ta̱relkꞌa junak bo̱yx malaj ut junak carner, ut tixcamsi malaj ut tixcꞌayi, aꞌan tento nak tixqꞌue o̱b chi bo̱yx chokꞌ re̱kaj li jun li xrelkꞌa malaj ut tixqꞌue ca̱hib chi carner chokꞌ re̱kaj li jun li xrelkꞌa.

Ezequiel 33:15

Ta̱cua̱nk xyuꞌam cui tixkꞌaxtesi li prenda li quixcꞌul nak quixqꞌue chi toꞌ li tumin, ut cui tixkꞌaxtesi li cꞌaꞌru quirelkꞌa ut cui tixba̱nu li cꞌaꞌru naxye saꞌ li chakꞌrab li naqꞌuehoc yuꞌam. Cui tixcanab xba̱nunquil li ma̱usilal, relic chi ya̱l ta̱cua̱nk xyuꞌam. Incꞌaꞌ ta̱ca̱mk.

Éxodo 30:7

Rajlal ekꞌela nak ta̱oc laj Aarón chixyi̱banquil li candil, tixcꞌat li sununquil incienso saꞌ xbe̱n li artal aꞌan.

Nehemías 10:35

Ut kacꞌu̱b ajcuiꞌ ru nak rajlal chihab takacꞌam li xbe̱n ru li kacui̱mk saꞌ lix templo li Ka̱cuaꞌ joꞌ ajcuiꞌ li xbe̱n ru li cheꞌ li naloꞌeꞌ.