Levítico 6:4 - Li Santil hu

⁴ Cui junak nama̱cob riqꞌuin xba̱nunquil li ma̱c aꞌin, tento nak tixqꞌue re̱kaj li quirelkꞌa, malaj ut tixkꞌaxtesi li quixcꞌu̱la junxil, malaj ut tixkꞌaxtesi li quixxoc chi tzꞌektzꞌo li incꞌaꞌ quixcꞌut.

Q'eqchi Bible

⁴ li poyanam a'an wanq xmaak. Jo'kan naq tento tixq'ajsi li k'aru relq'ahom malaj li xmaq'ahom sa' josq'il, malaj ut li k'aru k'eeb'il chixk'uula, malaj ut li k'a'aq re ru kixtaw,

Levítico 6:4 ပူးပေါင်းရင်းမြစ်များ

Sofonías 1:9

Saꞌeb li cutan aꞌan tinqꞌueheb ajcuiꞌ chixtojbal xma̱queb li nequeꞌoc chi piscꞌonbil saꞌ li rochocheb lix dioseb joꞌ ajcuiꞌ li nequeꞌxtu̱b saꞌ rochocheb lix dioseb li nequeꞌrelkꞌa chak riqꞌuin balakꞌi̱nc.

Miqueas 2:2

Nequeꞌxrahi ru li chꞌochꞌ jalan aj e toj retal nequeꞌxmakꞌ chiruheb. Ut nequeꞌxmakꞌ li rochocheb ut nequeꞌxcꞌam chokꞌ reheb. Nequeꞌxrahobtesi laj e̱chal re joꞌqueb ajcuiꞌ li ralal xcꞌajol ut nequeꞌxcꞌam chixjunil li cꞌaꞌru cuan reheb.

Amós 3:10

Joꞌcaꞌin quixye li Ka̱cuaꞌ: —Incꞌaꞌ nequeꞌxnau xba̱nunquil li ti̱quilal. Nujenak lix palacio riqꞌuin li cꞌaꞌak re ru nequeꞌrelkꞌa riqꞌuin pletic ut numtajenak li ma̱usilal nequeꞌxba̱nu.

Ezequiel 18:18

Li yucuaꞌbej ta̱ca̱mk xban li ma̱c li quixba̱nu nak quixmakꞌ chiru li ras ri̱tzꞌin li cꞌaꞌru cuan reheb ut qui-elkꞌa̱c. Quixba̱nu li ma̱usilal reheb li ras ri̱tzꞌin.

Ezequiel 18:12

Ma̱re naxrahobtesiheb li nebaꞌ ut li tenkꞌa̱c teꞌraj ut na-elkꞌa̱c. Incꞌaꞌ naxkꞌaxtesi li cꞌaꞌru quiqꞌueheꞌ re chokꞌ prenda. Naxlokꞌoniheb li jalanil dios ut naxba̱nu li ma̱usilal.

Ezequiel 18:7

Ma̱ ani naxrahobtesi chi moco na-elkꞌac. Naxkꞌaxtesi li nequeꞌxcanab riqꞌuin chokꞌ xprenda li ani natoꞌonin. Naxqꞌue xtzacae̱mk li ta̱tzꞌoca̱k ut naxqꞌue rakꞌ li ma̱cꞌaꞌ rakꞌ.

Isaías 59:6

Lix quem aj am ma̱cꞌaꞌ na-oc cuiꞌ. Moco naru ta nayi̱baman li tꞌicr riqꞌuin, chi moco naru ta nacꞌanjelac che̱ru re te̱tzꞌap e̱rib riqꞌuin. Joꞌcan ajcuiꞌ la̱ex. Ma̱cꞌaꞌ nequex-oc cuiꞌ. Junes ma̱usilal ut rahobtesi̱nc nequeba̱nu.

Li xHu LAJ JOB 24:2

Eb li incꞌaꞌ useb xnaꞌleb nequeꞌxjal li nuba̱l reheb li chꞌochꞌ ut nequeꞌrelkꞌa li carner re jalan re nak ta̱cua̱nk nabal reheb.

Li xHu LAJ JOB 20:19

Quixrahobtesiheb li nebaꞌ ut quixmakꞌ chiruheb li cꞌaꞌru cuan reheb. Quixmakꞌ chiruheb li rochocheb incꞌaꞌ quixcꞌanjela.

Génesis 21:25

Ut laj Abraham quijitoc chiru laj Abimelec chirix jun li becbil haꞌ. Quixye re nak li becbil haꞌ aꞌan quimakꞌeꞌ chiru xbaneb lix mo̱s laj Abimelec.

Levítico 24:18

Ut li ani tixcamsi junak reheb lix queto̱mk li ras ri̱tzꞌin, tento nak tixqꞌue re̱kaj li xul li xcamsi.

Levítico 24:21

Li ani tixcamsi junak xul, tento tixqꞌue re̱kaj li xul li xcamsi. Ut li ani tixcamsi ras ri̱tzꞌin, tento nak ta̱camsi̱k aꞌan.

Números 5:7

Tento nak li jun aꞌan tixxo̱to lix ma̱c chiru li Dios ut tixtoj chiru li ras ri̱tzꞌin li incꞌaꞌ us li quixba̱nu ut tixqꞌue ajcuiꞌ ral li tumin. Ju̱nk may ral li ju̱nk ciento (20%) tixqꞌue re chixjunil.

Ezequiel 33:15

Ta̱cua̱nk xyuꞌam cui tixkꞌaxtesi li prenda li quixcꞌul nak quixqꞌue chi toꞌ li tumin, ut cui tixkꞌaxtesi li cꞌaꞌru quirelkꞌa ut cui tixba̱nu li cꞌaꞌru naxye saꞌ li chakꞌrab li naqꞌuehoc yuꞌam. Cui tixcanab xba̱nunquil li ma̱usilal, relic chi ya̱l ta̱cua̱nk xyuꞌam. Incꞌaꞌ ta̱ca̱mk.

Malaquías 1:13

La̱ex nequeye, “Xotitzꞌ chi mayejac chiru li Ka̱cuaꞌ.” La̱ex niquine̱tzꞌekta̱na. Nequecꞌam chak li xul li elkꞌanbil malaj ut li ye̱k rok, malaj ut li xul yaj ut nequemayeja saꞌ lin artal. ¿Ma tincꞌul ta biꞌ chi sa saꞌ inchꞌo̱l li mayej aꞌan?

Levítico 4:12

Chixjunil li relaꞌ li chꞌina toro tixcꞌam chirix li naꞌajej li cuanqueb cuiꞌ lix muheba̱leb li tenamit. Ut aran saꞌ li naꞌajej li moco muxbil ta tixcꞌat chixjunil saꞌ li naꞌajej li naqꞌueman cuiꞌ li cha.

Nehemías 5:11

Ut nintzꞌa̱ma ajcuiꞌ che̱ru nak anakcuan ajcuiꞌ te̱kꞌaxtesi cuiꞌchic reheb lix chꞌochꞌeb, li racui̱mkeb uvas ut olivos, joꞌ ajcuiꞌ li rochocheb. Ut te̱kꞌaxtesi ajcuiꞌ reheb li ral li tumin li ac xecꞌul joꞌ ajcuiꞌ li trigo, li aceite ut li uvas li ac xecꞌul.—

Ezequiel 44:19

Teꞌrisi li rakꞌ li cuan chirixeb nak xeꞌcꞌanjelac saꞌ li templo nak toj ma̱jiꞌ nequeꞌxic saꞌ li neba̱l li cuanqueb cuiꞌ li tenamit. Teꞌxcanab li rakꞌ li teꞌrisi chi saꞌ li templo saꞌ eb li naꞌajej santo. Teꞌxqꞌue jalan rakꞌeb chirix re nak incꞌaꞌ teꞌxsantobresi li tenamit riqꞌuin li rakꞌeb.