Levítico 6:29 - Li Santil hu

²⁹ Li mayej aꞌin santobresinbil. Caꞌaj cuiꞌ eb laj tij ut eb li ralal naru nequeꞌtzacan re.

Q'eqchi Bible

²⁹ “Li mayej a'in, a'an jwal loq'. Ka'ajwi' eb' laj tij naru te'tzekanq b'ayaq re.

Levítico 6:29 ပူးပေါင်းရင်းမြစ်များ

Números 18:10

La̱ex aj tij saꞌ li tabernáculo te̱tzaca li mayej aꞌin. Ut la̱ex li textzaca̱nk re, te̱qꞌue retal nak santo li tzacae̱mk aꞌin.

Levítico 6:25

—Ta̱ye re laj Aarón ut eb li ralal: Aꞌan aꞌin li chakꞌrab chirix li mayej li teꞌxqꞌue re xtzꞌa̱manquil xcuybal li ma̱c. Li xul li teꞌxqꞌue chokꞌ xmayej teꞌxcamsi chiru li Ka̱cuaꞌ saꞌ li naꞌajej li nequeꞌxcamsi cuiꞌ li xul li nequeꞌxqꞌue chokꞌ cꞌatbil mayej. Li mayej aꞌin, aꞌan santobresinbil.

Levítico 6:26

Li mayej li tixqꞌue laj tij re xtzꞌa̱manquil xcuybal xma̱queb, aꞌan ta̱ru̱k tixtzaca li tib aꞌan. Tento nak tixtzaca saꞌ li naꞌajej santo saꞌ li neba̱l re li tabernáculo.

Levítico 7:6

Eb laj tij ut eb li ralal naru nequeꞌtzacan re li mayej aꞌin. Tento nak teꞌxtzaca saꞌ li naꞌajej santo xban nak aꞌan jun li mayej santobresinbil.

Ezequiel 42:13

Li cui̱nk quixye cue: —Eb li cocꞌ naꞌajej li cuanqueb saꞌ li norte joꞌ ajcuiꞌ li cuanqueb saꞌ li sur chiru li neba̱l, aꞌaneb lix naꞌajeb laj tij. Aran teꞌxcuaꞌ li tib li teꞌxmayeja chiru li Ka̱cuaꞌ. Aran teꞌxqꞌue li mayej li kꞌaxal lokꞌ joꞌ li mayej re li xbe̱n ru li acui̱mk, li mayej re xpatzꞌbal xcuybal xma̱queb ut li mayej re xtojbal rix lix ma̱queb. Teꞌxqꞌue aran xban nak li naꞌajej aꞌan santo.

Hageo 2:12

Cui junak aj tij tixcꞌam li mayejanbil tib saꞌ lix tꞌicr ut cui lix tꞌicr ta̱nak saꞌ xbe̱n li caxlan cua, malaj ut saꞌ li vino, malaj ut saꞌ li aceite, malaj ut saꞌ xbe̱n cꞌaꞌ chic re ru chi tzacae̱mk, ¿ma santobresinbilak chic ta̱cana̱k li tzacae̱mk li quinak cuiꞌ? chan. Ut eb laj tij queꞌchakꞌoc ut queꞌxye nak incꞌaꞌ.