Levítico 6:27 - Li Santil hu

²⁷ Cui li tib aꞌin ta̱nak saꞌ xbe̱n cꞌaꞌak re ru, santobresinbil chic ta̱cana̱k li cꞌaꞌak re ru ta̱nak cuiꞌ. Ut cui li quicꞌ ta̱nak chiru li rakꞌeb tento nak teꞌxpuchꞌ saꞌ junak naꞌajej santo.

Q'eqchi Bible

²⁷ Yalaq k'aru taach'e'oq re xtib'el li xul taakanaaq chi osob'tesinb'il. Ut wi li aq'ej taanaq kik' chiru, tento taapuch'manq sa' junaq santil na'ajej.

Levítico 6:27 ပူးပေါင်းရင်းမြစ်များ

Éxodo 29:37

Cuukub cutan texmayejak saꞌ xbe̱n li artal. Joꞌcaꞌin nak te̱santobresi li artal chicuu. Ut aꞌanak jun santil artal ut chixjunil li te̱qꞌue saꞌ xbe̱n li artal, aꞌan santobresinbilak chic.

2 Corintios 7:11

Qꞌuehomak retal chanru nak xextenkꞌa̱c xban nak xecuy li raylal joꞌ naraj li Dios. Quixqꞌue xcacuil e̱chꞌo̱l saꞌ le̱ pa̱ba̱l. Anakcuan nequeraj rilbal cuu ut nequeraj xpatzꞌbal xcuybal le̱ ma̱c. Nachal chic e̱joskꞌil ut e̱xiu xban li incꞌaꞌ us li nequeꞌxba̱nu li cuanqueb saꞌ e̱ya̱nk. Nequeraj nak laj ma̱c teꞌxtoj rix lix ma̱queb. Riqꞌuin chixjunil aꞌin nacꞌutun nak la̱ex ma̱cꞌaꞌ e̱ma̱c riqꞌuin li cꞌaꞌru quicꞌulman.

2 Corintios 7:1

Joꞌcan ut ex inherma̱n, chixjunil aꞌin yechiꞌinbil ke la̱o. Joꞌcan nak chikacanabak chixjunil li ma̱usilal li namuxuc ru li katibel ut li ka̱m. Xban nak nakaxucua ru li Dios chikaqꞌue kachꞌo̱l chi cua̱nc saꞌ santilal.

San Mateo 9:21

Usta caꞌaj cuiꞌ li rakꞌ tinchꞌeꞌ, tinqꞌuira̱k, chan saꞌ xchꞌo̱l li ixk.

Hageo 2:12

Cui junak aj tij tixcꞌam li mayejanbil tib saꞌ lix tꞌicr ut cui lix tꞌicr ta̱nak saꞌ xbe̱n li caxlan cua, malaj ut saꞌ li vino, malaj ut saꞌ li aceite, malaj ut saꞌ xbe̱n cꞌaꞌ chic re ru chi tzacae̱mk, ¿ma santobresinbilak chic ta̱cana̱k li tzacae̱mk li quinak cuiꞌ? chan. Ut eb laj tij queꞌchakꞌoc ut queꞌxye nak incꞌaꞌ.

Levítico 11:32

Ut cui li camenak xul ta̱tꞌanekꞌ saꞌ xbe̱n li cꞌaꞌ re ru, li quinak cuiꞌ muxbilak chic ru, usta cheꞌ, usta tꞌicr, usta tzꞌu̱m, usta kꞌes ru tꞌicr ut yalak cꞌaꞌru chi cꞌanjeleba̱l. Muxbilak chic ru ta̱cana̱k toj ta̱oc li kꞌojyi̱n. Ut tento nak ta̱qꞌuehekꞌ saꞌ haꞌ re nak incꞌaꞌ chic muxbilak ru.

Levítico 6:18

Chixjunileb li ralal laj Aarón naru teꞌxtzaca li tzacae̱mk aꞌin. Aꞌin jun li chakꞌrab cua̱nk chi junelic chokꞌ reheb. Eb aꞌan li naru teꞌtzaca̱nk re xcomoneb li mayej aꞌin li nequeꞌcꞌateꞌ chiru li Ka̱cuaꞌ. Cui li mayej aꞌin ta̱nak saꞌ xbe̱n cꞌaꞌak re ru, santobresinbil teꞌcana̱k.

Éxodo 30:29

Joꞌcaꞌin nak te̱kꞌaxtesi cue chixjunil li cꞌaꞌak re ru aꞌin ut santobresinbilakeb chic. Ut chixjunil li ta̱chꞌeꞌekꞌ riqꞌuin li cꞌaꞌak re ru aꞌin, santobresinbilak chic ta̱cana̱k.

San Mateo 14:36

Ut queꞌxtzꞌa̱ma chiru nak tixcanabeb li yaj chixchꞌeꞌbal li rakꞌ. Ut chixjunileb li queꞌchꞌeꞌoc re li rakꞌ quilajeꞌqꞌuira.

Levítico 7:19

Ut cui li tib nanak chiru li muxbil ru, incꞌaꞌ naru ta̱tzaca̱k. Tento ban xcꞌatbal. Abanan li tib li incꞌaꞌ muxbil ru naru teꞌxtzaca li incꞌaꞌ queꞌxmux ribeb.

Ezequiel 44:19

Teꞌrisi li rakꞌ li cuan chirixeb nak xeꞌcꞌanjelac saꞌ li templo nak toj ma̱jiꞌ nequeꞌxic saꞌ li neba̱l li cuanqueb cuiꞌ li tenamit. Teꞌxcanab li rakꞌ li teꞌrisi chi saꞌ li templo saꞌ eb li naꞌajej santo. Teꞌxqꞌue jalan rakꞌeb chirix re nak incꞌaꞌ teꞌxsantobresi li tenamit riqꞌuin li rakꞌeb.