Levítico 6:21 - Li Santil hu

²¹ Teꞌxqꞌue saꞌ xartin li caxlan cua aꞌin li qꞌuebil aceite riqꞌuin. Ut nak acak xchakꞌak te̱cꞌam chi pedasinbil chokꞌ e̱mayej ut te̱qꞌue chiru li Ka̱cuaꞌ. Ut aꞌanak jun sununquil mayej chiru.

Q'eqchi Bible

²¹ Tento naq te'xk'uub' li mayej sa' junaq xartin, te'xpuq' chi us rik'in aseeyt; chirix a'an te'xq'axtesi chi kok'setinb'il, jo' mayej sununk xb'ook cho'q re li Qaawa'.

Levítico 6:21 ပူးပေါင်းရင်းမြစ်များ

Levítico 2:5

Cui tixmayeja li caxlan cua yi̱banbil saꞌ qꞌuil tento nak ta̱yi̱ba̱k riqꞌuin li cha̱bil cꞌaj yokꞌinbil riqꞌuin aceite oliva, abanan ma̱cꞌaꞌak xchꞌamal.

Levítico 7:9

Joꞌcan ajcuiꞌ li mayej caxlan cua li nachakꞌa̱c saꞌ horno, ut li nayaloꞌ saꞌ xartin joꞌ ajcuiꞌ li naqꞌuili̱c, aꞌan re laj tij li ta̱cꞌatok re li mayej.

1 Crónicas 9:31

Laj Matatías li xbe̱n ralal laj Salum li coreíta, aꞌan aj levita. Aꞌan li qui-iloc re li caxlan cua li quimayeja̱c.

Levítico 6:22

Ut laj tij li ta̱xakaba̱k chokꞌ re̱kaj laj Aarón saꞌ xya̱nkeb li ralal tixqꞌue li mayej aꞌin joꞌ quixba̱nu laj Aarón xban nak aꞌin jun xchakꞌrab li Ka̱cuaꞌ tento teꞌxba̱nu junelic. Ut ta̱cꞌatekꞌ chixjunil li mayej li tixqꞌue.

Levítico 7:12

Li ani tixqꞌue lix mayej re xbantioxinquil chiru li Ka̱cuaꞌ tixqꞌue li caxlan cua li ma̱cꞌaꞌ xchꞌamal junajinbil riqꞌuin aceite, malaj ut tixqꞌue ajcuiꞌ li caxlan cua chi jay li ma̱cꞌaꞌ xchꞌamal ut tixqꞌue aceite saꞌ xbe̱n. Tixqꞌue ajcuiꞌ li caxlan cua yi̱banbil riqꞌuin cha̱bil cꞌaj, yokꞌinbil chi us ut junajinbil riqꞌuin aceite.

1 Crónicas 23:29

Aꞌaneb li teꞌilok re li caxlan cua li naqꞌueheꞌ saꞌ li me̱x ut li cꞌaj li nacꞌanjelac re li mayej re li ru li acui̱mk. Aꞌaneb ajcuiꞌ teꞌilok re li xyi̱banquil li caxlan cua li ma̱cꞌaꞌ xchꞌamal. Aꞌaneb li teꞌilok re li mayej li yi̱banbil saꞌ li xartin joꞌ ajcuiꞌ li xbisbal li mayej li ta̱mayeja̱k saꞌ lix templo li Dios.

Levítico 11:33

Cui jun li camenak xul ta̱tꞌanekꞌ chi saꞌ li chꞌochꞌ ucꞌal, muxbil chic ru ta̱cana̱k li ucꞌal joꞌ ajcuiꞌ li cuan chi saꞌ. Tento nak te̱jor li ucꞌal aꞌan.

Levítico 15:12

Cui li cui̱nk li yo̱ chi e̱lc xyaꞌal lix tzꞌejcual tixchꞌeꞌ junak li chꞌochꞌ ucꞌal, tento nak teꞌxjor li chꞌochꞌ ucꞌal ut cui tixchꞌeꞌ li cꞌaꞌak re ru yi̱banbil riqꞌuin cheꞌ tento nak teꞌxchꞌaj.