Levítico 6:17 - Li Santil hu

¹⁷ Nak teꞌxyi̱b li caxlan cua aꞌin incꞌaꞌ teꞌxqꞌue xchꞌamal. La̱in xinqꞌue li mayej aꞌin chokꞌ reheb xban nak aꞌan li tento teꞌtzꞌak. Li mayej aꞌin kꞌaxal lokꞌ joꞌ xlokꞌal li cuib chi mayej li nequeꞌxqꞌue re xtzꞌa̱manquil xcuybal lix ma̱queb.

Q'eqchi Bible

¹⁷ Ink'a' naru te'xk'uub' rik'in k'a'aq re ru nasipob'resink. A'an a'in li tink'e cho'q xtzekemqeb', xkomon li sahil mayej nak'atmank sa' ink'ab'a': a'an jwal loq', kama' ajwi' li mayej nak'eemank chirix li maak ut re xtojb'al rix li maak.

Levítico 6:17 ပူးပေါင်းရင်းမြစ်များ

Levítico 6:25

—Ta̱ye re laj Aarón ut eb li ralal: Aꞌan aꞌin li chakꞌrab chirix li mayej li teꞌxqꞌue re xtzꞌa̱manquil xcuybal li ma̱c. Li xul li teꞌxqꞌue chokꞌ xmayej teꞌxcamsi chiru li Ka̱cuaꞌ saꞌ li naꞌajej li nequeꞌxcamsi cuiꞌ li xul li nequeꞌxqꞌue chokꞌ cꞌatbil mayej. Li mayej aꞌin, aꞌan santobresinbil.

Levítico 2:11

Nak te̱qꞌue le̱ mayej cꞌaj chiru li Ka̱cuaꞌ, incꞌaꞌ te̱qꞌue xchꞌamal. Ma̱ jun li mayej ta̱cꞌatekꞌ chi cua̱nk xchꞌamal, chi moco te̱qꞌue li xyaꞌal cab.

Levítico 2:3

Ut li joꞌ qꞌuial chic li mayej cꞌaj li ta̱cana̱k, aꞌan ta̱qꞌuehekꞌ re laj Aarón ut reheb li ralal. Li cꞌaj aꞌan santobresinbil chic xban li ac xcꞌatman chokꞌ mayej chiru li Ka̱cuaꞌ.

Levítico 7:1

Aꞌan aꞌin li chakꞌrab chirix li mayej li nequeꞌxqꞌue nak nequeꞌxkꞌet junak reheb lix chakꞌrab li Dios. Aꞌan jun mayej santobresinbil.

Levítico 6:29

Li mayej aꞌin santobresinbil. Caꞌaj cuiꞌ eb laj tij ut eb li ralal naru nequeꞌtzacan re.

1 Pedro 2:22

Li Cristo ma̱cꞌaꞌ xma̱c. Ut ma̱ jun sut quibalakꞌin.

Levítico 7:6

Eb laj tij ut eb li ralal naru nequeꞌtzacan re li mayej aꞌin. Tento nak teꞌxtzaca saꞌ li naꞌajej santo xban nak aꞌan jun li mayej santobresinbil.

Éxodo 40:10

Ta̱yul li aceite chiru li artal re li cꞌatbil mayej. Ut ta̱yul ajcuiꞌ chiru chixjunil li nacꞌanjelac re li artal. Ta̱kꞌaxtesiheb saꞌ cuukꞌ re nak santobresinbilak chic.

Éxodo 29:37

Cuukub cutan texmayejak saꞌ xbe̱n li artal. Joꞌcaꞌin nak te̱santobresi li artal chicuu. Ut aꞌanak jun santil artal ut chixjunil li te̱qꞌue saꞌ xbe̱n li artal, aꞌan santobresinbilak chic.

Levítico 6:26

Li mayej li tixqꞌue laj tij re xtzꞌa̱manquil xcuybal xma̱queb, aꞌan ta̱ru̱k tixtzaca li tib aꞌan. Tento nak tixtzaca saꞌ li naꞌajej santo saꞌ li neba̱l re li tabernáculo.

Levítico 7:7

Juntakꞌe̱t lix chakꞌrabinquileb chirix xqꞌuebal li mayej li nequeꞌxqꞌue re xtzꞌa̱manquil xcuybal xma̱queb riqꞌuin li mayej li nequeꞌxqꞌue nak nequeꞌxkꞌet lix chakꞌrab li Dios. Laj tij li ta̱cꞌatok reheb li mayej aꞌin, aꞌan ta̱tzꞌak li tib aꞌin.

Levítico 10:16

Laj Moisés quixpatzꞌ li mayej chiba̱t li quiqꞌueheꞌ re xtzꞌa̱manquil xcuybal lix ma̱queb. Cꞌajoꞌ nak quijoskꞌoꞌ nak quirabi nak ac quicꞌateꞌ. Quipoꞌ riqꞌuin laj Eleazar ut laj Itamar ut quixye reheb: